تقدم لي شخص يختلف عن ما أتمناه
 

بسم الله الرحمن الرحيم

وبعد ,,

أول شي لازم احكيلكم الموضوع من البداية ... وأرجوكم لا تبخلوا علي بالنصيحة

أنا محتاجة رأي جميع المتزوجات بدون استثناء ورح أكون شاكرة لكم




أنا فتاة الحمد الله مو ناقصني أي شي ,, مارح أجلس أمدح في نفسي كثير عشان ماتقولون مغرورة

يعني جمال وعلم وحسب ونسب الحمدالله كلو تمام بفضل ربي


بس المشكلة حظي في الخطاب مرررة قليل وأنا عارفة إيش السبب ,, لكن مااقدر اسوي شي

والسبب هوا إنو شخصيتي قوية شوية ( رزة ) واي أحد يشوفني ومايعرفني يقول مغرورة !!!!!



المهم ,, تقدملي شاب طيب وحنون

لكن مافيه ولا صفة من الصفات اللي اتمناها

يعني مثلا وظيفته مو عاجبتني ,, وشكله كمان مو عاجبني ,, تعليمه مو عاجبني

وغير كذا سمين !!! وأنا أكره شي في حياتي السمنه

والمشكله إنو سمنته وراثة ,, حتى اهله واخواته مليانين ,,, يعني عيالي في المستقبل ممكن

يعانوا من السمنة


أنا بصراحة كنت طموحة جدا وتمنيت شخص أفضل مني في كل شي

وخصوصا في التعليم


عشان مااطول عليكم ,, أنا أبغى رأيكم لأني محتارة وخايفة اظلم نفسي واظلم الشاب معايا

هل فيه وحدة صارلها نفس موقفي واتزوجت ؟؟؟ وكيف الوضع بعد الزواج ؟؟؟


أنا بصراحة ماني قادرة احبه مررررة ,, وخايفة لو ضغطت على نفسي واتزوجته تصير مشاكل واتطلق

أنا نفسي اتزوج لأني مو صغيرة ,,, لكن خايفة في نفس الوقت لأنو الشخص هذا مو عاجبني أبدا

وأحس اني عمري مارح أحبه


هل فيه وحدة اتزوجت شخص ماكانت مقتنعة فيه قبل الزواج ؟؟؟ وهل تحول الكره إلى حب ؟؟؟

هل لابد من القناعة التامة قبل الزواج ؟؟؟


بانتظار آرائكم

شكرا لكي على النصحية لأني محتاجتها وذلك لجهلي في هذه الأمور

يحبذ ان الزواج لا يكون الا عن اقتناع

عزيزتي

التنازل ليس مشكلة

و لكن عدم الاقتناع هو ما قد يعتبر مشكلة

فكري جيداً و استخيري

أسأل الله لك التوفيق و السداد

أنا أكثر حاجة خايفة منها هيا حديث الرسول صلى الله عليه وسلم (( اذا جاءكم من ترضون دينه وخلقه فزوجوه ))

ماادري تجيني اوهام اني لو رفضته ,, ربي رح يعاقبني

أهم شي الاقتناع

وقبل ذلك الاستخاره

وفقك الله في دينك ودنياك..

حبيبتي من حقك اذا كنت مو مقتنعه فيه انك ترفضيه..
مو حرام.. ولا عيب..
طيب ليش الشوفه الشرعيه لازم تصير؟؟؟؟؟
عشان يكون فيه راحه نفسيه بينكم انتو الاثنين ..
ما دام انتي مو مقتنعه ومو مرتاحه لاتستعجلي..
الله يعوض عليكي باللي احسن منه..
والله من عنده يرزققك.. لاتقولي عمري كبير والا صغير..
الرزق من عند الله..
واهم شي الاقتناااااااااااااااااااااااااااااااااااااااااااا اااااااااااااع