اليوم أنا عند والد البنت ولكن للأسف" ضقت ذرعا بنفسي" !!
 

السلام عليكم ورحمه الله وبركاته

صباح او مساء الخير

خلونا ندخل بصلب المشكله على طول...!

تقدمت لبنت من اقاربنا البعيدين بتوصيه من اهلي ومباركه من الله ثم منهم .. وصار اول خطوات الخطبه هو ان اهلي اتصلوا على اهل البنت وفاتحوهم بالموضوع ووافقوا تقريبا وماهو اكيد لكن تقريبا .. طبعا اخوي راح لابو البنت وكلمها وجلس معه وقال ابو البنت والله مانقدر نرفضكم بالعكس هذي الساعه المباركه لكن ابغى اشوف الولد انا بعدها بثلاثه ايام رحت لابوها وجلست معه وفي نيتي ان المسأله ان شاء الله انتهت وانهم وافقوا !!طبعا هالاجتماع الصغير كان بحضور بعض اخوانها وقريب لهم المهم دارت الجلسه بكلام ماله اي دخل بالزواج نهائيا يعني كأي جلسه من الجلسات واستمرت الجلسه حوالي 3 ساعات وبعد الغداء بربع ساعه انا استأذنت طلع معي ابو البنت وقالي ياولدي شوف انا ماعندي مانع والبنت والام والاهل ولكن المشكله في البنت تبغى تكمل دراستها !! قلت انا ماعندي مانع انا الي راح اسعى لها بتكميل الدراسه ولا راح اوقف واصير حجر عثره بالعكس انا ابغاها تكمل .. قال الاب طيب البنت لك ان شاء الله بس تبي تصبر سنه !!؟؟ قلت انا لا والله انا ماعندي استعداد اني اصبر انا مليت من العزوبيه وابي اتزوج باسرع وقت سنه يابو فلان طويله قال هذي المشكله بس بالدراسه لكن بكلمهم (يعني البنت وامها) وارد لك .. قلت اوكي ماعندي مشكله طبعا الكلام هذا كله كان امس .. بس انا ضايق صدري وللعلم هذي ثاني خطوبه الاولى كانت برفض من الام وهالمره تقريبا من البنت عشان الدراسه وللعلم الحمدلله مابي امدح نفسي انا مالي لا بالدخان ولا الطلعات ولا غيره وموظف والحمدلله راتبي يكفيني وفوق هذا كله الحمدلله حريص على الصلاه لكن وش سبب هالمشاكل انا كل ماتقدم اروح لابو البنت وبعدها بكم يوم يقولون ماعندنا لك نصيب وش الحل ياجماعه انا مليت ودي اكنسل فكره هالزواج من الاصل مادري هل البلا مني ولا من غيري انا ضايق صدري ان مارد علي هالمره انا بتحطم صراحه ولو كان فيه رفض اكيد برضوا بتحطم مادري ياجماعه لو لم يكتب الله لي نصيب مع هالبنت هل النصيب الى الان ماجا ولا كيف ...!! وعساها خيره يارب

تحياتي

الاشراف : لفظ المشيئة يكتب إن شاء الله ,بالتوفيق .

اخي عساها تكون خيره لك
استغفر الله
ترفض الزواج من اجل دراسه
اخي عساها تكون خيره لك
استخير الله ان كنت تستطيع الصبر عن البنت
اوممكن تملكون وبعد سنه تتزوجون
واذا لم يوافقو
لاتحزن ،ادعي الله بالزوجه الطيبه اللي تسعدك
الله يرزقنا من فضله يارب

وعليكم السلام ورحمة الله وبركاته

أنت قلتها عساها خيره يارب ,,, والله يكتب لك الزوجه الصالحه اللي تسعدك وتهنيك ويرزقك منها الذريه الصالحه

لكن لاتستعجل الأمور وانتظر ردهم بإذن الله

اتمنة لك التوفيق يارب

مدام انها من الأهل ممكن توسط احد يقنعها
لان في بنات يتخوفون من عدم التوفيق بين الدراسه ومسؤوليه الأرتباط من كثر اللي يسمعونه حواليهم
اذا فيها خيره لك هالبنت الله ييسر امرك معاها وان كان شر الله يرزقك بمن هي افضل

وعليكم السلام ورحمة الله وبركاته


يا هلا والله بوليد يا هلا والله ببني عمي...:22:


موضوعك وقته كتابته 1:49 AM يعني نقول صباح الخير...:d

شكل الهواجيس والأفكار ما خلت تنام ....

على أني أنا ما عندي خبره في هالأمور لكن أحب أعلق على ما كتبته من باب التعاطف
وإلا أعضاء المنتدى لن يقصروا معك بأرائهم واقتراحتهم

أحب أقول تعليقاً على ما كتبت


بالنسبة لتضايقك و لتضجرك وأنها الخطبة الثانية ، أقول ما جاء نصيبك حتى الأن ويمكن بعد كم يوم
توافق البنت وأمها على الزواج ...فلا تخلي الهم يجعلك تفكر أنك تتخلى عن فكرة الزواج...(تعلب على مين.؟:d)


أخوي بالنسبة لكلامك مع الأب أتمنى أنه توضح لهم وضعك وحالتك ثم هم يردون عليك

والأخوة والأخوات ما يقصرون معك في مشاركاتهم

الله يرزقك الزوجة الصالحة الحنونة ويرزقك منها الذرية الصالحة


أخوك


عزوبي:21: بس:d رجل:30:

دمتم بحفظ الرحمن

اختي نايت ماشاء الله استفدت منك الكثير وجزاك الله خير طبعا ممكن اني ادخل بمعرفات قبل واكتب مشاكلي لكن ماتروح المشكله الا وانسى معها المعرف وكل شي ^_^ واضطر اني ادخل بمعرف جديد

المهم انا الى الان مادري هل هو يبني بصدق ولالا .؟؟ ولو كان البنت تبي تكمل دراستها ليه ماقال لاهلي من قبل ليه بناديني ويعزمني ثم يقولي هالكلام مع ان انسان تقريبا كبير بالسن ومادري وش الحل انا عاشرت كبار بالسن واعرفهم لازم التدقيق وخاصه بالشباب

اختي روز السعوديه شكرا لك وماقصرتي
تحياتي

اتوقع بما أن الاب مقتنع فيك وارتاح لك ممكن يأثر على قرار بنته
وفي النهايه الله يكتب لك الخير ويرزقك بالزوجه الصالحه وبالحياة السعيده

سبحان الله الله وحده هو العالم بالخير وما يندرى وين الخير فيه توكل على الله واسع في موضوع الزواج ولا تقول الناس ليش ردوني انت رجااااااال وما يضرك شيء تخيل لو ان البنت ترد اكثر من مره كيف راح يكون شعورها وطبعا البنت اكثر حساسيه من الولد غير كذا نظرة الاهل لها والناس واللي عرفوا بالخطبه يا اخي عادي جدا وكثير تحصل والحمد لله انك شاب صالح ترى هذا ما يعيب الرجل انه يرد ويرفض طلبه

الله يرزقك بالزوجه الصالحه

كتبت رد وللأسف ماطلع طلع لي سبيد تتش !! ^_^ << مقطع النت تقطيع !!

هلا ابن عمي عزوبي الظاهر انا وياك نبي نقلبها مزاين <<< تذكر مزاين الهيلا ^_^ بس تراني حضري اصلي :22:مالي بالبعارين تبي مزاين بقر مايخالف هههههه ^_^

اولا اخوي عزوبي شاكر لك ومقدر بس انا بصراحه ضايق صدري ابغى استقر انا والله مليت مليت بكل ماتحمله الكلمه من معنى والله الاستقرار هو الحياه غيره كنسسسسسسسل ^_^

بحر الاماني والله انتي صادقه الخيره فيما اختاره الله ومايندى مع اني مادري كذا نفسيا ارتحت للعائله وانا مابعد شفت البنت ^_^ الله يكتب الي فيه الخير يارب وادعو لي لاتخلوني

تحياتي

الاوزون والله ياختي انا بصراحه مادري هل هو مقتنع او بس مجرد كلام !!

اتصل بيهم بعد يومين و شوف الموضوع
كلامه لا يدل على الرفض
و إذا أتاك الرفض لا تيأس
دور على بنت مخلصة تعليم عشان ترتاح من المشاكل دي
مش لازم بنت صغيرة قوي تاخدها و تتعب معاها في مشاكل المدرسة أو الجامعة