صديقتي تخون زوجها ؟
 

السلام عليكم ورحمة الله وبركاته اتمنى انكم تكونون كلكم بخير
انا اول مرة اطرح مشكلة واتمنى تساعدوني وتعطوني أرائكم ,المشكلة تخص صديقة عمري حكت لي عنها وانا من اول ماقالت لي عن هالمشكلة وانا محتارة كيف أساعدها صديقتي متزوجة من 7 سنوات وعندها طفلين وزوجها يحبها ويعزها والكل حاسدها على الزوج ماشاء الله,المشكلة قبل 4شهور اتصل فيها شخص وكان ماترد حاول فيها بالرسايل وردت تسأل من وين أخذ الرقم قالها من اخوي صغير استغربت من لاخوه الرقم وهي ماحد يعرف رقمها الا صديقاتها المهم صارت تكلم هالشخص سوالف عادية عن حياته ومشاكله نسيت اقول لكم ان دوام زوجها طويل ودايم مشغول بس مو مقصر معاها ماتحب تزور احد حتى لما ادعوها تزورني تقول مااحب اطلع المهم استمرت تكلم هالشاب طبعا تعلق فيها وحبها وهي مصدقة مسكينة هو عمره 25 وهي 29 سنة طبعا هو مو متزوج المهم تطورت العلاقة وصار لقاء بينهم بس الحمدالله ماصار شيء فقط رؤية وسوالف تعلقت فيه اكثر وصارت تحكي لي عن حالتها وحسرتها وشوقها له هو في منطقة بعيدة عنها يعني مسافة 500 كيلو المهم صارت ماتهتم بزوجها وتتمنى لو كان حبيبها مكانه المهم زوجها عرف سالفة المكالمات والله مسكين تقبل الموضوع طبعا انصدم وانتقهر بس تحمل عشان يحبها المهم الحين صارت ماتكلم هالشخص الا كل يومين ودها تتخلص منه مو قادرة والله حاولت اقنعها بس مافيه فايدة تحبه حتى لو حاولت ترجع مرة ثانية تكفون ساعدوها..والله وهي تكلمني اكسرت خاطري ودها تنساه بس مو قادرة والمشكلة هو متعلق فيها حتى خطيبته تركها علشانها عل ماتقول والله مشكله اما زوجها الله يعينه والله لو مايحبها كان سوا سالفة بس تحمل وسكت...تكفون لا تطنشون هالمشكلة...

حسبي الله ونعم الوكيل على مثل هذه الزوجة التي لا تقدر النعمة

والتي لا تنفع ان تكون ام ولا مربية ولا زوجة , والأعجب من كل ذلك

موقف الزوج المتبلد الإحساس

انا من رأيي لو انه زوجها اخذ موقف كبير منها وحطها عند اهلها واخذ الطفلين ساعتها بترتدع
بصراحه لازم زوجها الي يحل الموضوع
ثاني شي ممكن انك تقولي لأمها بلكن عقلت شوي خليها تحكي معها وتصحيها
يعني لنفرض الشب حبها هل سيسمحو اهله انه يوخد وحده اكبر منه 4 سنين
طبعا لاء ومتزوجه وعندها طفلين
وهو لازال صغير في العمر
وما هو الا ذئب بشري ليس اكثر
لانه كما قلتي كان يحاول فيها انه يكلمها واخذ رقمها عن طريق اخاها الصغير يعني عامل هالحركات من قبل وهذا شغل واحد محترف
على العموم هي لن تفوق الا اذا كلمتي امها وقلتي لها انقذيها يمكن تزعل منك يوم يومين لكن بعدين رح تشكرك وتقول لك الحمد لله انك انقذتيني من هذا الرجل
ممكن تقولي لها تخيلي لو زوجك الي خانك مع وحده وكلمها شو بتعمل ؟؟
اكيد لن تسامحه ممكن زوجها يعمل فيها مقلب انه حب وحده ويبي يتزوجها يمكن ترتدع شوي الله يهدينا واياها
وفقكم الله لكل خير
في رعايه الله

لاحولو لاقوة الا بالله..لايوجد اي مبرر لخيانتها حتى لو زوجها مشغول فهو مشغول بعمله و تأمين لقمة العيش لعائلته..فعليه بشكر الله على النعمة و لاتجحدها..

اختي اخبريها ان تحمد الله و تشكره الف مرة على زوجها..تقبل خيانتها..و رضي بان يكمل حياته معها..فا العفو عند المقدرة عملة نادرة عند الازواج..خصوصا عند حدوث الخيانة..

غريبة حال صديقتك تهدم حياتها على اساس وههم؟؟؟

صديقتك هذه ليس لديها اي وازع ديني أو خلقي لانها انساقت وراء نزواتها ونسيت انها زوجة وأم لطفيلن وستجني علي طفليها وسيتحملان عارها في حال الامر عما ذكرتي وتتحمل وزر زوجها لانها لم تتق الله في زوجها ولم تحافظ علي نفسها ورضيت لرجل آخر ان تتكلم معه وتجلس معه والله اعلم بما حدث بينهم اثناء اللقاء المحرم نصحيتي انصحيها وابعدي عنها حتي لايطالك من الحب جانب كما يقول المثل وحسبي الله ونعم الوكيل في مثل هؤلاء الزوجات ال ..............

اختي حاولي تنصحيها،،، صدقيني ان الشباب كذااااااابين بس قاعد يتسلى معاها...
يعني خلصوا البنات عشان يحب وحدة متزوجة،، اللي يصادق وحدة متزوجة يكون هدفه الجنس لان لاخوف عليها.... والله اني كتير قريت قصص ان الزوجة تخون الزوج وتطلب الطلاق عشان تتزوج حبيبها اللي وعدها بالزواج ولما تتطلق يا يختفي من الدنيا ومايخلي اثر او يقول لها كيف اتزوج وحدة خانت زوجها واولادها...
ان شالله ماتتمادى العلاقة وتنهيها قبل ماتقع في مصيبة
الله يهديها ويردها لطريق الصواب.

مشكورين على ردودكم بس والله حاولت فيها لكن مافيه فايدة اشوفها تسمع كلامي وتقتنع بعدين أسألها كلمتيه تقول ماقدرت وكلمته والا تقول ماقدرت دق علي ورديت عشان اطمن عليه تقولي مااقدر اتركه بهالسرعة بعد ماحبيته وتعلقت فيه مع انها والله مو محتاج للحب عندها زوج يعزها ويقدرها الله يهديها يمكن يبي لها وقت عشان تنساه بس كيف وش الطريقة اللي اتبعها معاها عشان تنسى هالشخص مشكلتها تفكر فيه وشلون بتكون ردت فعله لو تركته خايفة عليه وهو بعد مو راضي يبعد عنها مع انها قالت له عن سالفة زوجها بس متمسك فيها ...وش الحل والله صرت اخاف عليها يجيها شيء من كثر التفكير ..

ربي يهديها ياليت تسمع كلامكم وتتوب عن الحب الوهمي....

كيف يعني مب قادرة تنساه، يعني نست انها زوجه وانها أم وان الله عطاها زوج تنحسد عليه! وقبل هذا نست ان اللي تسويه حراااااااااااااااااااااااااااااام!!
بس اتبعي وياها اسلوب الوعيد من عذاب الله، بس عليج بالحجج الدينيه، انتي لازم تكونيين صارمة وياها وحادة عشان تحس بكبر وعظم الي تسويه!
يعني زوج بارد وصديقة حنونه لا بهالطريقة ماراح ينفع معاها لازم شده وحزم
حبيبتي شكلك طيبه وفيه ناس تنفع الطيبه معاهم، بس صديقتج مستمرة بالغلط فلازم الشدة والتخويف،
ممكن التمس الها العذر فانها مغسول مخها فعلا بفضل هالخبيث بس خوفيها من العواقب وذكريها بعذاب الله وان شاءالله بترجع لربها وبتوب ان شاءالله!