الله يسعدكم ابي افكار لطاولة المعازيم وطاولة دفتر التوقيع تكفوون ؟؟
 

السلام عليكم ورحمه الله وبركاته

كيفكم بنات ان شاءالله تمام ؟

الله يسعدكم ويزووج كل البنات والشباب ويرزق كل من يبي ذريه بالذريه الصالحه

حبيباتي ان مصلحه حفله صغيره لزميلاتي حفله عقد قراني لان زواجي ب مدينه ثانيه المهم ابي افكار للطاولات وش يكون على الطاوله غير الحلاه والفاين والشاي والقهوة

وابي افكار لطاولة التوقيع غير الدفتر انا اشتريت فازه كاسه كبيره بنفس لوون الدفتر لكن محتاره وش يكون فيها ؟

وابي استشيركم بشي وش رائكم ببطاقات الاهداء مع وردة صغيره البطاقه مكتوب فيها (فرحتي فرحتك..لذلك اثرت قريحتى وسط دموع فرحتى مكونة لك تاجا من الدعاء لك بالسعادة ..و ها انا اقدمه لك فى ليلك الابيض .. طالبة من الله ان يديم عليك فرحتك الكبرى .)الف مبروك ونهاية البطاقه اهداء من والدتك يعني نوزعها على المعازيم على اساس انها اهداء من امي الله يحفظها لي

وش رائكم حلووه والا هباله بصراحه انا مره عاجبتني بس عشان توقيع امي بالنهاية


والله يسعدكم اي وحده تدخل تقولي اي فكره او شي شافته بحفله وعجبتها

وادعولي الله يتمللي على خير ويخليلكم من تعزون ويدخلكم الجنه

تحيتي

وعلى فكره مادري هنا الموضوع مكانه الصحيح والا لا

:11:ووينكم تكفوون محتاجة ارائكم

معقوولة 20 مشاهدة ولا رد

المنتدى جايه شي

<<<<<<<<<<<<

الله يسعدكم يامشرفين انقلو الموضوع لعالم المراة والازياء امكن احصل احد يفيدني

مااادري احس هنا مااحد معطينا وجهه والحفله باقي عليها اسبووعين بس

يجزاكم خير

بارك الله لكما وبارك عليكما وجمع بينكما في خير

عندي فكره للتوقيع مسويتها بنت خالي في زواجها

شفتي الفازه الي انتي جايبتها حطي فيها الاغصان البنيه وتلقينها في محلات الاثاث

وجيبي اوراق بيج على عدد المعزيم تقريبا

وجيبي الخرامه وافتحي في كل ورقه من فوق فتحه وحده في الزاويه

وبعدين اربطي كل ورقه بشريطه وعقيها على الاغصان

واذا جت تكتب عليها الوحده تاخذ الورقه وتكتب عليها وترجعها مكانها

بنت خالي كانت مختاره الالوان البني والذهبي

ومره طالعه حلوه

وكانت ماخذه الفكره من النت يمكن تلقين افكار ثانيه

وادعي لبنت خالي ان الله يسعدها ويا زوجها

الله يسعدك يارب ويجزاك خير ويسعد بنت خالك مع زوجها والله يرزقها بالذريه الصالحه

تسلمين على فكرتك الرووعه بس انا خلاص اشتريت دفتر شكله رووعه انا الحين ابي اعرف وش نحط على الطاوله غير الاشياء المعتادة

اتمنى احد يفيدنا يعطيك العافيه عزيزتي

اول شي مبارك مقدما
وثاني شي ما فهمت توقيع شنو يعني العقد؟؟
ثالث شي عندي لك فكره علشان الطاولات شوفي يا ستي العزيزه تجيبي مزهريه صغيره الحجم وتضعي فيها الماء وتجيبي شمع على شكل ورد قلب الي تبيه تولعيه بالنار وتضعينه يطوف على سطح الماء في المزهاريه(طبعا كل مزهاريه تبي شمعه واحده فقط) ما تخافي لارح تطفي الشمعه ولا شي ورح يكون منظرها جدا جميل وممكن تجيبي حبات لؤلؤ وتنثريها بقرب المزهاريه
طبعا ممكن انك تعملي اكثر من مزهاريه وتضعي على كل طاوله مزهاريه
ان شاء الله اكون افدتك بس هذه الفكره رأيتها في احدى الاعراس لذا احببت ان اعطيكي اياها ةطبعا يلزم الشراشف الجميله على الطاوله حتى تزداد جمالا
وفقك الله
في رعايه الله

الله يسعدك فوفو ويجزاك خير قلبي كفيتي ووفيتي بصراحه فكرتك حلووه ودخلت مزاجي

والتوقيع اقصد دفتر الذكرى لزميلاتي

تحيتي

ابي احد يقولي فكرت الاهداء حلووه والا لا عشان ابدا اصلح فيها

معلش ام البراء ما عندي فكره عند دفتر الذكرى لاني ما جربت اعمل كذا
لكن فكرت البطاقه جميله لكن اعتقد تصلحي فيها شوي افضل وما اعتقد مناسب ان تضعي توقيع امك لصديقاتك ما ادري ما اشوفها حلوه
انا من رأيي تصلحي شوي بالعباره بس العباره مره حلوه
وفقك الله حبيبتي
في رعايه الله