تقدم لي واحد ورفضني وانا مقهوره
 

السلام عليكم ورحمة الله وبركاته

قبل اسبوعين تقدم لخطبتي شخص واتى هو وابوه وامه لخطبتي وطلب من عمي رؤيتي لكن انا رفضت لأنني كنت غير مستعده نفسياً أبداً وكنت خائفة جدا ورفضت , وعمي أصر علي انو انا ادخل وايضا ام العريس قالت على الأقل افتح الباب ويمر ويشوفك وماراح أخليه يطول كمان رفضت وانا رفضت لأنو بصراحه كيف أطلع بواحد انا ماأعرف عن اخلاقه شي ولا أحد سأل عنه لسى المهم انا طلبت من عمي أنو يقول له لازم نسأل عنكم وبعد اسبوع نرد لكم (بأنه يجي يشوفني ) سافرنا جده مكان إقامتنا وهو ماقصر سافر معانا بنفس اليوم وطلب من عمي موعد لجيته وحددنا بعد ماسأل عمي عنه وسمعنا عنه بأنه شخص سمعته طيبه ومايتفوت طبعا أنا وافقت والله قبل مايأتي كنت بالمره فرحانه بشكل مو طبيعي لانو انا بصراحه عمري 26 سنه وكل إلي بسني وإلي أصغر مني من عائلتي تزوجو وانا مثل ماأنامحلك سر على انو يجوني خطاب بس سبحان الله مايصير نصيب , المهم انا وامي واخواتي رتبنا البيت من وإلي وبخرنا البيت وجهزنا القهوة والعصير وكلو وتعبنا بس كان على قلب امي واخواتي زي العسل المهم يفتكو مني :d وانا اهتميت بنفسي وتشيكت ولبست لبس محترم كم طويل وتنورة طويلة وشيك كانت دق على عمي جوال وقال انا العريس جايين افتحو الباب فتحنا الباب وشفت العريس من العين السحريه إلي عند الباب دخل وجلس مع عمي نصف ساعة من دون ماء ولا قهوة وياحسرة عمي شكلو مايعرف الواجب ولا عندي أخ يروح يجيب القهوة خفنا ندق عليه جوال ويقول العريس هذولا مستعجلين المهم بعد نصف ساعة دقيت على عمي دقه وقلت علي وعلى اعداء خليه يفهمها زي مايبغى المهم نقدمله شي بارد لانو تعرفو الجو هنا بجده حااااااااار بشكل مو طبيعي وكمان هو جاي بالعصر بعز الشمس وكان عمي يوصفله البيت يعني العريس كان بحوسه

جى عمي وقال قدميله عصير وقلت انا لعمي أوكي بقدمله واطلع على طول مااقدر أجلس أستحي قال عمي أوكي دخل عمي المجلس ودخلت انا وراه ولما دخلت شفت العريس يطالع فيني من فوق لتحت قدمت له العصير وبعدين قدمت العصير لعمي وقلت لعمي خلاص أروح قال روحي

بعد ربع ساعة او اقل خرج العريس وطلعت شفته من الشباك دخل سيارة صاحبة ورمى العقال على صاحبه ورمى شماغه وراه وانا عرفت بأنو انا مااعجبته
دق علي عمي وقال تعالي المجلس جيت عنده وقال عطوني طلبات رمضان اروح اجيبها انا انصدمت وعرفت انه رفضني العريس وعمي مابغى يحرجني

انا والله العظيم مو ناقصني شي وانا لما كنت بالمتوسطة والثانويه والكليه والمعهد وبمدرسة الأهليه إلي ادرس بيها كثير بنات يعجبو بيه بشكلي وشخصيتي وحتى امه لما شافتني قالت ماشاء الله تبارك الله قمر الله يحفظك لأهلك بس ليه هو هرب ومارد على اهلي إلا بعد يومين وقال مالك نصيب من جد انا انقهرت وبكيت على حظي والله ماناقصني شي ليه يرفض ؟؟

صحيح انا مليانه حبتين بس مو كثير بس مااعتقد هذا السبب

إلي قاهرني انو في ناس تقدمولي وماطلعت اشوفهم ليه يوم طلعت أشوفه رفضني والله انا مقهورة ومتفشله من عمي لأنو اكيد علم زوجته وبناته وكمان من اهلي وامي الله يهديها نشرت الخبر لخالاتي وخيالاني وانا عاتبتها وقلت لها المفروض يكون سر بيننا واذا احد سألك من خالاتي قولي نصيب ماتقولي انو العريس رفضني والله ياامي مو حلوة بحقي وهي زعلانه مني وقبل كم يوم جلست تدق بالكلام لين صارت بيني وبينها مشكله واخواتي الصغار واقفين بصفها ويقولو لي أنتي عانس وكل مايجيك احد يرفضك وهم صغار المفروض مايتجرئو يقولو كذا بس امي الله يسامحها ماتخليهم يحترموني وتفضل الصغار على الكبار

ساعدوني لو بنصيحه وإيش المفروض أسوي اخلي عمي يكلم ابوه ويهزئه ترى أنا مقهورة يمكن لو كنت بشعه ممكن اتحمل وانسى إلي صار

حبيبتي
لا يضيق صدرك
توكلي على الله

أسأل الله تعالى أن يرزقك الزوج الصالح
توجهي لله بالدعاء و لا تيأسي و هانحن في شهر رمضان فاغتنمي الفرصة

أختي الفاضل :

أحمد الله .. لو الله رايد لك فيه الخير .. لأتاك مره أخرى ..

وإنما انصرف عنك لأن الله شاء .. فأحمد الله ولا تستعجلين على رزقك ..

يا عزيزتي لا تزعلين ولا تنقهرين يمكن خيره لك ما تدرين لا تندمين على واحد مثل هذذا وانت قلتي انه ما ينقصك شي وكان انت توك صغيره والمستقبل قدامك توكلي على الله وادعي ان الله يعوضك خير منه واقرئي سورة البقره في صلاة الليل وادعي بقوله تعالى "ولسوف يعطيك ربك فترضى "وكرري هذه الايه والدعاء" رب لا تذرني فردا وانت خير الوارثين " والله يوفقك ويعوضك خير :21: وتاكدي ان القادم احلى

يا بنتى ده نصيب ولولا اختلاف الأ\واق لبارت السلع وكل فوله ولها كيال وتأكدى انه ان كان مصيبك ما كان أخطئك لكن نصيبك ببساطه لم يأتى بعد وان شاء الله ربنا يكتب لكى اللى احسن منه وانتى مش عارفه الخير فين يمكن كان شر وربنا بعده عنك وانتى مش كبيره ولا حاجه وياما ناس أكبر منك و اتجوزوا وخلفوا يعنى الحكاية مش بالسن وطبعا انا مش محتاجه ا\كرك ان ربنا كاتب لك مين هيكون زوجك من وانتى لسه ببطن امك يبقى ليه الزعل. انتى عارفه وانا لسه فى الكليه ( طبعا ده من سنين كتار) تقدم لى عريس وكان عاجبنى جدا ولكن راح وما رجعش ليه لأن أهلى سألوا عنه بطريقه مش كويسه(واحد قريبنا ضابط بعت مخبرين لبيتهم يأخدوا معلومات عنه!!!! غباء يعنى ) وراح وما رجعش وانقهرت زيك كده وبعدها بأربع سنين اتقدم لى زوجى الآن وهو أحسن منه فى كل شيئ والحمد لله ودلوقتى بأحمد ربنا انى ما حصليش نصيب مع الخطيب الأول .

ياقلبي حاسة فيك لاتزعلي ولايضيق صدرك شوفي مصيبة غيرك تهون عليك مصيبتك أنا مطلقة مرتين وبعد طلاقي الثاني تقدم لي اثنين كلهم رفضوني بعد ماشافوني الحمدالله كل شئ نصيب شوفي حبيبتي يرفضك هالحين أحسن من أن يتزوجك ثم يرفضك يعني يطلقك 0واقول الحمدلله هالحين ولا بعدين لاني ضايقة مرارة الطلاق

الله يعوضني وإياك خير منهم وثقي حبيبتي أن الله لم يكتبة لك فهو خيرلك عليك بالدعاء ولا تنسيني في هذا الشهر الكريم

قولي له مع ألف سلاااااااااااامه .. الله كريم وقادر يرزقك بزوج أفضل .......

لا تزعلين ولا تكدري خاطرك .. خذي الموضوع ببساطه لأن .. هذا قضاء وقدر ...
ربما يكون شر والله صرفه عنك ..
كثير بنات مروا بنفس التجربه ... وفي الآخير ماشاء الله .. الله عوضهم وتزوجوا ..
لا تفكري كثير .. ولا تسمحي لهذا الموضوع يأثر علي نفسيتك وحياتك ..
أنسى خليك واثقه من نفسك ... وتأكدي ان بكررررررره أجمل

الصراحه شي يقهر
بس وش رح يفيد القهر بالوقت الحالي لازم تتعلمي الرضاء بالقضاء والقدر
ولازم تكوني واثقه من نفسك وتبقي على الدعاء الله يوفقك للخير
في رعايه الله

الله يعوضك بابررك منه عاجلا غير اجل وجميع بنات المسلمين