|
الي جرب افران الكهرباء ارجو من الجميع الدخول
السلام عليكم ورحمه الله وبركته
انا ودي اشتري فرن جديد طبعا الكهربائي لاني تعقدت من فرن الغاز وتحملته 15 سنه بس محتاره اشتري سرميك هو اسهل في التنظيف بس مايحتر الابعد نص دقيقه مثلا انا مااعتبرها عيب والنوع الثاني القديم الي عيونه حلزوني انا ودي بالجوده ابغى مميزات الاثنيين وعيوبهم وش الافضل وكل عام وانتم بخير وفق الله الجميع |
انت قصدك الفرن الي عالكهربا يعني ما في نار وبس عالكهربا؟
انا كمان والله زهقانة من فرن الغاز وحابة اعرف من البنات كمان خلينا ننتظر نشوف شو حيقولو ولا انت قصدك الفرن العادي بالنار لكن ماتستخدمي فيه كبريت او ولاعة يعني بالكهربا تطلع الشعلة ؟؟؟؟؟؟؟؟؟؟؟؟؟؟ |
انا عندي فرن كهربائي وحلوووووووووو مره لكن عيبه في التنظيف لأن العيون حلزونيه..انصحك اذا بغيتي تشتري فرن أشتري
ألي عيونه سيراميك أريح لك.. |
انا عني جربت الكهرباء سنة كامله بكندا بس مااعجبني لانه يخلي طعم الاكل غير عن فرن الغاز يعني مو طعم مثل فرن الغاز وغير كذا تنتظري الين تحمى العين بعدين يبدى طبخ الاكل يعني تقريبا 3 دقايق مو زي الغاز على طول ..وجربته انه ممكن يلسع الاكل بعد ماتطفين عليه يعني اذا تبغين تطفين على العين شيلي القدر على طول من فوق العين عشان مايلتسع من باقي الحرارة الموجوده مو زي الغاز من تطفين عليه يهدى الطبخ...هذا اللي انا جربته بفرن الكهرباء
|
ايوه قصدي الي كهربائي يعني يشتغل على الكهرباء
بس الكل يقول الكهربائي افضل بكثير خاصه الفرن من تحت بس ابغى اعرف وش افضل السراميك ولا الحلزوني يالله سار معاي ملك شادي ننتظر ردودكم |
بالنسبه لي افضل الحلزوني
اتي عندها السيراميك والله انه بارد حيل في الطبخ مايصير حار بسرعه غير الحلزونيه بالنسبه للتنظيف الحلزونه نفسها علدي انا اشيله من الفرن بصفه عامه وانقعه بمويه وبعد كذا اغسله وما اقسى عليه في الغسيل وبالنسبه للكيكات صدقيني احسن من الغاز بكثير ان شاء الله اكون فدتك |
انا ماعمري طبخت بالغاز نهائيا
أخاف منه ودايما الفرن عندي كهربائي وانا استخدم الحلزوني افضل من السراميك لان السيراميك يطول مدة الطبخ |
الله يعطيكم العافيه
فعلا الكهربائي في الكيك والمعجنات افضل بكثير وفرني الغاز اتعبني من هذي الناحيه |
انا فرني صار لي سنه تقريبا استعمله فرن سيراميك مررررررره مريح وحار جدا وسهل بالتنظيف فيه زر كلين يعني ينظف نفسه بنفسه بس ترا فيه انواع فيه شي ممتاز وفي نوع رديئ انا فرني مرره ممتاز ومن شركة ميتاج ومن شدة حرارة الفرن مااقدر اشغل الشوايه وتحت مع بعض
انصحك تجربينه وتفكين نفسك من الغاز ومشاكله اللي ماتخلص |
لالا
اذا قصدك البوتوجاز مو الفرن فقط فلا لا للكهرباء والله ابغى اموت واجيب غاز كرهت الطبخ والله اني حرمت اطبخ الا في الشديد القوي وصار اكلنا كله من برا متعب ومقرف ويخليك تكرهي عمرك اول شي مايسخن على طول واذا سخن وبغيتي تخفضي درجة الحرارة برضه مايتخفض على طول واذا خلصتي طبختك لازم تشيلي القدر لانه يظل حار فترة بعدين يبرد من جد كرهني في الطبخ غير كذا طعم الاكل مختلف انا اتكلم عن السيراميك باذن الواحد الاحد مغيرته مغيرته بعد ما اضربت عن الطبخ لازم يتغير اسهل في التنظيف واصعب موووووووووووت في الطبخ يخليك تبذلي مجهود اضافي لكن الحلزوني يمدحوه ، انا شخصيا ما جربته نصيحتي خليك عالغاز والله ما في احسن منه بس الفرن اشتري الكهربائي مرة مريح اريح من الغاز الفرن للمعجنات والكيك مو للطبخ وربي يعطيك خيره ويكفيك شره |
| الساعة الآن 11:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©