زوجي بيحرمني من الانترنت والسبب؟الوداع يااعضاءالمنتدى.
 

السلام عليكم ورحمه الله

مشكلتي باختصاران زوجي دايمايقولي لاتدخلين على ايميلي لأن هذه من خصوصياتي وهويفتح ايميلي ويقرأاللي فيه.قلت له مافي بين الزوجين اسراروخصوصيات وهو ملتزم ولله الحمدبصراحه ماعمري شكيت لكن كلمته اثارت فيني الفضول.ومره دخلت على ايميله وجته رساله من احداصحابه وفيهاصوره شابين منزلين بناطيلهم لكن لابسين فانيله طويله وهذه موضه اسمهامطيحني لوسمعتوفيها.بصراحه تضايقت لماشفت الصوره وارسلتها على ايميلي ويعلم الله لم اكن اقصدمن وراها الا كل خير وارسلتها لمن احب عشان مايعلمون اخوانهم اوعيالهم الموضه الغريبه هذه.زوجي تضايق لمادخلت على ايميله واللي زادالطينه بله الصوره هذه يقولي في رسائل تجيني مبغاك تشوفينهاولاارسلهالك وانتي ترسلينهالك.وامطرني بوابل من السب والشتائم واسبوع كامل حياتنا بين مدوجزر.ويعلم الله حالتي النفسيه تزدادسوء.لأني مدمنه نت.وفجأه يحرمني منه وغيرالرقم السري ويقول بيطلعه من البيت.وانااعتذرت منه .ولكنه لم يقبل اعتذاري,مع العلم ماني مقصره معاه اي شئ يطلبه اسويه له.وانا اللي خلاني اتعلق في النت لأنه بعيدعني مايسولف معي اغلب سوالفه توجيهات وانتقادات وعلى الصامت مايكلمني الااذاكلمته وحياته اكل ونوم وانترنت والاعنداصحابه اوعنداهله ولافي الدوام واحنايدخل علينا حتى كلمه سلام عليكم مايقوله سواءكان راضي ولازعلان.مع اني ارسله رسايل حلوه وادلعه ياحبيبي وياقلبي وانا والله ماقدحسيت انه مهتم فيني اوسوى لي شئ يدل انه يحبني.ولمااطلبه فلوس دايم يقول ماعندي الامتى وهوماعنده لكن اذابغى شئ لنفسه تطلع الفلوس.حتي جوالي كنسل الرقم لأنه فاتوره وبيطلعلي بطاقه.ويسوي اشياءكثيره مايستشيرني فيها.واذاجيت اروح لأحدتحقيق وليش لحدماتنسدنقسي على الطلعه.ووووووووووووووو.
ماراح اخلص وانا اذكرصفات زوجي.ومع ذلك صابره ومتحمله وماقدابديت تذمري.وماصفي لي الا النت هذااتسلى فيه وبيحرمني منه والله كل ماتذكر احس بضيق عجيب واقول ليتني ماتزوجت وش فايده الزواج اللي زي كذا.والله اني مقهوره قولولي وش اسوي وماخليه يحرمني منه.

تكفون بالله قولولي كيف اقنعه.لأن مافي بيت مايخلى من الانترنت.واخواته صغاروعندهم لابتوب لحالهم وتلفزيون بدش في غرفه نومهم.وانااستفيدمن النت وخصوصا من موقع الكليه واتعلم طبخات جديده واتعلم اشياءجديده عن الأطفال.

أختي الفاضلة

عليك بجلسة مصارحة مع زوجك

والتحدث في كل شئ

ولا تتعجلي بالندم على الزواج

أسأل الله تعالى أن يحنن قلب زوجك عليكي

وأن يجعل لك من كل ضيق مخرجا

ومن كل عسر يسرا

طيب اللي سويته يستاهل انه يحرمني من النت اقصدالصوره.

الله يعينك..
عادي شوي شوي تتعودين .. حاولي تشغلين نفسك حاليا باي شي اشتري كتاب او روايه تسليك ولا تبينين له كثر تعلقك بالنت عشان مايصر اكثر بحرمانك منه خلي الامور تهدا بينكم وتصيرون عسل وعقب اطلب منه وهو بقمة الروقان ..
و ان شاء الله يرجعه لك ..
افهمي طبعه يمكن عنده ديون مايبي يصرف واجد !!
وكلنا صابرين انا ساعات اقول ياربي شلون عايشه الى الحين من كثر المصايب اللي تنحذف علي من زوجي وكثر الطلاقات اللي من دون سبب مقنع وكأنه يتلكك ويدور حجه بس عشان يطلق.. ما اقول الا الله يعطينا قوة التحمل والصبر الحياة الحين صعبه ..

والله تبين الصدق


النت ماله دااااااعي


وياليت الكل يشيله من بيته


ياليت أبوي يحرمني من النت !!



حياتك راح تكون أحلا بس شيلي النت من راسك

ان شاء الله الله بيهديه حاولي معاه واعتذري له وان شاء الله الله يسخره لج فعلا مافي اسرار بين الزوجين وفي ثقه بس احس الواحد في اشياء يحب يتمتع فيهابخصوصيه