بنت خالتي حملت وماقالت لي
 

[COLOR="DarkOrchid"][SIZE="5"]السلام عليكم ورحمة الله وبركاته


كيفكم وايش اخباركم
ابغى ادخل بالموضوع عالطول ........
انا متزوجة من خمس سنوات ولم ارزق بالاطفال ..
وقبل ماتزوج كنت انا وبنت خالتي علاقتنا قريبة من بعض كنا نتكلم ونفضفض
لبعض ونقول اسرار
**المهم بعد ماتزوجت في البدايه كانت علاقتنا يعني بعد كدا رجعنا مع بعض نتكلم
زي اول واكثر .:22:
*المهم انا ماحب اتكلم في موضوع الخلفه(الحمل)لانه يأثر عليا واحس اني ضعيفة وفيا نقص وماحب نظرة الشفقة من احد ..بس في مره كنت متضايقه وكانت تقولي اشبك اتكلمي..وقلت لها ابغى اكلمك لاني ماقدر اتحمل اكثر من كدا وجلست اكلمه عن موضوع الحمل والاطفال واني مشتاقة للاطفال واكون ام و...و...و.......وكانت هي تسمع ليا وتقولي ان شاء الله الله يرزقك كانت تدعي لي
المهم هي اتزوجت قبل 6 شهور وسافرت الى امريكا علشان زوجها يدرس هناك واعطتني ايميلها وكنت دائما اكلمها وتحكي لي وتقولي انو الزواج مو حلو مسؤوليه وانا دائما كنت اقولها في البدايه كدا وبعدين راح تتأقلمي على الوضع ..كنت اهون عليها
والله احيانا ماكنت اخرج من البيت علشان اكلمها وماحسسها بالغربه كنت اهون عليها

المهم الدوره ماجاتها من يوم ماتزوجت ..وامها اخذتها وعملت 3 مرات تحليل وعل قولها ماطلع حمل وبعدين سافرت وامها دائما تقولها سوي تحليل وهي تقول انا عارفه نفسي مافي حمل ولما كنت تكلمني تقولي ماشتهي اكل وظهري يألمني وقلت لها يااااااااارب تكوني حامل وتفرحينا والله اتمنالها الخير وهي تقولي لا مابغى دحين ...وكنت يوميا اكلمها ...وفجئه ماصارت تكلمني واقول يمكن مشغوله مادري عن ظروفها وهي كانت تقولي ابغى ادخل لغه قلت يمكن هذا الي شاغلها ..
مره فتحت الايميل لقيتها وكلمتها بس ماردت قلت يمكن تكلم اهلها او بس فاتحه الايميل وماهي جلسه عليه ....ومره ثانيه لقيتها فاتحه الايميل وكلمتها برضو ماردت وبعدين قلت خلاص مارح اكلمها الا اذا هي كلمتني وجلست يمكن شهر ماتكلمني:(ولا حتى ترسلي زي اول ولا شئ ابدا وقبل يوم سمعت انها حامل ماشاء الله عارفين بكم شهر يقولو ب3 شهور وانا حاسه انها داخله الرابع او الخامس والله لما سمعت فرحت لها بس كنت مثأثرة جدا اقول ليش ماقالت لي انا مررررررره قريبه منها ؟؟واقول ليش بعدت عني اكيد خايفه اني احسدها وخايفة من العين وجلست ابكي وانا مقهوره:( واقول اكيييييييد ماكلمتني علشان ماتبغى تقولي خايفه مني علشان انا ماحملت وماعندي اطفال ..وابكي من قلبي وبحرقه وقهر وعلى نفسي حزنانه من الحركه هذا :( اه تعبت والله نفسيتي زي الزفت من كل شئ

انتم ايش رأيكم ارسلها على الايميل واقولها مبروك :14:
او اطنشها وماكلمها ؟؟بس اذا طنشتها يقولو مقهوره علشان ه حملت وانا ماحملت ....
اما كلام انا مابغى اكلمها ؟؟


يارب الرزقني انا وجميع المحرومات بالذريه الصالحه المعافه

معليش سامحوني طولت عليكم بس من القهر افضفض لكم

الله يعطيك الذريه الصالحه ..........

انا اقول باركي لها وكلميها بس لاتقولين لها مشاكلك .......... لان هي تخبي عنك

والله انا لو مكانك كان ما ابعث ايميل ولا شي
بس علشانها طنشتك
بس موضوع الحمل ليش ما تفكري من ناحيه احسن مثلا حطي ببالك انها ما حكتلك علشان ما تجرح مشاعرك وما تحسسك بالنقص بالذات انك فضفضتي لها بيوم من الايام وقلتي لها حابه اجيب عيال
بس حركه التطنيش ماهي حلو
الله يهديها ويرزقك الذريه الصالحه يارب
في رعايه الله

اكيد خافت انها تجرحك بقولها لك انها حامل فضلت انك تعرفي بس

مش من طرفها وانا من رايي انك تتصلي فيها وتباركيلها كان شيئا لم يكن

وهي اكيد رح تحس بتانيب الضمير وترجع العلاقة الى عهدها السابق

اتمنى لك التوفيق

اختي ممكن الحالتين..

ممكن انها خافت من العين.. وممكن انها ما تبي تجرحك..




انا تمر علي كذا حالات مع قريبتي في امور ثانية.. اعرف اناى تتمناها .. بس ما اقولها اني حصلت عليها او سويتها..

عشات لاتتحطم نفسيتها.. وعشان احمي نفسي من العين

يارب يرزئك عن قريب بتوءم ان شاء الله قولي امين يارب

ربي قادر يرزقك وجميع المحرومين قادر يا رب.

ثانيا اختي احمليها على محمل الخير ، يمكن لما قالت لك انها مو مشتهية تأكل وظهرها يألمها ما كانت تعرف انها حامل وكمان النفسية في بداية الحمل بتكون زفتة من غير سبب وانا اعرف ناس بيكرهوا يتكلموا اثناء الوحم لاي حد يعني تلاقيها قاعدة دايما بالبيت وفي مكان ظلمة وما تردش على تلفونات وحاجات غريبة يارب تعرفيها عن قريب عن الوحام

حبيتي استهدي بالله وباركي لها وعقبال ما تبارك لك بالقريب العاجل ان شاء الله .