مشكلتي العويصة مع زوجي
 

السلام عليكم ورحمة الله وبركاته
اود عرض مشكلة لي ارقتني وطيرت النوم من عيني ويمكن تجنني ومالي الا الله ثم انتم ..
والله جالسة اكتب وانا يائسة الا من رحمة ربي ..ووالله ابكي قهر
احاول اختصرها لكم .
انا فتاة عمري 25 سنة على قدر من الجمال بشهادة الجميع تزوجت وانا عمري 21 سنة والان لدي طفلين واحد عمره سنتين و9 شهور والثاني شهرين ونص
زوجي انسان طيب وحنون ومو مقصر على باي شئ ..
بعد انجابي لطفلي الاول ويوم كان عمره 4 شهور مرة من المرات فتحت جهاز زوجي ووجدت مالم اتوقعه منه على فكرة عمر زوجي 33 عام يعني سن النضج والعقلانية
وجدت محادثان محفوظة تخدش الحياء واي انسان عاقل يستحي من قراءتها وعندما اتى من صلاة القيام كان ذلك في رمضان فتحت الجهاز واريته الملف قال بكل برود ان بريده مسروق والمحادثات لاتخصه من قريب اوبعيد بس انا ماقدرت ارتاح وقررت اختبره سويت بريد اخر واضفته وقبل الاضافة وكلمني وعطاني رقم يبغاني اكلمه هذا الرقم انا ماعرفه جديد انا صعقت دارت الدنيا فيني ماقدرت اصدق صدمتي فيه كبيرة جدا واجهته بكيت بحرقة ليش تسوي فيني كذا وش قصرت فيه معك هداني وقطع الشريحة وانقطع فترة عن النت ..
وبعدها بفترة بعد رجوعنا من الحج وجدت مقاطع اباحية بجواله وواجهته وبكيت وبرضه سكتني وزحلق الموضوع ..
وكل فترة القى شئ واثناء حملي بطفلي الثاني وجدت رسالة بهاتفه غزل لفتاة على رقم يخص تشات ولما واجهته زعل مني وقال جوالي ماسمح لك تفتشيه وحتى لما شكيت لامي مرة قالت لي لاتنبشي وراه حرام عليك تتجسسي
وتركت التفتيش وراه المهم انه صار اذا واجهته بشئ يزعل ويرفع صوته علي ويطلعني غلطانه ..
الجديد انه الاسبوع الي فات كنت ملخومة بشغل البيت وهو كان عالنت خلصت بسرعه وجلست عنده وشفته فاتح الماسنجر وجاه محادثتين ولافتحهم ولارد عليهم على طول سكر النت كله انا خذت بخاطري وقلت اكيد بنات ولا يبغا يتكلم معاهم بحضور ي قال لا هذا واحد مابغا ارد عليه وطقها زعلة وقال الى متى واحنا على هالحال احس اني زهقت وطفشت ماعاد فيني صبر بعدها باسبوع فتحت جهازه الكمبيوتر ووجدت صورة فتاة بالملفات المتلقاة شبه عارية ووجدته يحاول ينزل الكاميرا بالجهاز وعنده برنامجين تشات من اللي فيهم كامات وجلست افكر اواجهه او لا لاني اذا واجهته كالعاده ماراح اطلع بشئ او اخذ اولادي واروح بيت اهلي تكلمت معاه بالموضوع هزئني ورفع صوته علي وقال ترا باخذ ملابسك واوديك اهلك مليت منك وقرفت عند هالموضوع زهقتيني انا جازي كل الناس تستخدمة ومن هالكلام اللي مايخش الراس يعني الناس بتدخل ايميله بكيت ذيك الليلة ودعيت ربي ينزع الغيرة من صدري عليه ويهدية وانا افكاري مشوشة الان مدري شسوي دلوني ياهل الخير ارجوكم مابغا اشكي لاهلي عشان الموضوع مايكبر

بصراحة عويصة الله يعينك ويهدي زوجك حل مشكلتك تطنشي لا تكلميه في الموضوع ولكن عليك بالتالي
ان ترسلي للبنات الي ايملاتهن عنده ايميلات تذكر بعذاب الله واشياء تبين عذاب القبر واشياء ديينه وتخليهم يستحو على وجهم وكذلك زوجك من ايملات مختلفة ولو قدرتي تطلعي شريحه باسم اي شخص وترسلي رسائل تذكرهن بعذاب الله وانه الله يمهل ولا يهمل وهم يخربو حياتهم وحياة غيرهم وين يروحو من عذاب الله ومن هذي الرسائل
وتدعي لزوجك بالهداية
وتحاولي تغيري من نفسك بكل شي تجددي النت مليان كيف الوحدة تتجدد بنفسها وتدلع نفسها وزوجها
الله يصلح شانكم الله يعين على هذا الزمن

اهلين اختي الغالية اشكرك على ردك بس انا ماعرف ايميلاتهن مايخزن كلمة المرور هو مو غبي علشان مامسك عليه شئ احس اني مليت من كل شئ وزهقت من كل شئ اتمنى يتبلد احساسي عشان اطنش
الله يكون بعوني وبعون اي وحدة زوجها كذا

الله يساعدك حبيبتي حتى انا صاير لي اشي هذا بس مو مع زوجي خطيبي وموعارفه كيف اواجهه بصراحه

ربي يعينك ويصبرك ويهدي زوجك

من رأيي
أقترح عليك تجلسوا جلسة مصارحة ومكاشفة
تكلميه بالعقل ,
تقولي له مثلا :أنا مثلك أغار عليك مثل ماتغار علي
وأنا حفظت لك نفسي وما سمحت لأحد أي نقص من قدرك . . .
من هالكلام إن شاء الله يجيب نتيجة
بعد إستعانتك بالله وعائك إياه وترجيك للرحمن
يعينك ويفرج كربتك

كان الله بعونك






.

love-r-m
شوفي حبيبتي انتي باول المشوار اذا بتقدري تتركيه خوذيها مني نصيحة ترا والله بتتعبين نفسيا وبتكتأبين
اشكرك حبيبتي عمرورك

اخي ابوباسم
والله ماحلفتني بح صوتي وانا اقول هالكلام بس مافيه فايدة وانا ماخذ منه لاحق ولا باطل انا بس لو يقولها لي صريحة اتخذت قرار بس هو مايعترف ويرمي اخطائه على غيره وهو اللي يزعل .. مثل المثل اللي يقول ضربني وبكى ...

لا حول ولا قوة إلا بالله ,,,
هذا الداء الللي عم أغلب البيوت ,,
حبيبيتي أنا بقول لك شي أول شي أكثري من الأستغفار طول ما أنت قاعدة,,
هذا شي الشي الثاني لا تقولين أدعي إن ربي ينزع الغيرة من قلبك ,,
السالفة أكبر من إنها تكون غيرة !!!
ياقلبي السالفة معصية كبيرة وخيانة لاااااااازم توقفينه عند حده,,
خير إن شالله أنت شناقصك عشان يدور على الحرام..
واجهيه وحطي حد للموضوع وكوني قوية , إلى متى هذا الوضع,,
مو هو اللي يهددك ببيت أهلك يسوى نفسه انه مسكين..
لا ياحبيبتي قولي له شوف يابن الحلال أنا تعبت من هالوضع أنت منت بزر عشان أعلمك الصح والغلط..
الحلال بين و الحرام بين ,,
مايحتاج أطول الهرجة معاك .. كم مرة أكشفك وأسامحك لا وبعد صاير تزعل وتقلب الغلط علي أنا ما أتحمل هذا الشي منك..
راح تكون هذي الفرصة الأخيرة لك وأبيك توعدني تترك سوالفك البايخة,, ونرجع من جديد ,,,
لكن لو أكتشفت سالفة جديدة ترى مالي قعدة عندك.. روح للي قاعد تدور عليهم أحسن مدري إيش بتلاقي عندهم غير اللي موجود عندك
((وكوني جادة بكلامك معاه))
وحطي في بالك لو صار أنفصال عاااااادي لأن العيشة مع واحد خاين خسارة..
بالعكس عيشي عند أهلك معززة مكرمة
وإن ترك هذا الشي الحمد لله هذا من صالحه..

اقولك شي كادي انتي في نورقدام الناس ويتشرف فيك وام عيال ا لثانيه وسخه يتفشل منها وهي بظلام

يابنت كبري راسك ولا عليك منه بس انتي طول الوقت سولفي ويها عن الرجال لي يخونو اهلهم لازم يجي يوم ويخنوها يا خواته يابنات اخته ويابناته غلط لازم يجي عياله

انا زيك وربي مريت بكل شي مريتي فيه من رسائل جوال من ارقام بنات من صور بنات في النت من صور اباحيه كلها مريت فيها واجهته بالعكس ماكان من مواجهتي لا زاد وتماداي معي بالغلط وكان يسويها وهو مستحي منه ولا الحين يسويها قدامي
مامعاك الا دعاء اخر اليل وطلبي ربي يرد لك زوجك ويصلح حاله

وعيشي عشان خاطر عيالك وهو بياخذ فتره وبيعقل وبيطفش منها وهي له ولعشره غيره
وانتي دائما قولي له كذا هي لك ولغيرك هي تكلمك وهي بحضن غيرك ولا تهتمي بالموضوع ولا تازميها مع زوجك مصيره الايام تتعبه ويرجع عند رجولك
والله يصلحه ا ولك وعياله

عليكم السلام ورحمة الله وبركاته

عفواً .. يُنقل للمكان المناسب .