|
تحليل نفسي وذكاء عاطفي في تعاملي
السلام عليكم
اخواني واخواتي اتمنى منكم انكم تساعدوني بقد ماتقدرون أنا إنسان عندي نسبة ذكاء عاطفي جداً لدرجة العبقرية يعني أنا عندي إستطاعة أقرأ مشاعر الآخرين اللي بداخلهم وعندي القدره على إني أعرف وش دافعهم الداخلي اللي خلاهم يتخذون سلوك معين من قول او فعل صدقوني اني مااتمدح بنفسي لاني لاعرفكم ولاتعرفوني علشان اسوي هالشي كل اللي بين وبينكم اسم مستعار واولا واخير هاذي نعمة الله علي والحمدلله اولا واخرا طبعا انا واجهت كثيرين وقريت لهم مشاعرهم الداخلية وفسرت لهم تصرفاتهم , فينبهرون وبعضهم يقول كأنك عايش معي وبعضهم يقول هذا هو الشي اللي بنفسي ونت اللي بتفهمني طبعا انا اقرا كثير في كتب ومواقع التنمية البشرية ومجال الذكاء العاطفي علشان كذا صرت ووصلت لهاالدرجة وعهالشي لكن هي مشكله ولا وشو اني صرت اذا كنت في نقاش او مع احد تلقائيا افسر كلامه اونقاشه اوسلوكياته من ناحية نفسية واقرا له مشاعره طبعا ينبهرون الكثيرين والبعض يكابر معي شووويه علشان هالشي اللي صار عادتي واسلوب في كلامي , صرت اتضايق شوي باني دايم شبه رسمي في ردودي وتعاملي واعتمد على المنطق والتحليل النفسي والمشاعري , يعني بطرق علمية ونفسية بس كل هذا والله بعفوية وعدم تكلف في اي شي 1وش رايكم تعتقدون ان هاذي مشكله ولا شي عادي؟؟؟!!! 2في عالم الزوجية والتربيه للاسرة والعلاقة مع الناس هل تتوقعون لي النجاح الكبير؟؟؟!@!! 3ابي اسمع وجهة نظر المختصين والمهتمين بهالشي بشكل عااام؟؟؟!!!! |
شي حلووو والله...
انا مثلك في بعض الحالات... بس بعض الناس ممكن يحبطوني واسير اتردد ممكن اكون غلطانه بتحليلي.. طيب انت قولى كيف الحاسه السادسه معاك؟ وهل تؤمن فيها؟ وهل تتحقق معاك؟ |
اختي تقصدين الحدس
نعم انا حدسي وتصير معي احيان |
والله اذا كانت مثل هذي الكتب تزيد من مثل هالاحساس .. فشي حلو ..
ومن اليوم رح اعكف عليها .. مع اني ما احبها .. وبالقوة الواحد يجبر نفسه يتصفح الكتب الدينية عشان يتثقف ويكسر الحاجز الأزلي بينه وبين الكتب والقراءة طيب مثل ماعندك الاحساس بالمشاعر "او الذكاء العاطفي" .. هل عندك القدرة انك تقرأ افكار الغير حتى لو ماشفتهم .. والغرض من تصرفاتهم يعني مثلا .. تقرأ أفكار الشخص اذا كتب موضوع بالمنتدى .. اش غرضه منه !!! وانه يقصدك انت بالذات من بين الاعضاء بطرح الموضوع الفلاني .. وهو قصده يفيدك بطريقة غير مباشرة .. او يوصل لك فكرة .. او نصيحه بأسلوب لبق !! ودي اعرف ..هل عندك القدرة انك تكتشف الاشخاص اللي يستخدموا عدة معرّفات في منتدى وهم أصلا شخص واحد !! هل عندك القدرة انك تخمن اذا طرح احد مشكلة بالمنتدى .. هل هي صحيحة او وهمية !! واش الغرض اصلا من طرح القصه !! هل عندك القدرة تكتشف الاعضاء اللي بالهم معاك .. وشغالين بتحليل ردودك وشخصيتك ومشاكلك وردات فعلك !! لو كانت عندك .. هل هذي القدرة طبيعيه اصلا !! لعلها فضل من الله اش رايك .. تعمل اختبار انماط الشخصية اللي هنا بالمنتدى "وفيه 16 نموذج من الشخصيات" يمكن تلقى ان من شخصيتك اصلا وجود هذي الصفات او القدرات وهي اولا واخيرا .. فضل من الله قد تتعب وتسبب المشاكل وتكون نقمه .. لا نعمه .. فقط حين يدخل الغرور الى القلب ويصدق الواحد نفسه .. ويبدأ يدخل بالغيبيات .. ويفسر مقاصد الغير ونياتهم .. وبالنهاية < قد > يقع بسوء الظن فيمن حوله .. ومن غروره .. يعتقد انه على حق !!! مع اننا مأمورين بالأخذ بظاهر الشخص .. لا البواطن !! والمشكلة الاكبر !! لما يستخدم هذي القدرة في الاضرار باللي حوله !! لما يحس ان الشخص بهذا الوقت يحتاجه ويحتاج منه شي معين .. وهو بكل قسوة وبعد مافهم .. يتجاهله ويسوي نفسه مو فاهم !!!!!!!!!!! ومن غير مبرر أصلا لتصرف هذا التجاهل .. غير انها مجرد نذالة اعتقد .. فهذا اتوقع لو استمر بغبائه العاطفي "المقصود" فأتوقع له الفشل مليون بالميه الله يصلح الاحوال ويبارك الله فيما وهب لعباده ويعينهم على استخدام نعمه في رضاه .. رضاه فقط |
| الساعة الآن 12:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©