|
ارائكم ومقترحاتكم لاستقبال زوجتي بعد الاربعين.....!!!!
السلام عليكم ورحمة الله وبركاته
كيفكووووووووووووووون انا كنت كانت موضوع قبل شهر تقريبا وكان عن هدية لزوجتي بعد الولادة في هذا الرابط http://www.66n.com/forums/showthread.php?t=168642 والحمد لله رب العالمين اليوم زوجتي كملت شهر بالتماااام باقي 10 ايام وانا رتبت البيت ترتيب جديد غير اللي كان قبل ولادة زوجتي عشان القمورة لمار:14: ابي استقبلها استقبال حافل وابي تكفووون ملاحظاتكم واقتراحاتكم ابيها اذا جت تقول بنفسها ياليت اولد كل سنة ههههههههههه للمعلومية زوجتي بتطلع من النفاس 1 رمضان :24: استر ياستار ههههههههههه |
الحمد لله على سلامة زوجتك .. بما ان زوجتك راح تطلع من الاربعين على رمضان اذا دير بالك عليها ... لانها راح تكون مشغوله بطفلتكم و راح تحووووس بالمطبخ عشان تعمل لك فطووور و هي بالليل اكيد سهرانه و تعباااانه ... وراح يكون عليها شغل البيت ... فاحسن مكافئه لها اذا كنتوا عايشين لحالكم انك تخفف عليها من اعباء الفطووور و السحووور .. و تساعدها في شغل البيت .. و لا تتذمر اذا تأخر الفطووور كم دقيقه .. و لا تعصب اذا ما طبخت سحووور .. ولا تزعل اذا احترقت السمبوسه .. و لا تمد بوووز اذا صارت الشوربه مالحه شوي ... و لا تطلع من طوووورك اذا راحت عليها نووومه و ما صحتك من النوم عشان السحووور ... و تهذه المعامله راح تقول لك يا ليت اولد كل سنه ...:14: |
مايحتاج توصيني اختي
هي بالقلب قبل العين بس ابي افكااار ابي اقلب الشقة واخليها كوووووشة |
والله حتى انا ابي استفيد ،،، يلا همتكم يا الزوار .
|
مشاء الله عليكم وتبارك الله الله يحميكم من العين والله يديمها عليكم سعاده يارب
وانا اتوقع لو البيت ينظف تمام وتبخره وتحاول تغير في اثاث غرفه النوم مثلا او اذا ما قدرت تغير في اماكن الاثاث مع اضاءات حلوه وتوزع شموع في الغرفه وتحط طاوله وتزينها بالشموع والورد المجفف وتشتري قاتوه مكتوب عليها عباره حلوه وعصير وتجيب عشا من بره هذا اللي عندي واتمنى تعجبك ولو لقيت افكار ثانيه ما راح اتردد راح اكتبها هنا ان شاء الله .. |
نسيت ابارك لك على المولود ويتربى بعزكم ان شاء الله :)
|
لاتكلف على نفسكـ
المراه ماتبي الا ابتسامه حضن دلع بسسسسسسسسسس |
أفهم أنا عشان نحاول نساعدك عطنا أول الخيط عشان نكملك الباقي.. عطنا من بنات أفكارك كم فكره واحنا نحاول نطورها لك لو هي محتاجه تعديل أو اضافه..الله وياك ومبروك العروس ومن أحسن تربيه البنات كان له منزله في الجنه والبنات أحن الكائنات البشريه وبكره لما تصك 60 تتذكر كلامي في لمار..
|
اهم شي الهدية مثلا جوال اخر موديل ساعة فخمة عطورات لوشنات جسم اشتر بعض التحف للبيت مفرش سرير هاذي افكاري
|
اخوي اذا كانت عندك ميزانيه
روح لمحلات الكوشات وسووا لك حركه بسيطه في الشقه من بالونات وشغلات ثانيه وكمان تقدر تروح لمحل حلويات وتسوي تورته صغنونه على قدكم وكمان تقدر تسوي حركه رومنسيه في غرفة نومكم اما عن طريق محلات الكوشات او انت بنفسك اذا عندك هذه المهاره واشتر لها بدلة نوم على ذوقك انت وموسيقى حلوه هاديه وربي يسعدكم ويهني لياليكم بس على فكره عادي البزوره تخرب عليكم جلستكم وانتبه للعطور والبخور لاتحط كثير عشان لاتمرض البنوته والف مبروك عليك الابوه والف الحمدلله على سلامه ام لمار يا بولمااار |
| الساعة الآن 10:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©