منتدى عالم الأسرة والمجتمع - ما هو الحل في مشكله ما لها حل؟؟؟؟

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - ما هو الحل في مشكله ما لها حل؟؟؟؟ (http://www.66n.com/forums/showthread.php?t=161728)

ما هو الحل في مشكله ما لها حل؟؟؟؟


	السلام عليكم ... بصراحة أنا تعبانة ومتضايقة من الوضع الي انا فيه ...ومو فاهمه تصرفات الناس معاي .. أقولكم من أول شي انا ساكنة مع عايلة وعندي شقة في البيت .. هالايام نغير ديكورات الغرفة ونسوي غرف للعيال وغرفة لتكبير المطبخ وغيرها .. زوجات أخوان ريلي نفس الشي كل وحده لها شقة وعمري ما دخلت بغرفهم عشان أطالع وأشوف شنو عندهم الا للضرورة ... لأن حنا عندنا عادي الزيارات بينا قي شقق كل وحده مع نشوف بعض عند خالتي بعد .. بصراحة ..أول زواجي كنت أروح وأقعد وساعات أسهر معاهم لكن ما أشوف أحد يجي لي أو حتى يشوفني لو مرضت .. فصرت ما أروح أكتفي اني أشوفهم عند خالتي مع ان هم زيارات هم لبعض ما انقطعت ودايما يقعدون عند بعض وانا لا اليوم ... صار شي ما توقعته وندمت عليه .. رحت يوم الخميس بيت أهلي ونمت عندهم الى السبت الي هو اليوم على أساس ان في عمال وازعاج فقلت أقعد أرتاح وياليتني ما قعدت رجعت الساعة 10 وتوني داخله الشقة أسمع شخص فتح الباب فعرفت انهم زوجان أخوان زوجي فلبست هم سمعوا صوت التلفزيون في غرفتي فردوا عشان يطقون الجرس ( وهم في نص الصالة طبعا ) زوجة حماي الاولى تقولي ( انتي موجودة ما عرفت انج موجودة من ساعة انا عندي خالتي وما شفتك انا صعدت ابي أشوف شنو سويتوا ) ودخلت وشافت كل شي ..وتسولف تقول خالتي قالت انتوا راح تسوون جذي وخالتي قالت وقالت وقالت انزين أنا ويني ليش ما تسألين وأنا أقولج مع العلم ان الي شافته كنت مسويته قبل اسبوع ولا جت وحاولت انها تشوفه أو حتى تسألني تروح من وراي وتسأل خالتي عشان تعرف .. المشكلة انها لما تسوي شي بشقتها ما تناديني ولا تقولي تعالي شوفي وانا ما اروح ... فليش هي تجي تطالع من وراي وانا عند أهلي وعلى فكرة هي صاعدة العصر وشايفة كل شي حتى غرفة النوم داشتها وتعطي اقتراحاتها بعد .. ( طبعا هذا انا ما كنت ادري عنه توني دريت ) القاهرني ان عمري ما اذيت احد كل مع عيالي ودراستي .. ليش تصعد من وراي وانا صار أسبوع وهي تروح تسأل خاتي شنو قعدين يسوون بشقتهم .. حتى ماتسألني ولا شي وكل شي تدري في من خالتي وزوجي قالهم ليش تصعدون فوق هو شنو في ؟؟ لكن الي استحو ماتوا اصعدت لشقتي مرة ثانية انا ميته قهر لان هم جاييين يشوفون انا شنو جبت وشنوحطيت عشان بس يعلقون سواء كان حلو ولا موحلو هالشي الحل الي قالت لي أمي : باجر أروح وأقول حق حماتي ان كلمتها ما كانت حلوه لما تتفاجىء لما تشوفني ووجها يعطي ألوان وتقول ( انتي موجودة ما عرفت انج موجودة من ساعة انا عندي خالتي وما شفتك انا صعدت ابي أشوف شنو سويتوا ... عشان توصل لها المعلومه وتعرف اني زعلت من تصرفها ... أقولكم شي انا ميته قهر من نفسي أكثر شي لاني ما رديت عليها من أول ما قالت هالكلام .. بس وجهي مدخن ما ادري ليش ما حسستهم اني مو راضية على الي سووه وما أقدر أقول حق زوجي ....... شنو أسوي .... نار تطلع من صدري

وسعي صدرك
بس كان قلتي لهم طيب يوم انكم تدروون اني مو في البيت اشلون تدخلون شقتي وانا موفيه ؟؟؟

لا يضيق صدرك ،المشكله دخولهم البيت دون أستأذان أهله .اصلا هذا مايجوز وان زعلتي معك حق بس مشيها علشان لا تجيبي لنفسك المشاكل .ممكن انك تقولي لزوجك علشان يكون في الصورة مستقبلا ،اذا تكرر الموقف قوليلهم انك غير راضيه عن تصرفهم ودخولهم البيت وانت غير موجوده

هذه مشكلتي اني سكت وما قلت شي مع ان هم عادي يرودون علي ويفشلوني ساعات
انا ميته من القهر لأني أحس انهم مايحبوني

مشكورين خواتي على الكلام ...
أبي حل لان للحين انا ما قلت لها عن الي بسويه لاني ما شفتها ...

ساااااااااااااااعدوني

اقتباس:

رحت يوم الخميس بيت أهلي ونمت عندهم الى السبت الي هو اليوم على أساس ان في عمال وازعاج فقلت أقعد أرتاح

حبيبتي اعذريني اشعر انكى ضخمتى الموضوع واعطيتيه اكبر من حقه
البيت فيه عمال لذا ليس فيها شىء ان دخلت ونظرت على التجديدات التى يقومون بها
ساعطيكى مثال على شىء مشابه ولكن فى بيت به شقق منفصلة وليست عائلة فتجدى معظم الشقق تتجهز فى وقت واحد احيانا وتجدى ان صاحب شقة ما يدخل على العمال فى بيت جاره وينظر فاذا وجد ان تجهيزاته احسن سال العمال عن الخامات او الرسومات او المهندس او ربما السبب فى العمال نفسهم وربما يستحى ان يدخل ويسال العمال فى وجود جاره
وعندما يعلم جاره ربما ينصحه هو بالمهندس فلان او بمكان به خامات جيدة ولا يغضب ابدا من دخوله
كنتى حبيبتي استغليتى الفرصة حتى تقتربي منهم وتشاركيهم واخذتى بيدها وادخلتيها وقلتى لها ما رايك بهذا وهذا لقد كان قبلا كذا لكنى غيرته لكذا ما رايك وهكذا يكون بداية الحوار وبداية الصداقة التى كنتى تتحدثين عنها مسبقا

اقتباس:

أول زواجي كنت أروح وأقعد وساعات أسهر معاهم لكن ما أشوف أحد يجي لي أو حتى يشوفني لو مرضت .. فصرت ما أروح أكتفي اني أشوفهم عند خالتي
مع ان هم زيارات هم لبعض ما انقطعت ودايما يقعدون عند بعض وانا لا

عرفتى لماذا يودون بعضهم وانتى لا لانكى عندما لاحظتى وجودها اخذتى من الموضوع الجانب المزعج الذي احرجها وكان من المفترض ان كنتى تريدين ان تندمجى معهم كاختهم ان تذهبي عنها الحرج وتقولى لها البيت ازداد نورا بدخولك وبداتى فى استشارتها حتى وان كنتى فى غنى عن رايها ولكن هكذا تصنع الصداقات والعلاقات الحميمة

الله يؤلف بين قولبكن ويحبب خلقه فيكي