|
هل أستمـــــر مع هذا الانســـان والا ,,,,, !!!!!!!!!!!!!
السلام عليكم .. اول شي حبيت اقولكم مشكلتي بس قبل تقررون او تعطون رايكم
زوجي انسان ماينسى مهما كان الكلام اللي اقوله سهل .. او صعب .. انسان مزاجي جدا .. ما انكر انه يحبني يس عليه حركات تقهرني لما اتكلم يفول ياكثر كلامك ... مع اني وربي اكون مفرفشه.. وانا الحمدلله والناس تشهدلي بشكلي الخارجي وحتى اسلوبي ما يتصل فيني لما اكون لحالي بالبيت اي مشكله بيننا يوصلها للي بالي بالكم يعني لو نتزاعل عند شي تافه وانا عند اهلي ,, يقول انطقي عندهم .. اللي صار قبل كم يوم هذا هو للي مايعرفه http://www.66n.com/forums/showthread.php?t=171218 اللي صار اليوم اتصلت عليه وانا عند اهلي مره ولارد واتصلت بعدها ب5 دقايق مارد انا كنت ابي نطلع يمرني واخلي بنتي عند اهلي نتعشى برا اتصلت 4 اتصالات ولارد رد قلت وينك مارديت قال وش تبين؟متصله قبل هذي؟ قلت ايه متصله يمكن 7مرات قال وش تبين قلت وينك طيب قال جوالي ناسيه بالسيارة وانا عند امي جايب لها اغراض قلت مو قايلتلك ابي اغراض كان علمتني اوصيك عليهم دامك رايح للسوبر ماركت قال طيب وش تبين الحين قلت ودي تطلع تنمشى شرايك؟ قال اللي يبي يطلع كذاااااا يسوي اتصالات هالكثر؟؟ قلت مو مشكله شكلي زعجتك مع السلامه وسكر بعدها بشوي اتصل علي وقعد يخربط .. وشوله كل هالاتصالات .. اتصال واحد واذا شفته رديت ماله داعي كل هذا احسب فبكم شي قلت .. مو تقول انك ماشفت اتصالاتي وتسالني اذا انا متصله والا لا.... قال اصلا ماله داعي الاتصالات وانا ما احب كذاااااااااا .. كل يوم اذا تبين نطلع والا شي تتصلين مره .. والا ترسلبن رساله قلت غلطنا هالمره واتصلنا <=== اقسم بالله بس هالكلمه اللي قلتها سكرهاااااااا بوجهي انقهرت واتصلت قال وش تبين انا مشغول .. قلت انا قصدي ازعجتك باتصالاتي الكثيره .. ومالك حق تسكرها بوجهي وانا ماغلطت قال ... وهذي ثانيه وينفجر قلبي من الالم اللي احس فيه وانا ماقلت شي تغوذت من ابليس .. واستغفرت وتركته ..... ارسل رساله ... يقول ,,,,, انتي ماتتوبين وتحبين المشاكل .. ولو وحده غيرك زوجها مسامحها قبل يومين على غلطتها ما ترفع ضغطه كذا بس انا اعلمك وشلون تتادبين وارسل يقول كل شي له ثمن ... وانا ارسل وربي مو عارفه وش فيك وليش زعلت ويقول ماتدرين .. انا اوريك.. انا مالي خلق شي بروح انام واوريك يمكن اتفاهم معك بكرا والا بعده والا بعد سنه؟ قلت برساله عساني انحرم من بنتي اذا اعرف وشوله كل هالكلام ... ولاحول ولاقوة الا بالله واسكر جوالي ... لاني تعبت من رسايله القاهره اللي حطمتني كأمرأه لها احساس بعد ساعه رن تليفون بيت اهلي الساعه 1 ونص بالليل رد اخوي وسلم وقال وين فلانه ؟ وكلمته وقال يلا امرك؟ وهو يتبسم .. قلت انا تعبانه بكرا انشالله وسكر بعدها تحسفت وكلمته قلت اذا بتمرنا ولا يهمك امشي .. ولو اني تعباته.. قال لا اللي تبينه انتي بيصير قلت الافضل اجلس (كنت مزكمه) المهم قعد يقول انا ما ابي اقول منهو الغلطان بس ابيك تفهميني اني هالايام ماني متحمل شي وعندي مشاكل بشغلي بس ما إعتذر بس بقلبي غصه كيف اعبش مع شخص بكل دقيقه يهددني وعند اي موقف ليش ؟؟ والله لو مسويه جريمه ... مو عاد ماسويت شي وهو دايما كذا على فكره فبل سنه تركني عند اهلي لمده مو بسيطه بس كان فيه سبب زعله بس احس الحين صارت سالفه وصرت اكرهه من كلامه الجارح اهلي يرحبون فيني لاجلست الحمدلله ,,, بس انا ابي زوجي بس هو ليش معاي كذا لاتقولون كلميه لايقولك كذا ... كلمته وقلتله بس دايما يعيدها الله يعين ... علموني |
الله يكون بعونك ..
الطنقرة هذي تجيه بين فترة وفترة ولادايم اذا فترات فالرجل يحب يرجع لعزوبيته ويعيش لوحده لفترة ويعيش بصمت .. وفعلا آسلوبه يقهر بس الطلاق مو حل الحمدلله والشكر كل شخص فيه عيبه وكل عيب آهون من الثاني احمدي ربك انه يصلي وما يسكر ولئن شكرتم لازيدنكم .. وكل الاهالي فاتحين لبناتهم بيوتهم ولو بنتخذ ع هالمبادئ مافي وحدة اجلست عند زوجها .. مثل مافيه حلو آكيد بيكون فيه مر .. وتحمليه بحلاته ومرارته .. والرجل على ماتعوديه والطفل على ماتربيه .. آنتي تقدرين تغييرين آسلوبه .. واذا زعلتي لاتشكين لغيره .. اذا رضيتي قولي له جرحتني وماراح انساها لك الا اذا اجبرني حلو طبعك ينسينياه .. واذا طلع مشاكلكم لاحد قولي له ماالي وجه اكلم اهلي استحي منهم لان زوجي ماحفظ سري واجلسي شهر وانتي لاصقة فيه اطلعي معه وادخلي معه قولي مااقدر اواجه اهلي مستحية( ترى بنت عمي بعدها مابعد طلع لها سر ).. بالتوفيق .. |
تسلمين ياهناوي
بس حطي نفسك بمكاني انا دايما حاسه بقيمة نفسي وواثقه فيها بس بكلامه هذا وربي اتحطم واحس اني رخيصه عنده وانا اتكلم هالكلام لانه توي باول الطريق \\ بكرا لاصار عندي 4 عيال وش بسوي هد جبل ولاتغير طبع وقريباتي مررررره ,,, اللي يعرفون مشاكلي دايما يقولون انتبهي لاتزعلينه ترا زعله شيييين .... معناته انو هو غريب هذا وانا عاليه عنده ويحبني وتوي باول عمري شلون بعد 15 او 10 سنين وربي ادع ربي ان يحنن قلبه علي والكلام ياهناوي مايقوله لازعل بين كل زعل وزعل ... لا لا لا عند اي زعله بالله فيه سبب للزعل؟؟؟؟؟؟؟؟؟؟؟ وشوفي قال هالكلاااااام اللي وربي كرهت جوالي من رسايله النحيسه اكرهه اااااااه وجوالي لما قال لي ليش مسكرته قلت طاااااح وانكسر عارفه انو حااااااس انو مافيه شي واني هربانه منه بس الدنيا مو لعبه |
مرحبا يا أميرة أكلمك من أخت والله تأثرت معك بس يا حبيبتي الرجل مثل الطفل قد ما تهتمي به حيحبك أولا الموضوع الأول بسهرك مع أهلك بصراحة انت غلطانه مو لأنك ما استأذنته لأنك قلتيله أنا بأخرج مع أهلي بس لأنك ما رجعتي للبيت بدري عارفة حتى لو رايح لكشتة بر لازم تجهزي نفسك لرجوعة بالقميص والعطور والأحضان ( بصراحة هذه أكثر اهتمام للرجل الخليجي) بس انشاء الله تكون عدت على خير زوجك محتاج اهتمامك وشكلك مره حساسة أذا الرجال سكر بوجهك الخط سبيه لا ترجعي تتصلي لأن بيسمعك كلام جارح سيبيه يهدى وثاني يوم كلميه كلام عادي وأحيب أنبهك يا عزيزتي ليش الخروج من البيت عند كل زعله اذا اضايقتي منه اتركيه يهدى واجلسي حتى بنفس الغرفة الزوجة ما تترك بيتها الا لو زوجها أتى بفعل مشين أمهاتنا ماكان لهم الا بيوتهم بعدين تعودي الرجال على عدم وجودك ما أدري ليش انتي رحتي عند أهلك لزيارة أو لأنك زعلانه زوجك مهموم ومشحون وبيحط غضبه فيك حاولي تخرجي همه بكثرت اهتمامك به وأبدا لاتطلبي طلب مع أهله لأن حيحس انك غيرانه منهم أكثري مدحه وغزلك وكثري شوي مداعبتك له يمكن انتي انشغلتي ببنتك الله يحفظها لاتفكري اني ألومك ترى كثير من الرجال كذا بس بطريقتك حتهديه رمضان قرب حاولي تصفي الجو ويمكن يكون زوجك مشحون بكلام أوشغل بدليل انه قلك بنفسه اذا سافر حاولي ترجعي من الصبح لبيتك رتبيه وزيني ترى الرجل زي ماانت بتتكلمي عنه هو أكيد يتكلم عنك أو على الأقل يقول واحد من خوياني صارله كذا وشوفي عاد كم واحد يعلق حافظي على زوجك بكثرة الاهتمام واحنا حنساعدك باقتراحاتنا الله يوفقك ان شاء الله وطمنينا عليك |
تسلمي حبيبتي
بس انا عمري ماطلغت اذا زعل .. انا كنت بزياره لاهلي ... |
اقتباس:
هتاوي وش معنى هالكلام؟ مافهمته |
حبيبتي كلما زادت سنين العشرة زاد الحب .. طيب يمكن زوجك صغير ومو متحمل المسؤولية او منصدم منها .. يالغلا مافي وحدة تتزوج رجل كامل جايها ماافيه عيوب مستحيل بس انتي غيري الي فيه .. صدقيني زوجي يوم اتزوجه كان راعي سهر وقدرت اخليه يخفف من السهر بشكل كثير والتدخين وخفف منه ويزيد غلاي عنده لاني طورت حياته بشكل افضل ..
طيب اذا قالك كلمة حلوة خليك على طول مستانسة واذا زعل وقام يرسل ازعلي وحسسيه بغلطته بـ اي اسلوب يفهمه وانتي ادرى بزوجك << عشان يعرف الفرق يوم قالك كلمة حلوة وكلمة تزعلك .. واذا سووى هالحركة ازعلي بشكل يكسرخاطره مو بااسلوب يكرهك مثل صلحي الغدى وحطيه له وادخلي بالغرفة ابكي لوحدك .. وبنت عمي دايم اذا تخاصمت مع زوجها يكلم اهلها ويقول كل شيء حتى مشاكل من زمان صارت وتراضوا يرجع يقولها لاهلها صاارت تقول له استحي اروح لاهلي بعد ماافشيت سري وتقوله في شيء ببالي يروح ويجي ماني قادرة انساه قال وشو قالت بعد ماافشيت سري عند اهلي .. وتقوله خاطري اعضك الين يصب دمك من القهر .. وبعد هالاسلوب ماعاد فضحها .. بالتوفيق .. |
لا تعتقدي ان الأخطاء تخرج من زوجك فقط
فلك نصيب منها أبدءي بمعالجة اخطائك وصدقيني راح تنحل أمورك كلها بإذن الله وخاصة أن كان عليك اخطاء مثل سماع اغاني ، لبس غير محتشم ، وغيره من الاخطاء عالجيها برجوعك الى ربك وصدقيني راح تدخل السعادة لقلبك وبيتك بإذن الله ،، الله يكون بعونك ويألف بين قلبك وقلب زوجك |
يبدو أنه شخص صعب المعشر
,, نصيحتي أحسن إلى الناس تستعبد قلوبهمُ *** فطالما أستعبد الإحسان إنسانا ً ,, كوني هينة لينه معه لأبعد درجة و مع الآيااااااااااام قد ينصلح حاله ويلين قلبه مثل كثيرين أمثاله في بدايات زواجهم هكدا وتغيروا مع الزمن.. ,, كان الله في عونك وسخره لك ولبونيتك ,, |
أختي
بصراحة أنا من الناس اللي أتنرفز وأغضب بشدة حينما يتصل علي شخص أكثر من مرة أو مرتين وفعلاً أحس مثل زوجك إذا اتصلت علي زوجتي أكثر من مرة أن فيهم ضرر أو مشكلة وأهلع لذلك ثم أتفاجأ أن الأمر بمنتهى البساطة مايستدعي كل هذه الاتصالات فأصاب بإحباط وأكون متوتر لأن الرجل دائماً تفكيره بأولاده لايكون انضرب أحد الأولاد أو حريق لاسمح الله.. فمن رأيي أن تتحملي ردة فعل زوجك.. وتعاهديه إنك ماتتصلي أكثر من مرة.. وإذا لم يرد ترسلي له رسالة.. ومع ذلك فأعتقد أن بعض النساء لاتترك هذه العادة حتى مع الزعل (بس لاتزعلوا.. مجرب) أختي لاتأخذي الأمر بأكثر من حجمه.. بل هوني عليك فهذه الأشياء من الطبيعي أن تحصل مع كثير من الرجال.. كان الله في عونك.. أنصحك أن تقرأي موضوع : (الآن كشفت سرك) في عالم المتزوجين وتنسخي موضوع : كشفت أسرارنا .. فهاك أسرارهن!! وموضوع : دعها تعشق دنياك.. حتى يقرأهما زوجك ليعرف ماهي طبيعة المرأة وكيف هي تريد.. معانة ووفقك الله.. |
| الساعة الآن 08:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©