|
مساعدة في طريقة عمل شوربه كويكر و اللقيمات
السلام عليكم
انا عندي مشكله بشربة الشوفان او الكويكر اعملهااا بنفس الطريقه الي في المنتدى وهي اصلا نفس طريقتي بس احس الشوفااان ماينخلط مع المرق وماتطلع حلوه ماادري ليش ياليت تفيدني لاني والله بتجنن اهل زوجي ببجون بعد كم يوم والشوربه هااذي اساس الفطور وانا كثثثثثثير خااايفه واللقيمااات هااذي الي جننتني شوفو طريقت صح والا لا ..(اعجن كوبين دقيق ذره وملح وملعقه وسكر وملعقتين خميره وملعقتين نشا اخلط المقادير الجافه بعدين احط الما وبعدين بنص ساعه استخدمهااا ) المصيبه تطلع معي من جوا كأنها عجينه وماتنقطع يعني الواحد بياكاهاا ياخذ وقت وهو يمضغ حطيت عليهااا سميد قالت لي وحده من الاخوات ومع ذلك ماضبطت معاااااااي تكفوووووووون والله لدعيلكم بس قولولي وش اسوي قبل لايجون اهل زوجي ,,:rolleyes: الاشراف / تم تعديل العنوان ليتناسب مع المضمون مستكة_مستكة |
السلام عليكم ....
بعد ما تكشني البصل اطحنيه مع الطماطم وبعدين رجعيه القدر ولما يجي وقت الشوفان اطحنيه قبل ما تحطيه مع الكشنة شرط تكوني منقعته قبلها بشوي ... كانت عندي مشكلتك لحد ما صرت اطحن كل شي |
حبيبتي
بالنسبة للقيمات أنا استبدلتها بالقشطيه والله لذييييييذة جربيها كاس دقيق علبة قشطة ملعقه كبيره بيكنج اعجنيهم مع بعض الين تصير العجينة ما تلصق بيدك خليها ترتاح لمدة نص ساعه .. خذي كميه منها افرديها بالفرادة وبعدين لفيها مثل الاسطوانه وبعدين اقسمي الاسطوانه نصين وافردي كل نص وقطعيه مربعات بقطاعه البف .. واقليها واسقيها بشيرة باردة ثقيله .. وتمتعي بقرمشه وطعم لذييييييذ .. ....................... بالنسبه للشوربه كشني بصل وطماطم وقطع لحم بالعظم عود قرفه مسمار وشوي فلفل اسود وملح وملاعق صلصة وماء حسب الكميه اللي تبغيها وحطيهم في قدر الضغط عشان يستوي الحم مزبووووط في الأخير حطي الشوفان بدون طحن وجزء منه اطحنيه يعني مزيج بين الاثنين وخليه على نار هاااديه الين يستوي وقدميها بالعااافيه.. |
اقتباس:
شكرا لك حبيبتي... |
اقتباس:
ابجرب القشطيه حبيبتي بس اللقيمااات شي اساسي عند اهل زوجي وبالنسبه للشوربه والله العضيم مثل طريقتي الااني مااطحنهااا بجرب هالطحن واشوووف يسلمووو حبيبتي انتظر باااقي الردود,, |
ينقل هنا مكانه الانسب
|
الشهر عليكم مبارك
اختي شوربه الكويكو سهله ولا يبيلها شيء وان شاء الله طريقتي تعجبك وتكون زينه حطي في الخلاط طماطه وبصله وشوي فلفل حار وكمون وملعقه صلصة طماط و كويكر وماء واخلطيهم وتكونين حاطه اللي تبين اما دجاج ولا لحم وحامسته في القدر الحمس يعني دقيقتين وبعدين كبي الخليط وحطي معه حبه فلفل حار وخليه على النار الى ان يغلي وبعدين خفضي عليه النار خليها هاديه لمده ساعه وبالهناء والعافيه |
هلا اختي
عندي طريقه حلوه للشوفان تعلمتها من اختي تنفع للمبتدئيبن بالشوفان قبل ما تضعين الشوفان عل مرقه اللحم او الدجاج صبي عليه مويه من الحنفيه وحركي حتى يتجانس ثم نزليه على المرق |
أول شي تحمسين اللحم مع البصل والثوم والماي لين تروح الزفره
وتكونين حامسه بصل وثوم وفلفل اخضر وطماط وبحطين الشوفان وبعدين ماي معلي خليه يغلي 10دقايق بعدين تطحنيها بالخلاط تعدين تضيفينها على اللحم وتزيدين ماي خلي النار متوسطه وغطيها ساعه تقريبا وبالعافيه وانا موكثير أحب الشوربه بانواعها لكن كل من ذاقها حبها ومدحني): |
| الساعة الآن 04:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©