يا موظفات و يا ازواجهن ساعدوني
 

السلام عليكم

السادة الأعضاء..أبغى رأيكم في موضوع منكد علي حياتي من أول ما اتزوجت..لحد يومنا..

أنا موظفة و زوجي موظف ..

من أول ما اتزوجت غلطت غلطة عمري..وهي إني ما خليت راتبي مستقل عن راتب زوجي..و دخلت نفسي في دوامة كبيرة ..وهي مصاريف البيت و سداد الفواتير..

المشكلة مهي في المشاركة..ولكن المشكلة في إنه خلاص معد صار لي خصوصية في فلوسي..و لا عد صرت اقدر اشتري أي شيء أحبه إلا بحساب ..و نظر و موازنة مع الأمور اللي فرضتها على نفسي..تخيلوا بطاقتي دايما في محفظة زوجي..
كل نهاية شهر على كيفه يصرف الفلوس..لو اتكلمت يجاريني و يطبطب علي علشان ما انكد عليه..

وعلشان ما اظلمه حاول كثير فصل الرواتب ..لكن بسبب طوارئ : ( ولادتي قيصرية في مستشفى خاص ، سبوع للمولود ، سفريات صغيرة داخل الدولة) و بسبب كثرة الأقساط عليه ( قسط الزواج ، اقساط اجهزة يحتاجها في العمل) يتأجل الموضوع..

في مشكلة مررررة قاهرتني ...زوجي بعد الاقساط..و تسديد الفواتير ..كل الفلوس تروح في المطاعم..لو ما معه غير 100 و عارف إنه بعدها يشحت ..ما يهمه يصرفها في مطعم..المهم يكرم كرشه..

و اللي يقصم ظهر البعير..يمووت على السلف ( من أمه ، اخوه، اصحابه....المطاعم )
فيه شيء يسحر الناس و يخليهم يسلفوه بدون مقاومة..

يمووت على شيء اسمه على الحساب ( البقالة ، الخضار ، الصيدلية ، المكوجي ، المطاعم المجاورة لنا)..

تخيلوا ممكن يتسلف بس علشان يكرم بطنه..و ممكن كل اللوازم ( ملابس ، نواقص البيت...إلخ) تتأجل بس علشان يبعزق على الأكل..

أنا مررة تعبانة ..أحس إنه حيجيني الضغط و السكر بسببه..

أحس دايما بعدم الأمان المادي معه..مع إني موظفة..

أحس دايما إنه عمري ما راح يصير لي بيت ملك أو مصدر رزق بعد تقاعدي و سنوات الكرف ..و لا راح اقدر ءأمن مستقبل أولادي من بعدي.. حتى الإجازات ما اقدر اتهنى و أسافر ولو سفرات داخل البلد أو حتى أغير جو..أو أخذ لي دورة تسليني..


حسبي الله و نعم الوكيل..

كلمته مية مرة..و كل نهاية شهر ينفتح الموضوع و طول الشهر ..و كل ما اتسلف ..و كل ما حسيت إنه حتزيد الزنقة..لكن لا حياة لمن تنادي..

كيف و الدوامة مهي راضية تنتهي..كيف اقدر أخرج منها؟؟

لله يكون بعونك ويصبرك على هالزوج

آمين يارب

88 شخص و ردين فقط..
ارجووكم ساعدوني

يا اختي يجب ان تكوني حازمه قليلا معه لأنها اموالك الخاصة ولك كامل الحق بها ..

واذا اردتي حل وسط اي تتفضلين بمساعدته مع التوفير للمستقبل .. قسمي الراتب الى ثلاثة اجزاء .. جزء تعطينه اياه مساهمة منك في مصاريف المنزل .. وجزء لمصاريفك الشخصية .. والجزء الثالث الباقي للتوفير .

لا اعلم أختى ماذا أقول لك
ولكن لابد من العمل بما يرضى الله تعالى وإخلاص ضميرك وضمير زوجى فى تقديم العمل على أكمل وجه
حتى يبارك الله لك فى رزقك
فإخلاصك فى عملك وإخلاص زوجك فى عمله من مفاتيح مباركة الرزق من الرزاق رب العباد
وأكثرى من الدعاء والاستغفار
والاهم أختى فالمهم
اعملى ميزانية وحساب لكل يوم
وحساب للأجازات والطوارئ
وتمسكى بهذه الميزانيه
وليس من شأنك سلف زوجك فهو حر فى قضاء ديونه
ولا تدينى نفسك
تمسكى بهذا القول والفعل حتى يقلل من سلفياته
وربنا يبارك لك فى رزقك ويرزقك من حيث لا يحتسب

سيد الرجال..

هي دي فكرتي ..بس المشكلة إنه الجزء اللي اعطيه هو للمساعدة ..يطغى على الجزئين الآخرين..

ملاك لكل زمن..
المشكلة كيف ألتزم بالميزنية..؟
وكيف أخليه يتعود على الوضع الجديد؟
كيف أخليه يحترم أو يتقبل هذه الحدود التي لم أعوده على وجودها..