|
خاطب ملتزم لكن .....(( المصرية))
السلام عليكم ورحمة الله وبركاته بسم الله الرحمن الرحيم أخواتى.. والله العظيم والله العظيم كل كلمه هكتبها صدق والله صدق لكن للاسف مش عارفه افكر واصبحت بحاله انهيار لان حدث موقف لم اتخيل انه يحدث اصلا وهو ان يتقدملى خاطب بعد مرور 15 يوم من انهاء العلاقه بخطيبى السابق والذى يعلم بعضكم بأن بينى وبينه حب كبيييييييييير أوى ندخل فى الموضوع والخاطب يبقى أعز اصدقاء والدى واعرفه جيدا بسم الله ماشاء الله اسرته كلها وهو ايضا يشهد لهم بالالتزام والتدين وحفظ القرآن والهدوووووووووووووووء والعقل والاحترام والخجل والعريس هو متكلم بس هادى جدا ووسيم ......... .................................. وهو عمره 27 سنه وانا عمرى 20 سنه المستوى متخرج من طب بيطرى (ويعمل فى شركة أدويه) المستوى المادى انا وهو مستوانا مرتفع جدا ولله الحمد شركة الادويه اعطته سياره وهو كمل على تمنها وجاب عربيه على مستوى وزيرو عنده شقه تمليك فى بيت عيله(من نفس المدينه) اللى فيها أسرتى ان بحب أهله جدا من زمااااااااااان وانا طفله ونعرف بعض كويس جدا والراجل شارينى لكن للاسف والله انا بكتبلكم الكلام ده وانا ببكى انا مشاعرى وتفكيرى وقلبى وروحى مع حد تانى خالص بصراحه رفضته لكن كل اللى حوليا بيضغطو عليا انى اوافق على اساس انه ابن ناس ومحترم ومستوى لكن ياأخواتى كل اصدقائى ضغطين على اعصابى لدرجة انهم اتهمونى انى منتظره ارجع لخطيبى السابق الكل ينصحنى انى اصلى استخاره يمكن احس براحه اقسملكم بالله انى خايفه اصليها خايفه يكون العريس ده فعلا من نصيبى وتكون احلااااااااااااااااااااااااااااااااااااااامى كلها ماتت مع حبيب عمرى ليه بس كل حاجه حلوه انتهت بسرعه كده وفى الاخر اجوز واحد مابحبوش بجد خايفه اوافق اندم بعد الجواز واتعب راجل مالهوش ذنب معايه وخايفه ارفض مايجليش نفس المستوى ده تانى وخاصه اخلاقه ودينه مع العلم ان من عيله ولله الحمد مرموقه ويحبو ان ارتبط بنفس مستوايه او اكتر لا اقل عشان كده أشعر ان لابد ان اوافق ارضاء لأهلى وقلبى فهو كده كده انكسر خلاص صديقتى المقربه عرضت عليا فكره لم اعرف هل اقولها لأبى ام لا هى انه يقول للعريس ووالده ينتظرو ان انتهى من الامتحانات لانى فى البكالريوس وهاخلص امتحاناتى ومشروعى خلال خمس شهور ويرجع يتقدملى تانى على الاقل يكون مشاعرى بدأت تقل اتجاه خطيبى السابق أخبرونى على هذا الراى صحيح ام عيب أتمنى منكم التفكير لانى مش قادره اشغل عقلى اساس واشعر ان قلبى بيوجعنى وضرباته سريعه وبداخلى خوف لم اشعر به فى حياتى الاشراف :عذراً اختي يمنع الوصف التفصيلي, بالتوفيق إن شاء الله. |
لاتزعلين
انتي مجنونه ولا شنهو اختي ياريت الله يرزقني بخاطب مناسب اقولك عن نفسي علشان تحسين بالنعمه))))))))) اختي الخاطب السابق انسان لا يستحقك لو يقدرك لما تركك وترك الحب كيف تضمنين انه سيتقدم لكي رجل كفؤ ومناسب لكي؟؟ نعمه من الله ارجوكي لا تفرطي بها صلي استخاره اكثر من مره الزواج ستر واحلى من الحلال لا يوجد صدقيني |
اقتباس:
نايت صدقينى يااختى انا خايفه خايفه اوى حاسه ان العريس جيه فى وقت غير مناسب خالص حبى مزال فى قلبى مشاعرى ماقلتش نحيت خطيبى سنتى واحد لو وفقت على العريس كلها اسبوعين ويكون دبلته فى ايدى ساعتها هاتعامل ازاى معاه وانا قلبى اصلا مش معاه على فكره انتى قولتى نفس كلام صحابى دى نعمه جيالك ازاى ترفضيها وفى دماغهم انى او مااتخطب هانسى خطيبى الاولانى حد ينسى الحب والعشره فى يوم وليله بردو انا محتاجه افكار كتير اوى |
اعرف ان المشاعر مازالت بقلبك
بس في شي اهم الرجل الصالح قد لا ياتي مره اخرى اختي العزيزه انصحكي بان تطلبي من العريس فرصه اطول للتفكير ادعي الله بان يسنيكي مشاعر خطيبك السابق الحب بالزوج راح ينسيك الحب اللي قبل الزواج حاولي وادعي الله وانجحي بالأختبار نعم اختبار وهديه من الله بعد معاناتك فكري جيدا |
حبيبتي صدقيني عصفور باليد وبالحلال افضل من 10 على الشجرة ولن ينسيك السابق الا رجل كهذا
توكلي على الله ووافقي اختك حائزة |
طيب تفتكرو لو بابا قالهم لحد ماانتهى من امتحاناتى على اساس دى اخر سنه فى الكليه واكيد مشغوله ومعنديش وقت
انى اتخطب وانشغل بالفرح والفستان وبزيارات العريس هل لو بابا قالهم كده مش عيب ياريت تردو |
فكره ممتازه
توكلي على الله ولاتنسين تدعين لي ولنفسك ايضا الله يفرج همك |
اختي الله يكتب لك الخير اينماا كان
ولو كنا نعرف الخير فين كان رحنا له .. توجهي لله سبحانه وتعالى واستخيريه وادعيه وصدقيني لو كان لك خير كل امورك راح تتيسر وتلاقي امر خطيبك انتهى من حياتك كلها وامور زواجك من هذا الخاطب تسيير في استقرار ويسر كامل وبلا منقصات والكل يبارك لك وتجدي الراحه بأذن الله لكن لو مو مكتوب لك الزواج من هذا الخاطب راح ينصرف عنك في اهون واصغر سبب ولو مكتوب لك ترجعي لخطيبك بأذن واحد احد ترجعي له وكلي امرك لله وواصلي على الاستخاره في اي وقت وفي اي صلاه وليل ونهار ولا تيأسي من رحمة ربك الله ييسر لك امرك ويشرح لك صدرك موفقه بأذن الله تحياتي لك |
اقتباس:
ربنا يسجيب لدعائك اختى لكن انا خايفه ان الخاطب ده يبقى من نصيبى يعنى احلامى كلها انتهت فى لحظه ياربى يسر امرى وافرج كربى محتاجه ليكم اخواتى ربنا عالم جوايه ايه ناااااااااااااااااااااار وحزن لا يعلم بهم غير الله |
اقتباس:
ربنا يفرج كربنا خلاص إن شاء الله هاقول لبابا الصبح وهاشوف ايه رايه خايفه يزعقلى لانه موافق جدا على العريس وعايز يفرح بيا النهارده قبل بكره ربنا ييسر الامور |
| الساعة الآن 02:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©