|
حطموني عشان كلمتها انا نادم ! فهل اخطأت
بصراحة ملكتي يوم الثلاثاء القادم باذن الله وشبكتي يوم الاربعاء القادم باذن الله . اليوم جالس مع ابوها وطلبت منه اني اكلم بنته عشان نتنقاش في موضوع الشبكة والخ .. قال ماعندي مانع . كلمها اتصلت عليها اليوم العشاء وسلمت عليها وهذا اول مكالمة لي من سنة خطوبه لي . وسوليف وش الاخبار وش سويتي وبعض القصص خلال السنة الي كانت فيها الخطوبة لمدة 15 دقيقه قفلت الخط منها قعدت انتاقش انا والاهل وهم ماعندهم علم اني كلمتها . قلت وشرايكم بكلم خطيبتي قبل الملكة بشوف وش ردت فعلهم قالو انت مجنون خلك ثقل لاتكلمها اصبر شوي لاتكلمها الى بعد ملكتك بيومان اقل شي . اكيد البنت بتتصور انك منت ثقل وغير واثق منك نفسك لما تكلمها وتسالها عن امور الشبكة . واني انسان بس ابغى اكلمها . والخ ........ وحطمووووني بصراحة وندمت اني كلمتها . وجاني وسواس ان البنت تقول هذا من اول مكالمة عطاني كم سالفه ويسولف عن الشبكة اكيد انه غير واثق من نفسه . اخواني في الله ماكتبت الموضوع الى حبن فيكم واعتبركم مثل اخواني لن ردودكم تريحني بصراحة . انتظركم اخوكم رحال الاشراف : المعذرة تم تعديل العنوان , بالتوفيق |
لا طبعا عادي جداااااااااااااااااااااااا
يا أخوي ارجوك خليك من نصايح الناس تعامل بطبيعتك تمامااااااااااااااااااااااااااا لا تمثل الثقل ولا تمثل اللهفة اللي بقلبك طلعه واعتقد انت استأذنت من ابوها يعني مافي اي مشكلة بالعكس المكالمة اكيد فرحت البنت جداااااااااااااااا الله يتمم لكم بخير |
اقتباس:
والله انك صادقه الواحد يتصرف دووووم على طبيعته وماله من كلام الناس والله انك صادق كلامك اسعدني بصراحة وريحني من اول ماقراته . |
اخي الكريم : رحال
ان شاء الله ربي يتمم لك على خير والصراحه انك ماأخطأت . أجمل شيء أن يكون الانسان على طبيعته ويتصرف بما يمليه عليه عقله وضميره وأكيد فرحت خطيبتك بالمكالمة . انت مقبل على زواج خلي لك موقف مع احترامي للأهل وموقفهم . لكن الثقل أعتبره تصنع في التصرف لايعكس الحقيقة فخطيبتك يجب ان تتعرف على طبعك كيف انت , لاكيف يجب ان تكون بارك الله لك في عروسك ووفقكما |
اقتباس:
على ردك لي ......... الي عطاني دافع معنوي وثقه في نفسي اكثر .. هذي مشكلتي الحقيقه اني اسمع كلام الناس وان انسان بسيط ودوووم احب اكون على طبيعتي في تصرفاتي . كلامك اسعدني بصراحة |
اخي لو بتسمع كلام الناس
بيجيك وجع راس و بعدين اللي ينطبق على غيرك ما ينطبق عليك انت ادرى منهم بنفسك وحياتك و خطبتك مالك منهم ة لا تسمع كلام حد .. اللي تشوقه مناسب سويه ولو اي وجدة مكان خطيبتك كانت بفرح لاهتمامك و حرصك و ما راح تفكر انك عديم الثقة ابداا الله يوفقكم يا رب و يجعلها الزوجة الصالحة |
السلام عليكم ورحمة الله وبركاته
بالعكس اخوي انا ما اشوف انه فيه اي خطاء باللي سويته وخلك على طبيعتك ولاتندم على شي سويته وانت مقتنع فيه ولاتترك مجال للثقل المتصنع انه يخلي بينك وبين زوجتك (بإذن الله ) حاجز ما اظنك تبي تتزوج عشان كل واحد يثقل على الثاني وبالتالي راح تخسرون الرومانسية و العفويه اللي اشوفها ملح الحياه الزوجيه اذا مو اساسها واحرص اوي كل الحرص على انك تكلمها بيوم الشبكة بعد الحفله لانها راح تكون متلهفه عشان تعرف رايك فيها اخيرا الله يوفقك اخوي ويسعدكم ياااارب |
اقتباس:
والله كل كلامكم وكلامك زرع فيني شي كنت احتاجه وهي اني اتصرف على طبيعتي ولاسمع كلام الناس الي اتعبتني بصراحة . |
اقتباس:
كثر الله من امثالك وحقق لك مرادك وجعلك من اهل الجنة قووولي امين والله اني وانا اقراءه كلامك قاعد ابتسم .. صدقتي والله الثقل الي قاعد احاول اسويه بيدمر حياتي ونفسيتي لاني معروف بطبيعتي انسان بسيط ويكون دووم على طبيعته .. وقلتي شي جديد الله يسعدك الي اكلمها يوم الشبكة وهذا شي كنت اغفل عنه بصراحة . لك تحياتي وتقديري |
عادي انا كلمته وقت الخطبه ثلاث مرات سريعه لتشاور في بعض الامور وبخصوص الشبكه وفي الملكه كلمني من بكرا باليل وبعدها من وقت لوقت يعني مره كل يوم ومره كل ثلاث ايام ومره كل خمس ايام
|
| الساعة الآن 04:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©