ساعدوني ابي رايكم شباب وبنات خلاص تعبت تعبت
 

السلام عليكم ورحمة الله وبركاته

تكفووون ساعدوني أنا فعلاً تعبت تعبت مدري من اسمع كلامه والله عن جد أحس بالخوف من الزواج بسبب هالناس ...

المــــــــــوضــــــــــــوع هـــو :


أنا متملكه ولله الحمد والشكر على رجل أحسبه والله حسيبه انه رجل صالح وطيب وخلوق طبعاً لنا متملكين شهرين طيب هو حبني ولله الحمد حب جنوني وأنا نفس الشعور لدرجة انو مو متخيله يمر يوم وما يكلمني وهو في الأغلبيه اللي يتصل طبعاً حتى ابين له انو أنا برضه أحبه وانو في باللي اتصل عليه واتكلم معاه دقائق طبعاً نكلم بعض باليوم أكثر من مره تقريباً ثلاث أربع مرات وأكيد على حسب ظروفه وظروفي بس أنا لما ما يكلمني اتضيق وازعل وأعاتبه المشكله نفسي اتحمل يومين ما ارد عليه ولا أكلمه ما أقدر ومن فضل الله انو ما عمري ولا عمره خرجنا في كلامنا عن نطاق الأدب والأحترام حتى مره أذكر طلب مني طلب قالي ممكن أعطيك بوسه في جبهتك عن طريق التلفون أنا زعلت مرررره وقلت بصوت خفيف ممكن لكن بشرط ما تتكرر تضايق هوه واتمنى انو ماقالها وتآسف مني وقبلت آسفه ولا اعطاني البوسه هذي ....



المشكله لما أروح افضفض لصديقاتي أو أقاربي لقيت منهم الويل :انقسموا إلى فريقين

الفريق الأول يقول : لا لا تتكلمين معاه بكثره ولا تقولين كلام حلو دائم وبكثره لزوجك لأنه راح يمل ويطفش بعد الزواج يكون متشبع بالكلام الحلو وإذا اتصل أثقلي ولا تردين عليه علشان ما يقول هذي خفيفه وهوه مسكين عمره ما فكر بهالشيء بس هم يقولون أجل تبينه يقولك وبعد قالوا لا لا لا تتصلين عليه ابداً إلا في الاسبوع مره وحده طيب أنا ما اقدر على هذا مستحيل ....



الفريق الثاني يقول : كلميه وقولي كلام حلو أصلاً مافيه أنسان بالدنيا يمل من الكلام الحلو بالعكس هذا الوقت وقت الملكه هو اللي يخليك تتعرفين أكثر وأكثر على اطباعه وسلبياته وإيجابياته تقدرين تعودينه على الأشياء الحلوه وتمنعينه عن الأشياء اللي مو زينه حتى يقولوا عادي اتصلي وبيني أهتمامك فيه اصلاً الرجل زي الطفل يحب الدلع والدلال ....



تــــــــــــكفــــــــووون وش رايكم أنتم ساعــــــــــــــدوني وش اللي اسمعه وش اللي اسويه معاه أنا أحبه حتى عمره ما طنش اي اتصال ليه لما اتصل أنا عليه ...


انتظركم ..............

ويـــــــــــــنـــــــــــــــــكم تكـــــــــفـــــــــــــــــوووون ســــاعـــدوني !!!!!!

أول شئ تبغي تحمي بيتك

أتوقفي عن ذكر أي شئ يخصك إنت و زوجك

اعملي الشئ اللي تشوفيه صح و الشئ اللي يبغاه زوجك

هذه حياتكم إنتوا الإثنين

نصيحتي لك عن مجربة

و نصيحتي لا تبخلي عليه بالحب لك نفس الوقت لا ترمي نفسك مررررررررررة
يعني لا إفراط و لا تفريط و أحبب حبيبك هوناً

هلا بالغالية

انا من راي انك تستمري على ما انت عليه.........لان من المهم في الفترة هذه انكم تدرسوا شخصيات بعض

وانت ذكرتي ان مواضعيكم عادية ليس فيها خروج عن الادب ولاحترام كما هي الحال في هذه الايام

اذا انا لا انصحك بالاستماع الى الفئة المعارضة ..........لان بصراحة الفترة الي انت فيها الان هي فترة راااائعة ولن تتكر فستغيليها

لاكن نصيحتي لك ايضا قبل الزفاف باسبوع اقطعي مكالمتك معه نهائيا حتى يزيد الشوق بينكم

الله معك

وعليكم السلام

أختي الكريمه اسمحي لي أن ألومك لوماً خفيفاً

ليس هناك داعي أن تشركي الاخرين في حياتك وانت مازلت في بداية الطريق لانك لو تعودتي مشاركة صديقاتك وقريباتك في أمورك الخاصه جدا هذا لايمنع من مشاركتهم امورك بعد الزواج
حياتك أسرار لك انت وزوجك فقط

وبالنسبه لسؤالك بما انك مملكه فلا حرج من مكالمة زوجك والاتصال به
فهذه الفتره مهمه للتقارب فيما بينكم وازالة الرهبه التي قد تحصل فيما بعد
وهي من أروع الاوقات وأمتعها
وهو حلالك فاستمتعي بحلالك ودعك مما يقولون لك من كلام

ربنا يتمم لك على خير ويرزقك السعاده مع زوجك

هذا هو الكلام الصحيح

وأنا مع الفريق الثاني


أما الفريق الأول
فهم حساد لا يردون لكي السعاده



يا أختي الفاضله بارك الله فيكي

أنصحكل لوجه الله

حذاري من أن تتكلمي مع صديقاتك أو أقارئك مهما كان

وجعلي إلي بينك وبين زوجك بينكم لا يطلع لأحد سواء الحلوه أو المره

فرحتكم بينكم زعلكم بينكم لا يطلع لأحد حتى أقرب الناس حتى أبوك وأمك لأنها حياتكم الخاصه

وخلي بالك أن الكلام للغير خيانه زوجية

والله الموفق

جزاكم الله عني كل خير بس أنا خايفه خايفه يتغير بعد الزواج من كلامهم المزعوم وش رايكم هل فعلاً الزوج يتغير بعد الزواج عنه في فترة الملكه .

اسأل الله الحي القيوم في هذا الثلث الآخير من الليل أن يكتب لكم الأجر ويفرج عنكم كل هم وغم وان يسعدكم جميعاً بسعادة الدنيا والآخرة .

انا مع الراي الثاني لان الرجل محتاج لحنان فالاتبخلي على زوجك بشي