|
الله يجزاكم الجنة.. انا ,,, وام زوجي ,,,والهدية
|
الحريم الكبار حلو تهديهم شي فخم
عندك مثلا ........... عندهم صناديق هدايا فيها عود وعطور شرقيه هذا اللي يحضرني واستبعدي فكرة الدرع اكتبي الكلام على الهديه افضل بشكل كبير وحلو وبالكمبيوتر والله يسهلك عفوا اختي .. يمنع ذكر اسماء المحلات التجارية .. |
بداية اسأله تعالى أن يوفقك وزوجك وأن يرزقكما الذرية الصالحة ..
حقيقة ماشاء الله تبارك الله زوجك يستحق أن تفعلي كل مايريد .. حتى وإن كانت بعض رغباته قد تسبب لكِ التعب فهو رغم مشاكلك مع اهله لم يتغير مع اهلك .. وانتِ انسانة رائعة أن فكرتي هذا التفكير .. جميل أن تقدري أهل زوجك خاصة والده ووالدته .. لايهمك كلامهم .. المهم أن ترضي ربك ثم ترضي زوجك .. احتسبي فعلك وتعاملك معهم بالحسنى .. واطلبي الأجر من الله .. تفضلي اختي هذا الرابط قد يفيدك .. http://www.66n.com/forums/showthread...997&highlight= |
الله يجزاك الجنة ويكملك بعقلك وبصراحة زوجك مادام هذي فعايله الطيبة مع أهلك يستحق إنك تضحين بأي شي عشانه ..... بالنسبة للهدية أنا أشوف الحريم الكبار يحبون الذهب أشتري لها إسورة أو بناجر مدري أنتوا شتقولوا لها أكيد حتفرح فيها وإذا مايديك عشان الذهب غالي أقترح تاخذين أواني تقديم للضيوف زي كاسات شاهي مع تباسي التقديم أو الطقم الكامل اللي يجي فناجيل قهوة وشاهي وكاسات عصير أنا أشوف هذي الأشياء تعجب الحريم الكبار بس الدرع ماله داعي صراحة لكن أكتبي على الهدية عبارات حلوة وترقق قلوبهم عليك ولاتهتمي أبدا لأي كلام يجيك مادمت فعلت ذلك لله .... الله ييسر أمرك
|
الله يسعدك ويصلح ما بينك وبين كل الناس ياجناين ..
ولا تنسي اجرك من الله إذا صفحتي عن من أساء إليك إذا اخلصتي النية لله وأنا من رأي إنك تهدي أم زوجك هدية مميزة مثل شرشف صلاة مع السجادة ومع بيت المصحف يلي تجي طقم فخم وتغلفيها في علبة هدايا كبيرة وتضيفي لها عطر أو مخلط يكون حلو وممكن تهديها سلسال ذهب وهذا طبعا حسب ميزانيتك.. والله يهنيك ويسخر لك زوجك واهله والناس أجمعين آمين |
السلام عليكم
اجمل هديه هي التسامح والصفح عن المااضي لا يهمك مايقولون المهم بان لا تخسري نفسك .. نعم احسني اليهم وتقربي منهم ولو عادوك اصبري ... التسامح لغه الاقويااء والاعتذار شيم الكرماااااااااااء.. ام زوجك هي امك ... زوجك بارك الله فيه ماقصر معكم... لذا انتي لا تردي جميل له .. انتي من المفترض ان تنصحيه وتحثيه على فعل الخير لا اهله نعم تنصحيه ببر والديه والفزعه لا خوانه .. كوني عونا له ذكريه باهله اكسبي قلبه بحبك اهله .. الرجل اذا اكرمت زوجته اهله فرح بها ... اما اذا كرهتهم و خاصمتهم وجد غصه لا يدري الى اي الفريقين يذهب... ........... بالنسبه للهديه ارجوا ان تكون هديتك هي بدايه صفحه جديده وترك الماضي بكل مافيه .. مافيها شيء تقدمي هديه لا م زوجك لحالكم وتقبلي راسهااا وتقول يامي ولن اقول ياعمتي اسفه انا مالي بعد الله ثم ابو فلان الا انتي وعمي ومن هالكلام الزين اللي يلين عمتك وصدقيني اذا عمتك حبتك كل اهل زوجك بيحبونك .. ................................. الهديه اهديها ماتريدين فليبست الهديه بقيمتها بل بمعناهااااااااااااا .................... اما العبارات فانتقي الفاظ تلين القلب ومحببه للنفس دمتي بووووووووووووووووووود |
حبيبتي ماراح ازيد عن الي ذكره اخواني الكرام
بالنسبه للكلمه لو كانت متعلمه اكتبي .. قد نعيش حياتنا ...ايامها ولياليهـــــــا باهتة بدون الوان ولا طعم .. ولكن انتي وحدكي من لونها بأجمل الالوان .... وانتي وحدكي من اعطى الحياة طعما اخر... ابقاكي الله لنا ذخرا وحفظكي واسعدكي في الدارين..... اما لوكانت مومتعلمه يعني اميه فأفضل تكتبي هالكلام امي الغاليه ... هذه هدية بسيطة من ابنتك المحبة رغم انها اقل من قدركي وانتي تستاهلين اكثر ادامكي الله لنا دخرا وحفظكي يارب اتمنى تكون اعجبتك ويارب يسعدك ويسسر لك امرك |
|
[/grade][/size]
|
الله يكملك بعقلك
نعم الهديه لعمتك ولعمك وانصحك ان تعطي كل واحد هديته بوجود الاثنين معا مثل يوم يصحون الصباح بدري يتقهون تجينهم وتسلمي على روسهم وتتقهوي معهم وتفطري وتعطيهم الهديه وتقولين اعذروني على القصور وتذكري كلامي الاول المهم التساامح والصلح والحب والوفاء ... وابشرك سيقبلونها ويفحون بها باذن الله بارك الله فيك واتمنى ان تستمري فانتي بنت اصل ماشاء الله ... احسبك والله حسيبك لذا استمري بالعطاء وحترام اهل زوجك وستجدي حبهم ولو بعد زمن .. بارك الله لك في زوجك ورقكم ذريه صالحه باذن الله .. اخووك \ السيف |
| الساعة الآن 09:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©