|
مستقبل اولادي الغالين بعد الطلاق !!! ومساعدة ام السوسه على التغير!!
بسم الله الرحمن الرحيم
السلام عليكم ورحمه الله وبركاته بما اني راح اتكلم عن موضوع يخصني اتمنى منكم ردود سليمه لان الموضوع متعلق اساسا بمستقبل اطفالي انا ام وكما تعرفون مطلقه ولي حدود العشره اشهر ماشفت اولادي ولا كلمتهم الا يمكن اربع مرات من راحوا عندي اكثر من مشكله واتمنى ان تسعادوني في حلها لاني وللاسف من النوع الي اتاثر بااراء من حولي وانتم اخوه جميعا لي ويمكن بعض منكم عاش بين ام واب منفصلين وش كان موقف ورده فعله وتمنى من امه تسويله في حال منع منها البعض يعرف تفاصيل مشكلتي ولا اتمنى ارجع اعيدها هنا لان من المشاكل الي ابغى انساها حياتي السابقه الاشياء الي اتمنى تساعدوني فيها اولا: للاسف قلبي من شهر ونص صار قلبي اسود وصرت حاقده حقد غير طبيعي على طليقي واهله والسبب انهم حرموني من اولادي وحصلت اكثر من سالفه والبعض يتذكر موضعي الي كتبته في الفتره الي عدت لمى تحطمت انهم ماراح يجون واناكنت موعوده ومتامله خير وربي اني صرت لمى افطرر اقول ما بدعي بسؤ ولكن لا شعوريا وانا اشوف الكل ملتم ولمى االاهل يزورونا ومعاهم اولادهم ويسالوا عن اولادي على طول ادعي بكلمه حسبي الله ونعم الوكيل فيهم مدري ماصرت اتمنى لهم الا كل سوء وربي ماكنت كذا ابد حتى بعد طلاقي سامحته على كل شي سواه فيني بس هالحين ماني قادره اقرى مواضيع بخصوص تطهير النفوس اخوي الكبير دائما ينصحني ويقولي سامحي وانسي بس موقادره اعرف اجر من عفى وسامح واتمنى بس بجد تعبت احس اني تغيرت مره مني قادره ادعي حتى ان الله يحنن قلبه عليهم وحده من فتره بسيطه قالتي الله يهديه لان اذا الله هداه بيرد لك اولادك لاشعوريا قلت الله لايهديه ولايصلحه مع اني ما اعرفها ذيك المعرفه استغربت من ردي وانا استغربت من انفعالي ثانيا: احنا في رمضان ورمضان بركه واملي بالله عزوجل انهم راح يعيدوا عندي بحول الله وقوته لو جابوهم يوم واخذوهم ؟؟؟هنا وش اسوي او ماجابوهم وبدت الدراسه هنا وش اسوي برضوه؟؟؟ بيكون عيد ومحد فاضي لاحد وبعدها دراسه وحتى هنا بالمنتدى يمكن محد يرد لو سالت في العيد اخوي الكبير يقول بنقدر والوالد برضوه بس اخوي يقولي لاتستعجلي مصيرهم يكبروا ويجوك لانا لو رفعنا قضيه بيكبروا اولادك ويكرهوا جدهم واخوالهم ونفس الشي محتاره وش القضيه الي ارفعها زياره والا اخذهم على طول ؟؟؟ لو زياره مو معقوله كل ما ابغاهم اروح للمحكمه وارفع وتبدا الجلسات بتخلص الاجازات واحنا بقضايا!!!! ولو حضانه على طول اعرفه بيسوي حركات جنان وياخذهم من المدرسه وما راح يصرف ولايسال فيهم!!!! كل شي متوقع ل صحيح يحبهم ومتطمنه عليهم ولكني عارفه انه راميهم على اهله ويسافر ويروح ويرجع يعني عايشين بدون ام وشبه اب يمكن اكون عجوله واستبق الاحداث بس والله من تعبي وبعدهم عني مني قادره حتى اتكلم مع اهلي ولاحتى انزل دمعه قدامهم وربي رحمت ابوي من تزوجت انا بالذات وقلبه علي ماكان مطمن وهالحين محروق علي بعض الاحيان اقول اتوكل على الله وحده واتركهم وطنش الموضوع والجاء لله عزوجل ومتى يبغى يجيبهم يجيبهم بس عارفتهم يحبوا يامروا الناس وممكن يتحكم في الزياره ويتشرط فيها وبعض الاحيان اقول ماضاع حق وراه مطالب \ ثالثا: صار الي صار من مشاكل بيننا انا ما اتمنى اولادي يعرفوا بالماضي وخصوصا ان الاولاد يتاثروا بسمعة ابوهم وهذي نقطه دائما افكر فيها ولكن موضوع الدكتور سطام فتح عيني عليها وش المفروض نتخذه بعد ماطلع الكلام من ناحيتي اتمنى اني ما اجيب طاري ابوهم لهم بسوء لمى يكبروا بس ما اوعد نفسي لاني لو حرمت منهم راح يزيد قهري منه ويمكن ادعي عليه بيوم قدامهم شي اخير: : لمى نسولف مع اي احد لو جبنا طاري حياتنا السابقه مثلا موقف حصل او انا واولادي مع ابوهم مجرد سوالف فقط هل هذا الشي غلط ويخلي الناس تنتقد يعني اعتبرها حياه عدت ومافيها شي لو ذكرنا بعض المواقف زي لمى كنا بالمدرسه نتذكر مواقف ونسولف فيها اتمنى ردود وبعقلانيه وبدون تجريح في الموضع لاتقولوا دخلوا رجال لانهم مايقدروا ابد بجد ابغى اريح مخي من هالسالفه واعرف وش امشي عليه علشان اكمل صيامي وانا مرتاحه اسفه على الاطاله واشغلتكم معاي ولكن جزاكم الله جميعا الف خير على وقفاتكم ودعواتكم |
الحبيبة أم السوسة ُأقدر كثيراً ماتمرين به لكن صدقيني لانستطيع دائماً تقديم النصيحة في أمور تشعرين بها لكننا نستطيع توضح الصورة فيكون الطريق أمامك واضحاً هناك فرق بين نظرة عين واحدة .. وأكثر ..!! . . بالنسبة لما يجول في خاطرك فالطبيعي أن تتأثري بل تذكري دائماً خسارتك هي أولادك ثمرة قلبك أضنها ليست أمراً هيناً لكن تذكري يوسف قذفه أخوته ُعومل كعبد وتم بيعه " دراهم معدودات "..!! .. وبإذن الله وحده لاشريك له عاد ملكاً لوالده وقاموا له ساجدين ..!! .. تخيلي بعد كل ذالك الظلم والعذاب والسجن .. قال والده عسى أن يأتيني الله بهم جميعاً وعادوا هي الثقة بمن تعالى في سماه فثقي به وتذكري موسى وكيف أعاده الله لوالدته رضيعاً وهي أرضعته وكبر ليكون هو من يقضي على فرعون من طغى وتجبر وسيبقى إحدى علامات الطُغاة لاتخافي الطغاة وخافي ربهم لأنه هو من سلطهم وهو من سيردهم على أعقابهم ..!! . . كل هذا لأقول لك ياحبيبة ثقي بالله والله سيأتي الله بهم جميعاً لكن ضعي يدك على قلبك وكرري من وهبني سيحنن قلوبهم ويأتي بهم ولربما لله حكمه في كل مايحدث " لعله خيراً " مامن شر محض ..!! أما حديثك عن مشكلاتك معه فإحذري الوقوع في هذا مشكلاتك كانت بينك وبينه أطفالكما هما ساعات صفاء كانت لن يكون أي منهم طرف في أي نزاع ومن الخطأ أن تبرري لهم سوء والدهم .. السوء أن تنتقصي ماكان عليه لتبرري لنفسك الصواب وبالآخر ستخسري ثقتهم بأنفسهم وحبهم لك سيبقى شيئاً ما بالنفوس ,, لن أقول أننا لانخطيء لكن المصيبة هي التمادي في الخطأ أنتِ ترغبين في التغيير فإمضي في هذا الطريق .. سيكون هناك عثرات لكنني أثق بك وبأنك ستكونين الأفضل .. قلت لك أنتِ عاقلة تحتاجين فقط لتتذكري لله في كل مصيبة حكمة .. ولك في صبر أجر لايعادله إلا أجر المجاهد .. دائماً ُأكرر أمام كل مصيبة إما أن تكوني راضية وفاضلة وإما متذمرة متسخطة .. لك عين بصيرتك فكوني راضية قانعة ولن يزيدك هذا إلا فخراً وحباً لما عند الله ولن يخيب الله لك ضناً والله لن يخيب .. .. محبتي .. وأمنياتي أن ُيجزل الله لك الكثير من الصبر ،، |
اختي الكريمة ..
انا لا اعلم مشكلتك مع طلقيك ..واهله .. والله عليم بمافي قلبك من حرقه على اطفالك لكن اقول لكي لاتستلمي ..فهولاء اطفالك وانتي اول بهم ممن هو شبه ابيهم ..افعلي المستحيل من اجل اطفالك الجائي الي ام زوجك ...فمهما كانت لئيمة فهي في الاخير ام وبها من الحنان مايجعلها تحن على اطفال يعيشون من دون ام وشبه اب كما قلتي او الجائي الى احد من اخواته تكون متزوجه وجربت معنى الامومه كم يؤلمني موضوع ان يعيش الاطفال من دون امهم .. لا اريد ان ازيد الطين بله .. لكن اقول لا لالالالالالالالالالاتستسلمي وحتى وان اخذتهم بالمحكمة فهذا لايهم بقدر ما يهم انهم سيكون بجانبك باذن الله تعالى ... فسيكبرون ويعرف من هو على حق منكم وحينها لن يعاتبوكي والله يوفقك ويرد لكي ولادك عاجلا غير اجل ... يااااااااارب ياااااااااااااكريم يا ذاالجلال والاكرام رد لام السوسة ابناءها سالمين معافيين |
اختي الغاليه
تعب اشكرك على كلاماتك الرائعه والله انا ماذكرتيه دائما افكر فيه دائما اقول لنفسي ليش ما اترك الموضوع واتوكل على الله وكل ما اتشجع وابداء تجي مواضيع وسوالف تقهرني وتبداء الاسئله وش صار بموضوع عيالك وارجع على نفس التفكير والتعب موسى عليه السلام ويوسف عليهم السلام دائما في مخيلتي ام وموسى ودعائها ووعد الله لها بان يرده يجعل قلبي يقوى لاني والله ما ارسلتهم الا بعد استخارات كثيييييييييييييره لرب العاليمن وماكنت متوقعه كل هذا راح يحصل احمد لله على انه ابتلاني واسال الله ان يجعلها تكفير لذنوبي وصلاح لولادي وايضا لاانسى دعاء والد يوسف عليه السلام ((عسى الله ان ياتيني بهم جميعا )) املي بالله دائما احس ان ربي راح يعوضني بخير وراح يصيروا اولادي من خيره الناس ويارب ماتخيب رجائي الله يسعد ايامك ويرزقك من حيث لاتحتسبيني يارب |
حبيبتي اعرف قد ايه قلبك محروق منهم
لكن ما اقولك غير خليكي مع الله ادعيه بكل تضرع وخشوع توكلي عليه وخليكي مؤمنه ان حقك مع الله سبحانه وتعالى عمره ما راح يضيع واتذكري الايه الكريمه (ان مع العسر يسرا) خلي في قلبك ايمان انك راح تسعدي عما قريب برؤية اولادك وحضنهم يارب في طريقه عملتها لاني كنت في كرب وضيقه شديده والحمدلله برحمة الله فرج كربتي وهي اصلي الليل بسورة البقره كامله يوميا تاخذ مني ساعه وشويه والحمدلله عملتها وفرجها عليا وربي يسمع منك ويفرج همك وبالنسبه لسؤالك في ناس ما ترحم اذا انتي كنتي من اللي يتاثر بكلام الناس عنك انصحك انك ما تتكلمي عن حياتك السابقه مع احد غريب لان الناس ما يرحمو احد وربي معاك يا قلبي ويرد لك اولادك ردا جميلا ويرد كيدهم في نحورهم |
اقتباس:
اللهم امين الله يجزاك الف خير وسعدك يارب غاليتي اهله استحااااااااااااااااااله وامه بالذات لايمكن ترد علي اعرفها زين لو فيها خير كانت اقنعت الكل ان الاولاد لازم يرحوا لامهم والله العالم يحالها ولكن فيما وصليني واعرف انها لايمكن تتعاون معاي الا ان ربي انزل عليها من السماء تغير 180 درجه اقولك العائله مافيها عين صائبه الا شخص ولن يتدخل وكل من حولهم رفضوا لانهم مايحشمون احد يعني مافيه الا ان الله ينزل عليهم من السماء هدايته والا تتعاملي معاهم بالقوه |
اقتباس:
الله يسعد قلبك يا ام مودي ويسر لك كل خير ياحي ياقيوم ونعم بالله ومن توكل على الله فهو حسبه والله ياغاليتي اني جربت قيام الليل بالبقره طيله رمضان قبل كم سنه وانه تغير حاله وحياتنا لدرجه اني حسيت انا نعيش ايام شهر العسل ومجرد تركتها رجع الوضع للاسوء وانفصلنا بعدها بجد لاني تعبت وفعلا انا مقرره ومستمره على امور وسبحان الله متامله من الله خير ولكني طرحت الموضوع حتى اعرف وجهات النظر واي طريق امشي فيه وبالنسبه للسوالف فقصدي حتى مع اهلي لمى تجي سوالف وحده من اخواتي فجاه قالت لي لاعاد تجيبي طاريه قلت لها هذي حياه عشتها زي مافيها المر كان فيها الحلو ومومعناة اني سولفت اني احبه او ابغاه قالت الناس تفكر كذا عارفه الناس ماتترك احد بحاله وارضائهم غايه لاتتدرك ولكن هل هذا الشي صح ام خطء؟؟؟؟ |
ياقلبي ياا آم السوسة والله بكيتيني ..
بقولك من واقعي جدتي حرمتني من آمي تآديب لآمي لانهاا تزوجت بعد والدي .. ودائماً اقول ليش آمي تتزوج وتبحث عن آولاد وانا واخوي يتامى لكن آقول هذا نصيبها ومكتوب .. لكنها مااقصرت كاانت تبحث عنا بشتى الوسائل تتصل على عمااتي وعمااني وكانت تزورني بالمدرسة وتفاجآني بحضورها حفل الامهات وترسل لي مريولي تخيلي مرة طلعنا الصبح للمدرسة مع عمي وحصلناها عند الباب سلمت علينا وعطتنا سندويتش وعصير وودعتنا وهي بالخارج تجي عشانا وبعد ماصار عمر اخوي 17 سنة صرنا نروح لامي غصب على جدتي .. لذلك لاتيآسي بشتــــــــــــــى الطرق ابحثي عنهم .. وودعيهم الله الذي لاتضيع ودائعه ..ولاتنسسسسين الدعاء ان يجمعك الله بهم .. واذا دعيتي عليه ماتنلامين لكن تحسبي عشان مااينقص آجرك .. والدعوات وقت الاجابة بقولك موقف .. مرة كانت امي صاايمة وجالسة بتفطر ورن الجرس قالت امي لبنتها تخيلي يكونون عيالي قالت بنتها الثانية تضحك عليها يمه هنااوي وتركي عند الباب ارفعت امي يدها للسماء و قالت ياارب ياكريم ياحي ياقيوم يرفع بهزوكم ويكونون اولادي وفعلا فتح لنا زوجها كان يسقي الزرع ودخلنا ع آمي وهي رافعه يدها !!!!!!!!! وعسى ان تكرهوا شيئا وهو خيراٍ لكم .. يمكن ربي آبعد عنك آولادك عشان تتقربي له بالعبادات والدعوات .. وكلي آمرك لربك وخذي بالاسباب اتصلي على عماتهم ارفعي قضية ولو زيارات .. الله يجعمك فيهم عاجلا غير اجلا وان شاء الله يصومون ويتعيدون برمضاان معك .. |
اقتباس:
الله يسعد قلبك يارب ويشفيك ويعافيك ومشكوره على دعواتك الصادقه وربي ان قلبي انحرق انتي فعلا لازم تروحي لامك انا جالسه اسوي اشياء واحاول اوصل لهم ولكن لايمكن بيوم اروح لجهة بيت اهلهم لوماعاد اشوفهم وفيه اشايء كثيييييييييييييييييير حصلت بس مو حابه اذكرها بالمنتدى الحمد لله اني ما انساهم من الدعاء لدرجه صرت ادعي لهم اكثر من نفسي وكل يوم اقول استودعتهم الله صدقيني املي بالله عزوجل ونعم به سبحانه والحمد لله اني تعرفت عليك بجد انتي انسانه رائعه دائم اتذكر كلمتك لاتدعي علشان ماينقص اجرك وعرفتيني بمشاعرك تجاه امك بس هل اخوك نفس المشاعر؟؟؟؟ |
اختي والله..
ما ادري ايش اقولك.. احسك خايفه خايفه من المواجهه والفشل.. مريتي بتجربة فشلت وخايفه من هذي.. خايفه تلجئين للمحكمة .. وحاطة تصورات اعتبرها انا تشاؤم.. قلبي بقولك اياها من الاخير.. انتي مو براسك تفتحين محاكم.. وتواجهين لين اخذين عيالك.. خلاص قلبي.. استودعي عيالك الله.. وتزوجي اذا جالك عريس مناسب والله يعوضك.. كذا انتي في وضعك.. حارقة نفسك .. لا طايله ارض ولا سماء.. غيرك متونس وانتي لا.. فيك اختي بالمدرسة اذا دخلوا تكلمين مع المدير.. وتفهمينة.. ويكون امر سري.. ويخليك تكلمين عيالك.. واذا متردده اسألي شيخ.. ايش رأيه في انك ترفعين قضية على طليقك.. لانه ما يحق لهم حرمانك.. مهما كان ولو ايش ما يكونون مثل مانتي تحسين بفقدانهم هم كذلك.. والجئ.. لله مو بس بالصلاة..مع الصلاة ترك للاثام..تصدق تصدق.. دعاء والحاح.. يمكن خيره لك وتتزوجين وربي يرجعهم لك.. وصديقني مهما كان ما تضمنين من يكبرون يبقون معك او لا.. وحده اعرفها حرقت عمرها عشان عيالها.. ومن صاروا مراهقين سافروا لبلد ابوهم.. لاهي اللي تزوجت وجابت لها عيال.. ولا هم اللي بقوا عندها...يعني الحين صار كل واحد ببلد وادعي لطليقك الله يصلحه لعياله..ويجعل في قلبه رحمه لهم.. وامي انحرمت من امها.. بس جدتي تزوجت.. وكان خيره لامي وجدتي.. سبحان الله |
| الساعة الآن 12:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©