|
كتبت معاناتي لزوجي لكنه لم يبالي
السلام عليكم
الكل يعرف قصتي التي نشرتها الاسبوع الماضي وهي بعنوان (زوجي يحرمني حقي الشرعي) المهم كنت جدا محبطه ومنهاره نفسيا لدرجه ان الخدم يكلموني بس اطالعهم ومالي خلق ارد عليهم ولا اروح بيت اهلي ولا ارد على التلفون احس ان مااااااااااااابي شي من الدنيا وصار كل الي فيها ماله معنى لي لو شنو يصير المهم فجأه وانا قاعده قبل 4 ايام سرحانه حسيت اني بموووت ومختنقه حطيت له مسج اني باخذ اليهال وبروح الشاليه يومين طبعا ما رد علي لان هذي طريقه التواصل بينا اهوا فرضها علي اني ما اكلمه بس اكتبله زين بروح بالمسج وهوا يقراها وبس يعني لو اكتبله بسافر او بهاجر عادي بس المهم اكتب له وهوا يطنش عشان يحسسني بالاهانه المهم وانا احقب امتعتي للشاليه ياني شعور ثاني شلون اروح؟ اخليه بروحه بالبيت يومين؟ ما ادري شنو راح يسوي؟يمكن افتحله مجال؟واصلا ادري الشاليه ماراح يونسني بعدين اقول لا لا لا اصلا اهوا معاي بالبيت وما يقعد وكله طالع وانا قاعده بس يدخل علي يبدل ويطلع واموووت من القهر ليش عاد خليني اروح احسن يمكن يحس البيت مافيه حركه بدوني المهم قبل لا اطلع سحبت كم ورقه واخذت قلمي وقلت خليني اجرب طريقه جديده ما سويتها من قبل اكتبله رساله اشرح فيها كل الي بقلبي والاشياء الي متعبتني وشلون اني متحمله وعندي امل انه يتغير انتهت الرساله وانا مو حاسه بالصفحه الخامسه من اوراق A4 وضعت الرساله تحت الوساده وخرجت طول الثلاثه ايام انتظر رد بالموبايل او مسج عيني على باب الشاليه اقول في نفسي مو معقول ان الكلام ما اثر فيه اكيد بسويلي مفاجأه ويحظر بأي وقت حتي انتهت اقامتي بالشاليه وانا افكر ما هي رده فعله واقول مو معقول اكيد بفاجاني بشي أكيد لما ادخل البيت في شي راح يفرحني مو معقول دخلت البيت امس العصر فتحت باب المدخل ماكو شي قلت بقلبي يمكن المفاجأه فوق الصالون صعدت فوق هم ماكو شي قلت لا لا لا اكيد بفاجأني بغرفه النوم دخلت غرفتي ماكو شي فيها ولا شي متغير قلت بقلبي يمكن ما قرى رسالتي لقيته قاريها وحاطها يم المكتب مو معقول ماحركت فيه شي؟ ابد؟ دخلت غرفه الملابس واخذت افتح دواليبي خزانتي اقول في نفسي يمكن هناك رساله او ورده او هديه مستحيييييييييييييييييييل لا اجد شيء سكت ودخلت اخذ دوش بعد الطريق واخذت اجفف شعري واتزين كالعاده واضع بعض المكياج وابخر شعري وغرفتي واقول اكيد براضيني باليل اكيد هذي طريقه الرجال وفجأه يدخل من باب الغرفه ويمر ورائي وياخذ ملابسه وانا في قمه الخجل خفت ان يقبلني او يضمني او يكلمني عيني عالارض خجلانه واذا به يمر امامي ويدخل الحمام ويقفل الباب صدمه بسرعه اخذت حقيبتي وخرجت وجلست عند اهله سرحانه اقول لالا راح يراضيني باليل اكيييييييييييد طبعا باليل دخل الفراش مثل كل يوم واعطاني ظهره ونام انا الان مو مصدومه لا صار فيني شي ماني عارفه اوصفه كأني انسانه بدون عقل ولا احشاء احس اني فارغه من الداخل يعني بس شكل من الخارج احس اني بدون معنى ولا فائده واني فاشله فاشله فاشله ملامحي حزينه اكره الظهور للاهل حتى لا يحسون مكسوره جدا ومحطمه وانا اشوف زوجي يبتعد عني ويقرب وحده ثانيه وانا واقفه لا استطيع التصرف تعبت حلفت اني لن اقوم بعد اليوم باي محاوله للصلح لان رده فعله لكل محاوله اقوم بها تقتلي وتكسرني وتفقدني الثقه بنفسي عفــــــــواً تم تعديل العنوان لتوضيح المضمون الاشراف |
الله يعينك والله انه شي يقهر العدو قبل الصديق
بس يصراحه مو مقوله هذا النفور من زوجك لك وين العشره والمحبه والموده الي ذكرت في القران لازم الامر فيه حاجه غلط علشان كذا سبب هذا الاهمال وبصراحه ابغى اسالك انتي جربتي اهمال معاه ولاكانه موجود في البيت لانه مانفع معاه اي حل والله يعينك واذكري الله واستغفري كثير ان مع العسر يسرررررررررررا |
اقتباس:
الاهمال اهوا فارضه عليي فرض يعني اهوا هاملني شلون اقدر اهمله اذا اهوا مو موجود وهاملني؟! شلون ؟ العشيقه اهيا السبب بكل الي انا فيه اهوا يحبها انا موبقلبه ابد ولا حتى العشره تعنيله شي هذا واضح وضوح الشمس وماكو تفسير غيره وصدقيني لو ان فيني عيب جان من زمااااااااان طلقني بس يدري ان المشكله معاه اهوا ومو قادر يتقبلني قلبه حق وحده وبس قالي مره انه بيتزوجها عشان يريحني من الشك بس ليش ماتزوج ليما الحين؟ يمكن اهلها ما يرضون لانه متزوج وهيا بنت مو مطلقه او خايف اني اطلب الطلاق المهم خلاص انا شخص ما يبيني انا بعد ما ابيه وساكته وصابره عشان عيالي وبيتي بس مو عشانه واكيييد حاله وحده راح تخليني اطلق اذا تزوجها لانها اهانه ما بعدها اهانه |
اختي الكريمة
المرجو منكم كتابة موضوع بإسمي في عالم الرسائل الخاصة للأهمية بوركتم |
الله يعينك يا اختي
|
الله يكون بعونك وان شاء الله رح تفرج في يوم من الأيام
|
حاولي تثيرين غيرته
مثلي عليه هني راح يبين اذا لج بقلبه مكان ولا لأ _والحين بروح اقرا موضوعج الأول لني ماقريته_ |
اقتباس:
بس انا فعلا محتاجه الدعم منكم وان بكون احد معاي خصوصا ان صديقاتي قليلين وقاعده انعزل عن العالم |
لاحول ولاقوة إلا بالله
الله يكون بعونك ويصبرك |
اختي (قلبي يعورني ) هذا ردك في موضوعك السابق (زوجي يحرمني حقي الشرعي ) اقتباس:
اختي واضح من وصفك انك مصابه باكتئاب .. وش اللي مخليك صابره على هذا الرجال .. الان حالتك النفسيه تعبانه بكره لا سمح الله راح تصابي بامراض جسديه من القهر .. اختي اذا هو مو مهتم في سمعته و لا متهم فيك .. ليش انت عامله له حساب .. لو كانت خيانتة على النت او الجوال يمكن في امل انه ينصلح حاله لكن خيانتة جسديه و مع العديد من النساء يعني احتمال كبير تصابي بالامراض .. في رجال يخونون لكن معاملتهم زينه مع زوجاتهم .. لكن زوجك قاهرك بمعاملته الباااااارده و الاحتقاااار .. لا ... ما ينفع اختي اخبري ابوك عن كل شي و خليه يكلمه ويشوف له حل .. او فان فراقة افضل .. |
| الساعة الآن 03:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©