|
سأسكن مع خطيبتي بعيدا عن أهلها .. وهم يحاولون التفريق بيننا لهذا السبب ..انصحوني ؟؟
مرحبااا
كيفكم وشو أخباركم بصراحه عندي استفسار اهل خطيبتي حاولو كتير يفرقو بينا ومابدهم اياني فقط لانو بنتهم حتعيش بعيد عنهم وبصراحه البنت وقفت بوجه اهلها كتير وبوجه العالم كلو وضحت وعملت اكتر من اللازم واخر شي اهلها خيروها يا يكملولها دراستها يا أنا ؟؟ هيي سنه تالته طب اسنان اختارتني انا واهلها انصدمو صدمه كبيره وما اتوقعو انها تتخلى عن دراستها عشاني وخاصة انو رسوم الجامعه كتير غاليه وانا لساتني طالب في التخصص وما حقدر ادفعلها الرسوم على علم انو اهلها اتفقو معي قبل كتب الكتاب انو يكملولها تعليمها واهلها لما اختارات كمان حكولها ما الك ميراث وما الك اي دعم مادي منا والبنت موافقه وخلص اختارت واخدت قرارها عندي سؤالين هل هيي هيك بتغضب اهلها وهم على غير حق ؟؟ انا كتير حزنان عليها يعني حرام بس ضايل سنتين وتصير دكتوره شو اعمل على العلم اني حاولت اتركها وابعد وهيي انهارت عصبيا وهيي بالمستشفى وبتحكيلي بعد كل شي عملتو مشانك ووقفت بوجه العالم كلو انت بتتخلى عني وبتيعد وانا ببعد عشان مصلحتها بس حالتها بتزداد سؤء شو اعمل انصحوني وشكرا تم تعديل العنوان بما يفصح عن محتوى النص المشرف / شاطئ المحبة |
الموضوع فعلا صعب...
صل صلاة استخاره...واطلب منها ذلك والله يكتب لكما مابه الخير |
صليت يا اخي ومرتاح كتير معها ومانفسي غيرها يشاركني حياتي
وخاصة انها حاربت العالم كلوووووووووووووووووووووو |
أخي عمور الله يهديك ويهديها للصراط المستقيم ويوفقكم ليش ماتتفق معاها إنكم تتزوجو بعد ماتكمل تعليمها وتعليمك نكونو ضربتو عصفورين بحجر منها تكمل تعليمها وماتغضب أهلها ومنها تتزوجو وإنتا مرتاح نفسيا وضميرك مرتاح وهي تكون هدأت اعصابها وإسترجهت عافيتهاأهم شي أخوياعمور أتقي الله فبنت الناس وقدر تضحياتها علشانك لاتخلي أي عقبة في العالم تحطم حبكم العظيم
يرجى مراعاة الكتابة الصحيحة للفظ الجلالة بالهاء لا بالتاء المشرف / شاطئ المحبة |
لا يستطيعون حرمانها من الميراث لأنه غير جائز شرعا فعل ذلك ولها كل الحق في الميراث
|
أتفق معها أنك ماراح تتزوجها وأنها لم تعد تريد الزواج بك, حتى يعود المصروف كما كان وبعد الإنتهاء من دراستها, أرجع لها, وفي حال أنك كنت عاقد قرانك عليها, فعليك إستشارة شيخ عن جواز الطلاق بنية الرجعة وتفادياً للظروف,
........................... وفقك الله موضوعك يحتاج مفتي (رجل دين متمكن) أخي الفاضل أي رأي شرعي بغض النظر عن صحته من عدمها يجب أن يوثق مع بيان المصدر المشرف / شاطئ المحبة |
تزوجها بعد ما تكمل دراستها !!
هذا الخيار الاول اذا ما نفع لاي سبب .. تزوجها وربك ييسر .. اتوقع اهلها ما راح يتركونها ... مجرد تهديد |
أخوي إنت تبغى وظيفتها و لا تبغاها هي ؟
و ليه أهلها رافضين زواجها منك ؟ |
الموضوع به غموض
الاهل وافقو عليك خطيب ولم يترددوا فى عقد قرانكم ماذا حدث حتى يرفضوك بهذا الشكل ويسعون فى التفريق بينكما؟ جزء من النص مفقود |
اخواني واخواتي
أشكركم على وجودكم ولكن انا مابقدر اسيبها عشان تكمل دراستها انا كاتب كتابي ولو طلقتها اهلها ماراح يرضو فيني بعدها هما مو مصدقين يطلقوها وبعدين انا بتهمني هيي كأنسانه مابتهمني شهادتها انا والحمدالله دكتور وعلى وشك التخصص والله حيرزقني ان شاء الله بس حاسس انها هيي نفسيتها تعبانه مشان الدراسه بس هيي بتحكيلي انا مابهمني شي بالدنيا الا انت لو اهلي مو بس حرموني دراستي ولو حطو سيف يقتلوني ماراح اتركك وبعدين اهلها مابدهم اياني لانها راح تسكن بعيد عنهم مع العلم انهم كانو عارفين وموافقين وكمان في واحد من اصحاب ابوها بدو اياه لابنو وهي ساكن عندهم وغني كتير ومستعد يكمللها دراستها ويجيبلها فيلا بس هيك ما بيجوز البنت وكتبت كتابها وانا مستحيل اتركها لواحد تاني بس كمان مو عارف شو اعمل |
| الساعة الآن 12:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©