|
اه من الغربة فقد اتعبتني جدا
[grade="00bfff Ff6347 00bfff Ff0000 00bfff"][align=center][frame="11 10"]السلام عليكم ورحمة الله وبركاته [/align][/frame]انا ام لطفلين عندي 24 سنة اتولدت في دولة خليجية وفضلت هناك لحد ثالت متوسط انا وبابايا ومامتي واخواتي وطول السنين دي بننزل بلدنا كل سنة شهر ونرجع يعني فضلت من يوم ماتولدت مكتوب عليا اودع الي بحبهم وانكوي بنار فراقهم اتكتب علي اشوف اصحابي الي بحبهم مرة في السنة وارجع تاني للغربة وبعدين نزلنا بلدنا حسيتني غريبة فيها في الاول بس مع الوقت قدرت اتاقلم واحبها واول ماتاقلمت اتجوزت وبابايا جاب جوزي للغربة تاني وهو جابني معاه ورجعت تاني كل سنة اودع حبايبي بس للاسف حبايب عن حبايب تفرق المرادي بودع ماما واخواتي بودع الناس الوحيدة الي كانو بيهونو عليا الغربة وخلفت ورجعت الغربة ورجعت ايامها بس دلوقتي باقت كابوس على قلبي كابوس لانها من غير حبايبي واهلي انا بقالي اربع سنين ومع ذلك حاسة انها بدات تسرق مني حاجات ياما ادتهالي بدات تسرق عمري بدات تجري ايامي وتهرب مني من غير ماعمل حاجة بحبها اصحابي نسيوني موبايلي في بلدي لما بنزل بتمناه يرن بس للاسف صاحبتو خلاص اتنست ماهو البعيد عن العين بردو بعيد عن القلب عارفين؟؟ بتبقى الطيارة طالعة في الجو وانا بابص على اي حد في الطريق من شبا الطيارة واقولو بيني وبين نفسي ياريتني مكانك هترجع لبيتك واولادك واهلك وتلاقي حبايبك مستنيينك يهونو عليك همومك اما احنا مافيش حد يهون همومنا مافيش غير القلق والفكر والتفكير انا بجد تعبانة ومش سعيدة اقولكو على حاجة بس ماحدش يستهيف كلامي نفسي احضر فرح اي حد انا ماحضرتش غير فرحي قرايبي اتجوزو وانا في غربة اولى واصحابي اتجوزو وانا في غربة تانية عارفين؟؟؟ لو مت يمكن ماحدش يفتكرني من صحابي اصلا لاني مش موجودة مع اي واحدة في فرحها لا في فيديو ولا في صورة خايفة يجيلي ماسج يقولي البقاء لله مامتك ماتت او اخوكي او اخوكي خايفة جوزي يكون عندو ضغط شغل وماعرفش انزل اخد عزاهم ولا الكفيل يكون بيتفسح ومش موجود ياترى الفلوس واللبس الشيك الي بنكومو فوق بعضو في الدواليب كل سنة لحد مانكبر ونتخن وماعدش ينفع نلبسو يساوي كل الي انا فيسه مش عايزة حاجة غير اني ارجعلم ياامي ارجع للناس الي بتحبني بجد ارجع لاوطي الي شالت همومي وفرحي وتعبي وحشتني ذكرياتي ياترى في حاجة تستاهل انك تتنسي؟؟؟؟؟[/grade] |
آآآآآه ياقلبى
الغربه صعبه للدرجادى لاحول ولاقوة إلا بالله الله يكون فى عون اخويا اللى هسااااااافر وعون اولاده ومراته اختى معنديش غير كلمه واحده اتغربى بدل ماتعيشى فى فقر وولادك يتذلوا ويكونوا اقل من اصدقائهم الغربه ولا الفقر والله ماببالغ فى كلمة فقر بلدك كل مدى مابتدهور اصبررررررررررررررررى عشان ظروفك الماديه تكون جيدا حتى تستطيعى وضع اولادك فى مستوى مادى مرتفع |
الف مبروك ياحبيبتي
عندك حق انا دايما لما نفسيتي تتعب اوي جوزي يقولي انتي عشان ماجربتيش ان يكون نفسك في حاجة وماتقدريش تجيبيها بيتهيالك ان الفلوس مش مهمة انا عارفة ان بلدنا باقت في فقر مرعب بجد الوضع مرعب وظالم احنا نفسنا المغتربين والحمد لله معانا بنشتكي فعلا ايه دا؟؟؟ بس غصب عني القلب مالوش عقل يفكر بيه القلب بيحس بس بالوجع وكمان انا تعبت هفضل طول عمري في غربة لحد امتا نفسي استقر كل ماتاقلم ياخدوني يودوني بلد تانية والله تعبت |
يا الله والله قلبتي عليا المواجع والالم وما في حاجه تستاهل الغربه وعندك حق عرفه اخر مره نزلت اجازه جسيت نفسي غريبه حتي عن اقرب الناس الي اجوز وخلف وجاي يسلم عليه بعياله ومراته وانا كل شويه اسئل امي او اختي هي فلانه اتجوزت امته او فلان خلف امته و كي شويه يقولولي عرفه فلان او فلانه البقاء لله وانا كل شويه اقول ياه كل دا حصل في اخر سنتين ودلوقت خلفت ولسه اهلي مشفوش بنتي غير في الصور والنت يارب يهونها علينا كلنا يا رب يارب يارب
|
هونيها وتهون حبيبتي
هناك حكم جميلة علها تهون عليك مصابك وتواسيك وهي لابلغ الحكماء ولسيد النطقاء بلا منازع امير المؤمنين علي بن ابي طالب - كرم الله وجهه - : " الفقر في الوطن غربة .. والغنى في الغربة وطن " "عش ما شئت فانك ميت واحبب من شئت فانك مفارق" " لكل اجتماع من خليلين فرقة " فلا تجزعي وتخافي فالمقدر مكتوب قبل وجود الخلائق فقري نفساً وعينا ً واهدأي واسكني لزوجك واهليك ونفسك وبيتك ومابعد الضيق الا الفرج ان شاء الرحمن وأسال الله ان يربط على قلبك ويصبرك على فراق اهلك وان يجمعكِ بهم في الدنيا والاخرة القلب داعي لج حبيبي ^.^ استعيني بذكر الواحد الاحد |
مششش ممكن ابدا كلامك فظيع وبخلي الواحد يحس انو الحياة بشششششششعة
سامحيني لي عودة للموضوع إن شاء الله ماتقولي مش حاسة فييكي انا مغتربة ايضا |
[align=center]انا على فكرة زيك بالظبط
الفرق ان بابا توفى .. ربنا يخليلك والدك يارب انا بالظبط حضرت في مصر 3 افراح واحدة لقريبتي ووواحدة لصحبتي والتالت فرحي فقط ماحضرتش برده افراح بسبب السفر والغربة وكمان انا تعبت اوي على ما اتعودت على بلدي وعلى رأيك على ما ابتديت اكون حياتي فيها اتجوزت ورجعت تاني انا بحس دايما اني بقعد اصبر نفسي على الاجازة اللي هنزلها بس على فكرة انا لو فكرت زيك هموت .. بس انا ليا هدف يابنتي ربنا قالنا نسعى في الارض وكلها ارض الله.. وده قدر واحنا احسن من غيرنا كتيييييييييييييييييييييييييييييييييير فكري عاوزة تتطوري في ايه وتنتجي ايه حتى ولو انتي في البيت الكتب كمثال الكتب هنا روعة اوي اوي.. حطي اهداف لنفسك واكتبيها في ورقة .. واقريها كل يوم واسعي لتحقيقها .. صدقيني الوقت كنز هنا اوي بذمتك مش بتحسي ان الوقت طويل اوي على عكس مافي بلدنا سهل نستغله بجد ونعمل مييت ميليون حاجة وخلي بالك التجمعات النسائية بتعوض شوية بس الواحد يلاقي الصحبه اللي تتماشى معاه وممكن تنزلي حاجات كتيرة من على النت وتاخدي كورسات وممكن تاخدي شهادات بالمراسلة حاجات كتير اوي اوي ماشاء الله وصدقيني هتلاقي نفسك افدتي نفسك وبيتك واولادك وممكن تلاقي شغل كويس لو عاوزة وربنا يعيني ويعينك على آلام الغربة الفظيعة [/align] |
نسيت اقولك كمان ان النت والجوال هونوا كتير اوي من الغربة
يعني على الاقل احنا على طول مع اهالينا بيهم تخيلي بأه مامتي ومامتك كانوا بيقضوا ايامهم ازاي |
اقتباس:
انتي عارفة انا نفس النظام دي اتجوزت ودي خلفت ودي ماتت ودا مات بجد اتخنقت اصحابي كلهم بيكلمو بعض ويطمنو على بعض وانا مع نفسي ولا حد فاكرني انا حاسة اني كبرت اوي ومش عارفة ليه مرسي بجد على تجاوبك معايا |
اقتباس:
والله عارفة بس غصب عني اوقات بوصل لمرحلة وحشة عارفة اوقات بيحصل تاتش بيني وبين جوزي مابلاقيش حتى حد افضفض معاه اوقات بتخنق ببقى عايزة حد يكلمني يمكن انا غلط |
| الساعة الآن 06:03 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©