الماسنجر مراقب
 

اسأليه ليش يسوي كذا ؟؟
قوليله منت واثق فيني ؟؟؟

الحل بيدك انت اختي ..

احيانا الجهاز هو نفسه يخزن المحادثات قد يكون زوجك ما له ذنب ..

انا عيالي فاتحين ماسنجر جديد يخزن كل المحادثات لكن هم ما يدرون .. انا طبعا ادخل واحذف كل المحادثات اللي بينهم

وبين اصدقائهم من غير ما اقراهم .. انت في المسنجر عندك خاصيه حفظ الرسائل لكن انت الغيه عشان الجهاز ما يخزن

محادثاتك ..

انت اسأليه ليه هذا الملف .. طبعا لا تقولين له انك تتجسس علي ..

قول لي له انك بالصدفه شفتي الملف ..

طمنينا عن اخر اخبارك اختي ..

الله يعينك ترى بعضهم يكون عنده فضول ولقافه

زوج اختي سجل مكالماتها ويستاهل ماجاه سمع حش فيه وفي اهله ومره كانت تكلم وحده وحست ان فيه شي جاسوا يدعوا على من يتصنت وكل هذا سمعه

اما سالفه مراقبت الجهاز فهذي يا اختي العزيزه كثير من الرجال يسوها

حاولي تتكلمي معاه وتقولي له انك رافضه هالاسلوب

لان هلا الاسلوب يدل في بعض الاحيان على عدم ثقه الانسان بنفسه

الله يسعدك دنيا واخره ويسخر زوجك لطاعه الله ولك يارب

حياك اخت الله يرحم ابومها

عندك با المسنجر ماسنجر بلص هو يحفظ الرسائل دايركت في الملفات التلقاه

ماله دخل زوجك في حفظ الرسائل ادخلى على مسنجر بلص والغي خاصيه تخزين الرسائل

اسأتى الضن بزوجك الله يهديك

وبكذا تنحل مشكلتك

تحيتي لك

هذا اللي أتوقعه
إن شاء الله يكون أكيد هالتوقع
أبعد الله عنكم الشيطان ونزغاته وجنبكم الشك

مشكورين على اهتمامكم اما بالنسبه للمحادثات محفوظه بملف وعليه عنوان يخص عمله وجربت لقيت المحادثات تتسجل دايركت بالملف المذكور مع العلم انه ما بيننا شي يعني اي شي مخزنته عادي يشوفه وهو عارف اني افصفص الجهاز تفصيص عشان كذا كاتب عنوان متوقع ماافكه
اما بالنسبه للي يقول واجهيه واسأليه ليش يسوي كذا انا متاكده من ردة فعله لاني مجربه في الصور كم مره الاقي صور في الجهاز واحذفها واكلمه ويوعدني والاقيها في مكان ثاني بجواله والا بسيدي والا باي مكان يعني مافي فايده ولو كلمته ماراح يبطل راح يتجسس بطريقه ثاني ويمكن يغير مكان التخزين وماالاقيه بسهوله انا خايفه انه يسجل الفيديو بعد

عنوان عمله او عنوان الاسم الي مختارة راح يتخزن بلديكيومنت وهو الي راح يتخزن فيه الرسايل

إن بعض الظن إثم

عزيزتي دامك ماتقولين شي غلط خليه يشبع من التصنت بس قوليله لو حبيت تسمع أي شي أقوله مع اهلي وزميلاتي تفضل أجلس معايا ماله داعي التجسس كل اللي نلته بس ذنب التجسس (أحرجيه)

كيف الغي خاصية حفظ الرسايل ياليت الخطوات بدقه والي يقول اني مسيئه الظن فيه ليش بس محادثاتي اللي مسجله ومحادثاته لا الحكايه باينه الله يهديه بس ويجزاكم الف خير