|
هل اطلق او انتظر امانه ادخلو خاصه النساء
انا تزوجت من وحده احبها وتحبني لدرجة الجنون عمري 30 وعمرها 29 سنه ضحت من اجلي وضحيت من اجلها خلاصة الحديث سافرناواي كلمه اقولها تسويلي في الحبه قبه المهم هيكانت حامل في شهرها الثالث يوم سافرنا وماكانت تحمل اي كلمه حتى لو اقول السلام عليكم قالت ليش تقول بعد رجعتنا من بيروت قالت طلقني وانا اكرهك وماحبك ومن ذا الكلام هددتها بالطلاق مانفع هددتها بالزواج مانفع الان في الشهر الخامس او الرابع تقريبا هل هي متوحمه علي او هل ماتعرف الوحام وهل لدرجة كذا تطلب الطلاق انصحوني انا مانام الليل كله امانه انصحوني وفي احد مر بالتجربه هذي وانا مستعد لاستفساراتكم
|
بداية كان الله في عونك
موضوعك فيه نقص .. كان ودي توضح فيه وضعك قبل حمل زوجتك وبعد الحمل .. وهل تصرفاتها هذي تعكس شخصيتها الحقيقة وإلا تحس إنها مو طبيعية .. الحلول كثيرة لكن لازم توضح العلاقة بينكم أكثر من أول الزواج وحتى الآن |
هذا وحاااااااااااااام...
الله يصبرك بس انت داريها و لو تكرمت و قلت لنا القصة او سبب الخلاف لان احس فيها نقص بس على العموم هذا وحام الله يصبرم و يصبر زوجتك |
أخوي لا تطلقها والأفضل أن تبتعدا لفتره لأن هذه أعراض الوحم وللأسف جات على راسك بمعنى توحمت فيك كرها وهذا خارج عن ارادتها لأضطراب الهرمونات في تلك الفتره.. وبعد الولاده صدقني بيرجع كل شئ مثل ماكان وأفضل.. أنا في حملي الأول كرهت صوت زوجي ماأبي اسمعه يتكلم نهائي وفي نفس الوقت أحبه وماكنت أتمنى يروح الدوام كان وحم غريب بعد الولاده كنت أقول وش هالتناقض أكرهه وأحبه بنفس الوقت والحمدلله عدت الفتره على خير..أما حملي الثاني كرهته ماأبي أشوف ولاأسمع صوته بالمره والحمدلله ولدت ورجعت طبيعيه..اصبر أخوي هذه ضريبه الأطفال..الله معك
|
شكله زوجتك او من النوع الحساس الى ما يتحمل وحم الحمل
على العموم نصيحتى ممكن فيها عين قوية او حسد انصحها بلااستغفار وانت تعرف ان طلاق الحامل لا يقع لذلك تريث اخى واصبر واحتسب باذن الله راح ترجع الامور الى حالها |
نصيحة
نصيحه نصيحه انتظر حتى تتضع حملها ... ثم زرها بهدية بعد انتهاء النفاس |
يمكن متوحمة واهم دور للزوج في حمل زوجته
انه يتحملها بوقت الوحم ويقدرها ويصبر عليها |
اخي والله اني اعرف وحده حصلت مشاكل بينها وبين زوجها وراحت لاهلها وكل ماكلموها عن زوجها قالت لا خلاص ماابيه ابي اتطلق وتركها عند اهلها وكان كل يوم يكلمها او يرسل لها رسايل ولما وضعت حملها احضر لها هديه ورجعت المياه لمجاريها لانها كانت متوحمه علية وهي ماتدري فحاول تصبر عليها ووديها لاهلها لين توضع وبعدين تهدا لان الوحم مره شين فيه حريم يتوحمو ا على ازواجهم يكرهونهم كرة شديد
|
واضح من كلامك
كنت تحبها وهي تحبك اخي الوحام يسوي كذا واكثر نصيحتي اصبر عليها الى ان تولد بالسلامة وشوف تصرفاتها بعد كذا وطبعا اترك لها وقت ترتاح فيه من الولادة وتبعاتها صدقني هذا الوحام وما يسويه ماتحس بالي تقوله تعوذ بالله من الشيطان الرجيم والله يعينك اخوي بس انت اصبر عليها وحاول تطنش تصرفاتها وكلامها ممكن يكون الامر هذا صعب عليك بس الله يكون بالعون هو الحمل كذا وش الواحد يسوي يا حي يا قيوم برحمتك استغيث اللهم اصلح لي شأني كله ولا تكلني الى نفسي طرفة عين |
الله يجزاكم خير ريحتوني ياناس والله صبح وليل افكر
|
| الساعة الآن 10:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©