|
مشكلتي في البحث عن الزوجه !
السلام عليكم عندي مشكله وياليت ألقى منكم ردود تريحني وترفع من معنوياتي شوي .. ومااستغني عن دعواتكم أنا موظف من خمس سنوات ومستعد للزواج مادياً ومعنوياً بس المشكله في إن امي لين الحين مالقتلي البنت المناسبه وطال انتظاري وصبرت لين مليت ولهـا سنه تدور ولا حصلت البنت المناسبه !! على ان امي اجتماعيه كثير وعندها علاقات بس سبحان الله كأن البنات اختفو يوم جات تخطب لي !! على انها يوم زوجت اخواني الكبار ماقعدت اكثر من شهر بس جات على حظي انا والحمد لله على كل حال يمكن يجي في بالكم اني اطلب منها مواصفات معقده في اختيار الزوجه وانا با العكس ماطلبت منها الا انها تكون على دين وجمال مقبول والعطله قربت وانا لين الحين ماخطبت ولا حصلت البنت المناسبه وانا صبرت وحصنت نفسي كثير على امل اني بتزوج وانا بحكم وظيفتي عندي تذاكر مجانيه سنويه والشيطان يلعب براسي كثير من ناحية اني اسافر وانبسط وانتو تعرفون الواحد إذا سـاافر مع شباب وشي الاشياء الي ممكن يسويها ! والله يثبتنا على طـااعته بس اني مع مرور الايام اتعب وبنفس الوقت يقتلني الهم وتذبحني الهواجيس .. واسف على الأطـاله بس اتمنى تعطوني حلول لها المشكله على ان امي ماهي مقصره لدرجه ان ابوي امس سألها عن السفر في الإجازه وقالت له ماني مسافره وطالعه الا لين ازوج ولدي وارتااح .. |
أخي عليك بالثبات على ماأنت عليه
من نعمة الستر وحفظ الله ورعايته ثانيا /عليك بالدعاء بأن يرزقك الله بالفتاة المناسبة في كل شيء (الجمال - الدين - المرح - الطيبة ) الله كريم جواد وخزائنه ملئ أكثر من الآستغفار والتوبة وتصدق بنية أنك تلاقي لك زوجة مناسبة وبأذن الله أسبوع بالكثير وأنت خاطب والله يوفقك وتزفك أمك عريس في الصيف يارب موفق أخي |
شروق
اسعدني مرورك وكلامك رفع معنوياتي كثير والله يسعدك ويوفقك |
بالنسبة لوضعك فأنصحك بالإقتراح على والدتك دخول أطراف أخرى تثق فيهم والدتك لكي يساعدوها في البحث سواء الأخوات أو الأقارب .... الخ
وإذا لزم الأمر خطابة تعطى المواصفات وشروط التكافؤ وكل شئ وربما تجد ضالتك عندها أخي الكريم ، شكرا لتعاونك ، يبقى الموضوع هنا لاختصاص القسم به كون الأخ من المقبلين المشرف / شاطئ المحبة |
الله يوفقك ياخوي ويرزقك اللي تتمناها يااارب
كل شي بالدنيا نصيب ربي ماكتب لك للحين تلقى البنت اللي تتزوجها اكثر الدعاء والاستغفار |
الله يرزقك الزوجه الصالحه عاجلا غير اجل
وانتبه تضيع دينك اولا وتربيتك ثانيا باشياء تندم عليها طول عمرك لاتعطي الشيطان مجال يسهل لك المعصيه خلك ثابت ومتمسك مثل ما انت وصدقني ربي بيعوض صبرك خير اختك بالله جينز |
اخي الكريم00
خمس سنوااااات !!! فتره طووووووويله جدا بحكم خبرتي00>>>> مزوجه اخواني الله يحفظهم00 يا اخي ما عليك 00إلا ان تقول لأمك 00اعزمي وتوكلي00وماهي جايه وحده على الكيف ابد00لا بد من تفاوت المزايا00 ولكن معقوله في هذه الفتره ما خطبت ولا بنت !! الله يسهل امرك00 |
الزو اج قسمه ونصيب و يااخي كل تاخيره فيها خيره ان شاء الله ربما ربي ما اراد لسه
ثانيا ادعي ربي يسخر لك الزوجه الصالحه مافي زي الدعاء والاستغفار والفرج من عند الله ثالثا احرص اخي الفاضل على تقوى الله وتمسك بدينك واخلاقك فربما يكون اختبار من الله يرى مدى تحملك وصبرك اخي لاتسافر ولا تجعل للشيطان مدخل عليك اسأل الله العلي القدير ان يرزقك بالزوجه الصالحه عاجلا غير اجل ويثبتك على الخير والصلاح امين |
الله يوفقك يارب وان شاء الله تلاقي بنت الحلال الي تتمناها..
بس نصيحة لاتجرب خطابات.. لان احنى جربنا اكثر من وحدة لمى جينا نخطب لاخوي كلهم نصابات..او لاغلبية هدفعم مادي..ويمدحون لنا في بنات ولمى نروح نلاقي الي قلنا شرق والي شفنا غرب.. يعني تحرجنا معاها ومع البنت ومع اهلها... يعني لاتورط حالك معهم الا اذا كنت واثق فيعم.. والله يوفقك يارب. |
الله يكون بعونك ويوفقك ويرزقك بالزوجه الصالحه المناسبه الي تخاف الله فيك
وتسعدك وتهنيك يارب بس فعلا سبحان الله بعض الناس تتيسر لهم بسرعه جنونيه والبعض يجلس بالسنين يدور ادعي الله في السر والعلن وخلي الوالده واذا عندك خوات يكثفوا البحث احنا لنا فتره طويييييييييييييييييييييييله ندور لخوى ووعلى كثر ماشفناله ومره نقول هذي لا هذي ولكن لاهو الي شجعنا والا احنا الي تقدمنا مره هو يقول يالله وبعدها يسكت معقول مستحي ترى الموضوع يبغله صبر ودعاء والله يحفظك استمر على ما انت عليه وحصن نفسك يوميا وابعد عنك وساوس الشيطان وتوكل على الله فمن توكل على الله فهو حسبه |
| الساعة الآن 09:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©