|
أكره الإجازات بسبب زوجي
السلام عليكم ورحمة الله وبركاته
حاسة إني مررررة مخنوقة ..و تعبانة ...و ما عندي أحد ابكي له و أفضفض له غيركم.. الناس تفرح لمن تجي الإجازات و أنا أكرهها و أشيل هم إنها قربت...و أكره نهاية الأسبوع... عارفين ليه..؟؟ لأن سي السيد زوجي..ما يخرجني من البيت...لا خرجات لا نزهات ..وبعد طلوع الروح يخرجني يدوخني بالسيارة..إما نأكل في السيارة ..أو نروح مطعم على ذوقه (طبعا في الغالب تنهد الميزانية بسبب دي الطلعة) ..و بسرعة يرجعني البيت.. و حتى لو وداني لمكان ( البحر مثلا ) كلها خمس دقايق ويقومني و يرجعني للسجن.. تخيلوا أخر خرجة كانت على البحر..ساعتين و أنا أجهز القهوة و الشاي...ولمن وصلنا يدوبك أكلنا الأكل الجاهز ..ويلا قومي..طيب خلينا نشم شوية هوا..خلينا نشرب فنجان قهوة أو فنجان شاي إللي تعبت عليهم ..لا حياة لمن تنادي.. أحسن خرجة في نظره زيارة أهله..و صديقه المتزوج...أو يوديني لأهلي.. وأنا ما احب الزيارات بكثرة..خصوصا إنها من بيت لبيت و انا بدي أخرج برا بدي اشم هوا.. اول زواجنا سافرنا مع أهلي ..مع إننا عرسان..ما يخرجني إلا مع أهلي..تقريبا سفراتنا معدودة و كلها إما مع أهلي أو أهله.. مع إننا قريبين من مكة و أهلي بها..تخيلوا روحاتنا للحرم تنعد على الأصابع..كلها سريع سريع ..مرة رحت و طفت شوطين و أضطريت أروح الحمام ( الله يكرمكم) كنت حامل..ما سمح لي أكمل السبع..و أنقهرت و لازلت مجروحة بسبب هذا الموقف.. و مرة كنت عند أهلي أتصل علي وقال لي جهزي نفسك أبغ أخديك للحرم..فرحت و جهزت نفسي ..ولمن رحنا صلينا العشاءفي الساحة عند الباب..و بعد الصلاة قال لي أنا مررة ميت جوع..قلت طيب..جلسنا في مطعم و بعد المطعم ..خلينا نرجع..من جد أنصدمت ..باب الحرم قدامنا و يقول لي نرجع ما فيني..مني قادرة أكمل مني قادرة أشوف الشاشة من دموعي ..كل ما أتذكر مواقفي معه في الحرم قلبي يوجعي و دموعي غصب عني تسيل...حسبي الله و نعم الوكيل... |
كان الله في عونك اخيتي
|
[السلام عليكم ورحمة الله وبركاته ...
Quote]مرة رحت و طفت شوطين و أضطريت أروح الحمام ( الله يكرمكم) كنت حامل..ما سمح لي أكمل السبع[/quote] أمل منك التأكد أولا ... هل دخلتي الحرم بنية العمره ؟؟؟ إذا كان صحيح أرجوا ان تستفي عالم فقيه بالدين ..... أما عن مشكلتك فلعل غيري يفيدك و أن كان عندي وقت لا حق بإذن الله ...حاولت المشاركه بالحل ... |
اقتباس:
ياريت..كان أحترم النسك..وخلاني أكمله... حسبي الله و نعم الوكيل فيه |
اختي كيف هي لغة الحوار بينك و بين زوجك ؟؟
هل تجلسون مع بعض وتتحاورون في اموركم الخاصه و احيتاجاتكم كلٍ اتجاه الاخر ؟؟ يعني لازم تجلسين و تتفاهمين معه و تقولين لزوجك اسلوبك هذا يضايقني و اذا تحبني و تراعي مشاعري لازم تصلح من هذا الطبع .. قد يكون زوجك مو منتبه الي ان هذا الطبع يسبب لك الضيق .. |
أختي أميرات..في حوار..وكثيرا ما كلمته عن هذا الأمر..لكن ما لقيت تغيير..
|
طيب مافي الكم اصدقاء تطلعوا معاهم رحلة عائلية عالبحر وتعملوا مشاوي هش ونش.
منها راح تتسلي مع النساء وهو راح يتونس مع اصحابه. وهيك بترتاحي من استعجاله. او تكون الطلعة مع اهله او اهلك. |
أهله ما يحبوا الطلعات..بس زيارات منزلية..
و ما يحب يروح مع أصدقاء..كيف تأخذوا راحتكم و نكون رجال و حريم... |
أطلبي من الله أن يغيرلو طباعه
لازم تتحملي |
الله يفرج لي همي..حسبي الله ونعم الوكيل
|
| الساعة الآن 01:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©