|
:::نصائح مطبخية لربات البيوت في رمضان :::
السلام عليكم ورحمة الله و بركاته
كل عام وانتو بخير رمضان جاي إن شاءالله يكون خير وبركة عالجميع باختصار كلنا ستات البيوت بنعاني ونزهق من الطبخ في الايام العادية انا عن نفسي صارت ازمتي الطبخ بكتئب كل يوم بفكر شو اعمل لبكرة شي بزهق غير انو نفسي مسدودة و ريحة الاكل بتسد نفسي استغفر الله بس من الحمل تخيلو بروح اطبخ والله حرام المهم في رمضان مش ناقصين المزيد من الزهق والتفكير والحيرة عملت هالشي رمضان الي فات وريحت راسي وحعملو السنة إن شاء الله وعفكرة بعملو في الايام العادية احيانا وبريح الراس في جيبي ورقة و دفتر وقلم اكيد (حبر او رصاص زي متحبي :17:)سهل الامر يعني شفتو كيف واكتبو 30 اكلة رئيسية لكل يوم طبخة طبعا اما الشوربات انا بعملها غالبا عيومين مش معقول كل يوم نعمل شوربة اكتبي مثلا 15 نوع شوربة او خليهم 20 للاحتياط اما الحلويات انا مابعمل كل يوم في رمضان للمحاظفة على الصحة و الرشاقة وعشان مابدي كنت اعود زوجي عالحلويات في رمضان كل يوم يعني تعب كمان والله رغم انو الله يرضى عليه مابعلق ولا بقول شي بس قلت مافي داعي حلويات كل يوم و مضر عالصحة والرشاقة فكتبت انواع عديدة مابتزكر العدد وكنت اختار منها كل وحدة تكتب حلويات عدد الي بناسبها انا رمضان هادا حعمل مرتين او تلاتة بالاسبوع كفاية و زيادة ومرات بنجيب من برة وفي شي ممكن يضل ليومين لو مهلبية او كيك والسمبوسك مو كل يوم اعملها دوب مرة بالاسبوع بالكتير اتنين والله تخريب للصحة كل يوم قلي زيت مش حلو بنفس الوقت يعني مابحرم حالي او زوجي من الاكل هادا يعني ماقلنا ماتعملو الحلو او السمبوسك خالص بس بنفس الوقت مش كل يوم خير الامور الوسط هيك ريحت راسي رمضان الي فات بس كنت اتملل من الطبخ لكن بكل سهولة الاقي الطبخة الحمدلله اعملو هيك وريحو راسكو رمضان مش للاكل بعدين مافي داعي للاسراف انا بلاحظ بالمنتديات في رمضان الوحدة بتنزل موضوع عن سفرتها الافطار السابق مثلا بلاقي انو اكل بيكفي العمارة والجيران حرام الاقي مش عزومة لكن اكل يكفي بلاد نوعين تلاتة سلطة و سمبوسك و نوعين شوربة و نوعين عصير ونوعين حلويات ودجاج ومدري ايش وايش حرام عنجد انا الوجبة زي كل يوم لكن احرص يكون في سلطة تتكون الوجبة الافطار شوربة+سلطة+طبق رئيسي+رز حسب الطبخة وازا ماعندي وقت للسلطة اقطع خضرة في صحن وانسقهم وهيك لسة فايدتها اكتر من السلطة لانو كل متقطعت الخضار كل مبدت الفيتامينات تقل وتروح لهيك القطع الكبيرة احسن اقطع جزر وخيار وبندورة واعملهم شكل حلو بالصحن وممكن عليهم رشة ليمون او ملح او صلصة من هالصلصات تبعت السلطات اعملها بنفسي لو طبختي ملوخية بكون الافطار شوربة شعرية مثلا+رز ابيض+ملوخية+قطعتين دجاج لية و لزوجي لو الملوخية بالجاج ولو باللحمة تبقى اكم قطعة لحمة داخل الملوخية انا بشوف مش لانو رمضان تكترو لحمة وجاج كل شي بالمعقول يعني صديقتي مرة عالافطار بقلها شو عاملين بتقلي فتة و ارانب و فراريج محشية و شوربةوافخاد دجاج !!! التركيبة خلت معدتي تتعب كل هادا مرة وحدة طيب ليش؟؟؟مين الي بيتحمل كل هادا الاعتدال مافي احسن منو مابنقول خليكي بخيلة وماتعملي شي لكن خليكي معتدلة يعني قطعة جاج لكل شخص مش كافية انا عن نفسي اكتر من قطعة معدتي تتعب ومابتحمل الدسم غير انو كترة اللحوم مضرة وقلتها كمان مضر الوسط احسن شي طبعا السحور ماعليه كلام مااعتقد محتاج طبخ عادي مربى و جبنة وبيض وخضار وهيك اشياء خفيفة ومع اني بسمع في عائلات بتعمل اكل عالسحور كتير اكل ماممكن يتاكل الا كوجبة رئيسية بسمع في ناس بيعملو جاج عادي او رز او حجات من هيك معقول بالله؟؟؟ بالنهاية رمضان مش لكترة الاكل وانا صدقوني الواحد بحس باكل لقمتين وبشبع والحمدلله وبحس بالتقل كمان فصراحة مابعرف كيف في ناس بتعمل ميت صنف وصنف في نفس الوجبة إن شاء الله اكون افدتكو وكل وحدة تدخل تقلنا عاداتهم في الاكل كيف عالافطار والسحور بكل صراحة ومافي مانع تغيير العادات الغير صحية لعادات صحية يلا بدنا المشاركات كلها تحكولي كيف الاصناف وعددها وهيك بس ماتكونو بتعملو جاج وارانب و حمام بنفس الوجبة .......... لهلأ مش قادرة اسدق انو صحبتي عملو هيك كل عام وانتو بخير وسامحوني عالاطالة و عارفين العنوان كان ربات اليوم بدل ربات البيوت بس رجعت عدلتو نفسي افهم شو دخل ربات اليوم ؟عنجد صار عندي زهايمر في الحمل..... دعواتكم لي بتيسير الولادة وصحة البيبي و صحتي |
كلامك عين العقل وفعلا أنا دايما أقول رمضان مش بالأكل أنا عن نفسي طريقتك عجبتني وأن شاء الله أطبقها بس أنا السمبوسة ألفها قبل رمضان بأسبوع وأحطها بالفريزر علشان اوفر على نفسي الوقت وعلشان أنا مأحب أكون طول النهار بالمطبخ يعني نهار رمضان يروح كله بالمطبخ حرااااام
أما بالنسبة للسحور أحيانا أذا كان خفيف يعني مثل ماقلتي ،زوجي يجي من الدوام منتهي وجوعاااااااان على الأخير لأنه دوامه الصبح الله يعينا ويبلغنا رمضان على خير وأن شاء الله أنا قررت في رمضان مارح أتابع المسلسلات والبرامج الماسخة بأذن الله مابضيع رمضان هذا بهذي التفاهات وجزاك الله خير غاليتي |
بارك الله فيكي اختي ووفقك لمايحبه ويرضاه
بالنسبة للسمبوسك انت هيك تمام ياريت اقدر لكن زوجي الله يسامحه قبل مانتزوج جهز البيت قبل ما اسافر له لانو كنا كل واحد ببلد بالتالي اضطر لتجهيز البيت قبل مجيئي التلاجة صغيرة والفريزر صغير ويادوب يكفي الخضار المثلجة و اللحم والجاج الي يكفي الشهر كيف احط تفريزات رمضانية المرة الجاية حجيب تلاجة كبيرة كتير إن شاء الله حتى لوصارت فاضية من كبرها احسن من الضيق صار عندي عقدة من التلاجة:d شكرا الك |
الله يعطيك العافية عزيزتي.
|
مششششكوره أختي:)
كلامك صحيح:22: وفعلا عمل قائمه بالطبخات بتريح أنا كل سنه بعمل قائمه وخصوصا عشان ما أكرر الطبخات نوع من التنويع وبالنسبه للشوربه أكتفي بنوعين شوربه الماجي وشوربه الخضار المشكله عموما الواحد ما يشرب شوربه كتير يا دوب زبديه صغيره او نصها...وطبعا التمر:) والعصير والسلطه حسب الاكله في أكلات ما تحتاج لسلطه السمبوسك شي أساسي ودايم بنحاول نغير الحشوات وما بكتر دايما صحن على قدنا الحلو:17:...آآآآآخ منو :30:.... أكتر شي بجيب جاهز عشان اذا عملت انا بالبيت رح أقضي عليه مهما كانت الكميه:( خصوصا زوجي ما بحب الحلو كتير بحب الموالح بجيب على قدي حلو هيك بضمن انو ما آكل كتير لكن هاي السنه ابتداء من هذا الشهر مانعني زوجي من الحلو:( لأنوما شاء الله أسناني تعبت من الحلو وقاعده بعمل ورشه تصليح:26: |
يعطيج العافيه
انا من جم شهر مفكره بهالفكره بس للاسف ماعني نت البيت بس انشاءالله برمضان بالحق و من الكتب اللي عندي و على السريع |
بقولك شي ياملك شادي مرة جبت ورقة وقلت بكتب الأكلات الي بسويها الشهر هذا وجلست أفكر وأفكر بس ماقدرت أكتب أكثر من عشر اكلات وأنتي ماشاء الله بتكتبي ثلاثين أكلة طيب قوليلي أيش هما علشان ماأجلس أكرر الطبخات مرتين وثلاثة وسامحيني لو ثقلت عليك
|
انا رح اشارك في الأطباق الرئيسيه الي بعملها في رمضان
مقلوبه----فاصوليا بيضاء او خضراء ملوخيه-----مندي محاشي كوسا وباذنجان وفلفل-----كبسه حمرا باميه بالرز واللحمه او صينيه باميه------قدره خليليه طبعا هاي رز مع حمص سبانخ-----صياديه محاشي-----مفتول منسف بالجميد(منسف أردني) دجاج محشي فريكه----صينيه خضار بالدجاج أو دجاج مع البطاطا والليمون والزنجبيل يوم لما نكون مثقلين بالأكل ونزهق الرز والدجاج نعمل كشري أو أي نوع من المعكرونه الايطاليه مضغوط لحمه او دجاج طبعا انا بجيبو جاهز يوم افطار بالمطعم ونختار طبعا مشاوي لأنو ما نقدر نشوي برمضان سمك محشي----يوم للأكل الصيني ورق عنب مع كوسا محشي وريش أوزي(رز وبازيلاء وجزر) أنا بعمل يوم للهمبرجر بنشتهيه برمضان مسخن فلسطيني مخشي(كوسا محشي لحمه مطبوخ مع اللبن) رح أختار أطباق من المنتدى الغالي ما شاء الله عليهم الاعضاء قمه في الطبخ فنانات بتوقع صار هيك المجموع30 يوم وزياده تحياتي |
اهلا اخواتي والله عجبني تفاعلكم
وطبقو هاي الخطة بترتاحو الاخت الي طلبت اقلها الاصناف ولايهمك انا لسة ماكتبت القائمة حكتبها ومش لازم نت انا اغلبو من عندي او دفاتري الخاصة انتظروني في قائمتي إن شاء الله انتظر المزيد من التفاعل اخت الاء والله اكلاتك بتشهي كتيرمنها او ااغلبها نفس الي حاطاه في بالي شكلك فلسطينية صح؟ |
صح انا فلسطينيه مقيمه بالسعوديه
|
| الساعة الآن 06:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©