رايكم يهمني يااخواني..ما هو الحل مع زوجتى الاولى ؟
 

بسم الله الرحمن الرحيم

ابدخل على الموضوع على السريع يااخواني لاني ماودي احذ من وقتكم كثير وبصراحه انتم وقفتم معي وقفه وربي ادعي لكم من كل قلبي

انتم تذكرون موضوع زوجتي الاولى اللي انتهت علاقتي فيها ولله الحمد وبعدها ارتحت وكتبت موضوع اخر اني خطبت والحمد لله وراح اتزوج في الصيف

http://www.66n.com/forums/showthread.php?t=155808

لكن حاليا تجيني مسجات من زوجتي السابقه تطلب مني اسامحها وتتعهد انها مراح تزعلني لو بكلمه وراح تطيعني بكل شيء..

يعني والله جوالي يستقبل منها تقريبا باليوم 10 مسجات وتتصل بعض الاحيان لكني اعطيها مشغول

وترسلي تذكرني بالماضي تقول نسيت العشره نسيت الحب يعني تبي تحسسني اني الا الان احبها لكن هالشيء انتهى بالنسبه لي والله انا ارحمها واتمنى لها السعاده مع شخص اخر لكن كيف الطريقه اني اخليها تفقد الامل تماما.. هي تقول لي انا مارح القى شخص مثلك بصفاتك بهالوقت وانا اعترف اني غلطت بس ابيك ترجعني ولاتكسر بخاطري الله لايكسر بخاطرك رجعني لو اكون الثانيه بس تكفى لاتخليني بلحالي انا ماشفت السعاده الا معك ولاشفت الحياه الا معك .. فمادري وش رايكم يالغالين انا ابخليها تفقد الامل تماما..


الاشراف / عفوا تم التعديل على العنوان ليفهم جزء من مضمون المشكلة

(( ابخليها تفقد الامل تماما ))


!


!

هذا وإسمك حنووووووووووووووووووووووووووووون !!!

لا أعلم تفاصيل المشكله بدقه لكن اعرفها اجمالا ان كانت زوجتك من تقصرر في حقوقك الزوجيه بأعذار لا معنى لها ؟

أيااااااااا كانت عذاباتك السابقه هل هددتها بهذا الوضع قبل فعله ؟؟ انك ستتركها وتتزوج غيرها بشكل جدي؟؟ هل افهمتها خطورة وضعها قبل ان تقدم على هذا الحل؟؟

إن كنت كذلك ..... فوفقك الله وأسعدك .......... وأعان هذه المسكينة في مصابها فربما كل تقصيرها من مرض أو شابه !

أعتذرررررررررررررر بشدة إن كنت قد داخلت الأمور ببعضهاا ... لكن بصراحه اتعاطف جدا مع الحالات الإنسانية : (

يعني أنت رافض بشكل قاطع إنك ترجعها ؟! حتى لو صارت الثانية ؟؟

انا عرفت كل تفاصيل موضوعك ومتابعتك من اول
لذا اقول بما نها حست بغلطها ليش ما ترجعها ؟؟ بس مجرد سؤال حابه اعرف اجابته هل لانك قلت لزوجتك الجديده انك طلقت وما تبي ترجع والا ليش بالضبط؟؟
اعتقد رح تطيعك اذا رجعت لك وما اعتقد انها رح تعمل مشاكل لانها عارفه اي مشكله سهل جدا انك تطلقها
لذا فكر جديا في الموضوع
واستخير هل تبقيها على ذمتك ام تطلقها نهائيا بلا رجعه
الله يختار لك الخير اخي ويوفقك لما يحب ويرضى في رعايه الله

رجعها بس لازم خطيبتك تعرف


مسكينه والله بس هي جابته لنفسها الله يهديها
وبالتوفيق

موقف صعب

الاولى شكلها ندمت بالفعل ومستعده تعمل اي شي من اجل سعادتك

والثانيه بينك وبينها وبين اهلها وعد بالزواج على اساس انك غير متزوج ..

لكن هل الزوجه الاولى انتهت نهائيا من قلبك يعني ما عاد لذكريات الحب والعشرة اي مكان عندك ؟

اذا كنت مصر على عدم العوده حاول تفهمها بإسلوب لين بإن هذا قدر الله وقضائه ويجب ان تتكيف مع هذا الوضع في المستقبل .

الحين اخوي صرت حلو في عين زوجتك الاولى ؟؟

اعمل كما قال لك اخوي ابو فلان..

اتوقع انها تبغى تنغص عليك عيشتك ..

اسفطها وعيش حياتك مع زوجتك الجديده واتركها بحسرتها دام انها فرطت فيك ..

الحنيه الزايده راح تنكد عليك عيشتك اخوي .. قوي قلبك ..

ومبروك مقدما ..