|
تخطيط لعزومة علي الغذاء ارجو المساعدة
هلا عزيزاتي...
محتاره كثير أخطط لعزومه بالبيت عندي على الغداء، و محتاره ويش اطبخ، مشورتكم يا ماهرات المنتدى. تحياتي القلبيه الاشراف / تم تعديل العنوان ليلاقي تفاعل من الاعضاء مستكة_مستكة |
اختي الام الحزينه
اولا اريد ان اعرف لما هذا اللقب لاني عندما قراته حزنت لاجلك ادخل الله السعاده والسرور في دينك ودنياك ثانيا انت لم تحددي هل تودين اسماء فقط للاصناف ام المقادير والطريقه وايضا التكلفه هل واسعه او بسيطه |
اختي الام الحزينه
اولا اريد ان اعرف لما هذا اللقب لاني عندما قراته حزنت لاجلك ادخل الله السعاده والسرور في دينك ودنياك السلام عليكم أرى أنكي لم تطلعي على موضوعاتي من قبل، عموما لاني أم لعيال لديهم أب و يفتقرون الى حنانه و إهتمامه كل المسؤليات تقع على عاتقي، لدرجه اصل لليأس فأنا المربيه و المدرسه و المرشده و الساعيه لجلب العمال لإصلاح أي عطل في البيت لا يسأل و لا يهتم، و الحمد و الشكر لله تعالى وحده، حسبي الله و نعم الوكيل ثانيا انت لم تحددي هل تودين اسماء فقط للاصناف ام المقادير والطريقه، وايضا التكلفه هل واسعه او بسيطه، لا يهم التكلفه، ارغب في خليط من اصناف للمأكولات البحريه + معجنات+ اصناف للوحوم + الدجاج + حلاه تحياتي القلبيه غاليتي |
|
يسلموا حبيبتي الله لا يحرمني منكم أكيد راح استفيد من الرابط.
ايضا بغير في بعض الأطباق بعد ما اقوم بجوله في قسم الطبخ. تحياتي القلبيه |
وفقك الله عزيزتي
|
اهلا اختي
شو يعني وحوم؟ |
اختي ان شاء الله تكوني استفدتي من الرابط و جزا الله ام عبدالله الخير
ملك شادي هي قصدت اللحوم "غلطة مطبعية " :) |
هلا اختي ....
ان شاء الله تمر عزومتك على خير وبحاول اساعدك ببعض الاكلات ... لكن انا اشوف انه صعب تجمعي في سفرة وحده اسماك ودجاج ولحم ... بس يالله بنحاول . ممكن تبداي بالسلطات ... الفتوش اساسي وسهل .. سلطة الباذنجان والبطاطس والحمص ... طبعا تخلطين معهم ميونيز وزبادي وملح وليمون وشوي طحينيه .. سلطة متبل الكوسه ... تسلقين حبتين كوسه مع حبة بطاطس وبعدين لماتنشف مويتهم تحطينهم بالخلاط وتحطين ملعقتين طحينه ونص علبة زبادي وفص ثوم وملح وعصرة ليمون ... وبعدين تحطينهم في صحن وتزينيهم بزيت الزيتون . واللحين الشوربه ... سوي كويكر سهله ولذيذه واتوقع الجميع يحبها ... بس انا افضلها حمرا بالطماطم ... وممكن تسوين شوربة خضار سهله وحلوة ... وهي تحمسين البصل والماجي وتحطين فوقهم مويه وتخلينهم شوي وبعدين تحطين الخضار عبارة عن بطاطس وجزر وبزاليا وممكن ذرة وتخلينهم على النار يستوون ... وطبعا لوتحطين دجاج احسن واحلى ... بس هذي الطريقه سهله وسريعه.. اللحين ندخل في الاكل الاساسي ... ممكن تسوين فيليه سمك ورز صياديه .. وخذي الطريقه ... جيبي فيليه سمك وحطي في الخلاطه ثوم وفلفل اخضر وكزبرة ناشفه وملح وبهار سمك وشطه حمرا وكمون شوي وليمون ... بعدين تكبينهم على الفيليه وطبعا يكون مغسول وحاطه عليه الخل ... وتخلينهم شوي او ممكن تتبلينهم من الليل ... بعدين تاخذين كل قطعه وتحطينها في طحين ونشا ويكون الزيت مغلي بعدين قصري عليه وغطيهم بالغطا وراقبي لونه وبعدين طلعيه يكون مقرمش... الرز الصياديه ... تحمسين بصل حيل لين يكون لونه بني غامق حيل كنه محترق وبعدين تحطين ماجي وتحطين مويه شوي وتخلينه يغلي وبعدين تكبين الرز اللي كنتي منقعته في مويه مغليه... الطبق الثاني ... مكرونه باشميل واحس الكل يحبها .. الطبق الثالث...ممكن تسوين محاشي باذنجان وبطاطس وكوسه وممكن تخلطين مع الخلطه لحم مفروم ... الطبق الرابع ... سوي سمبوسه محشيه بالبطاطس المهروسه والبصل والكراث وفلفل شوي وطبعا طعمها مرة لذيذ... وسوي بعد سبرينغ رول وهذا كله طبق واحد ... الطبق الخامس ... ممكن تسوين دجاج متبل بالكيس ... تبليه من الليل بالزبادي والثوم والبصل والفلفل الاسود والزعتر البري وشوي صلصة الطماطم ... وبهار الدجاج وفلفل اخضر وتحطين كل هالخلطه كلها في الكيس مع زبده وتدخلينهم الفرن . الحلى ممكن تسوين الجلي الاخضر ... وكريم كراميل ... لان بعد الغدا الدسم لازم يكون الحلى خفيف.. |
العزيزه أطياف : امين يا رب، و يا رب يرزقك ما تتمنين، أسعدني مرورك
الغاليات: ملك شادي : اشكر لك مرورك العطر علامة الجوده: تسلمين عزيزتي على التصحيح، اسعدني مرورك جرين أبل: " تفاحة خضراء" الله لا يحرمني منكم ، وصفات روعه - اكيد راح استفيد منها. عندي اسبوع من الحين لإكمل القائمه، راح انزل القائمه خلال هالإسبوع . موفقين |
| الساعة الآن 02:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©