|
مستواة المادي غير مستوانا وراتبة ...؟؟ فهل هو مناسب ؟؟
انا فتاه ابلغ من العمر 21 سنه
تقدم لي شخص من اسرة محترمة وبسيطة الشخص شاب ملتزم يبلغ من العمر 27 سنه الان تم كل شي وموعد كتب الكتاب بعد اسبوعين فقط مشورتي العاجله هي: أنه شاب خريج ثانوي وحالته المادية جيده راتبه 2500 ريال وانا انسانه حالتي الماديه فوق الممتاز المشكلة الي طلعت ببالي بهالفتره هل هذا الشخص مناسب لي ؟ وهل راتبه ممكن يفتح بيت ؟ اتمنى اني اقرا ارائكم ووجهة نظركم مع العلم ان فيه فرق بين افكار العايلة وطريقة التربية الاشراف :- تم تغيير العنوان كي يتناسب مع المضمون ., بالتوفيق. ا |
صلي استخاره
واذا الريال شاريك ومستعده تعيشين معاه توكلي على الله اذا تحسين روحك مو مرتاحه ابحثي عن اسباب عدم ارتياحك منه وتناقشي بها معه |
الحمدلله صليت ومرتاحه
بس انا قاعده افكر من الناحية المادية يعني كل مااسمع عن ناس عيشتهم بسيطة وبيت اجار افكر بنفسي كيف بعيش .؟؟ |
اختي الحبيبه انصحج ما تسوين حفله كبيره
عشان توفري لعش الزوجيه اساليه وين بتسكني وهل تستطيع تحمل تكاليف السكن عشان يرتاح قلبك واذا صليتي استخاره ارتحتي ربي يسر لكي يارب تناقشي معه عشان ترتاحي وادعي الله يسر الأمور وتقدري تعيدي الأستخاره اذا جدا محتاره |
حبيبتي انتي بأي بلد؟؟
وتوكلي على الله (خذوهم فقرأيغنيهم الله من فضله) |
تساعدوا وارشدو في النفقة وان شاء الله تمشي اموركم ..
أغلب الشباب راتبه مايتعدى 2000 ريال ومع ذلك عايش وموفر باقي .. لكن خصصوا جزء من الراتب لصدقة لوكانت ريال واحد ..وبعدها شوفوا البركة في الراتب تقول الراتب20 الف ريال .. تحياتي |
السلام عليكم
عروستنا العزيزيه :14: ان شاء الله انا متفائله خير ان شاء الله:) حبيبتي مادام صليت واستخرتي ومرتاحه توكلي على الله خذيها مني همسه اذا هو ابن ناس ومحترم وعلى دين وخلق والله والله والله راح تعيشي احسن من اغنياء العالم صدقيني المال مارح يفيد ولاهو اللي يجيب السعاده انتوا اللي تجيبوا المال عزيزتي انت تبغين المال والغنى وووو ولا تبغى تعيشي مرتاحه معززه مكرمه من رجل يحترمك ويقدرك ويحن عليك ويخاف عليك؟ تضمني يجيك واحد ثاني ميسور الحال ؟؟ يمكن يجي ولكن متى بعد مايمشي عمرك وتصيري في 28\ 30من عمرك ولا هو يكون عمره كبير انت عمرك صغير وهو عمره صغير يعني بأول حياتكم انت اشتغلي وهو بيشتغل وشجعيه وربي راح يبارك لكم في رزقكم صدقيني اسمعيها مني وانا اختك توكلي على الله وامشي خطوه كمان اعقدوا القران وبعد ماتجلسوا مع بعض وتحكوا مع بعض مع صلاة الاستخاره المستمره راح تلاقي نفسك اما مرتاحه واما رافضته كرجل والله ماني عارفه ايش اقولك بس انا مرتاحه للموضوع ومتفائله لك خير توكلي على الله ياقلبي في هذا الزمن صعب تحصلي على رجل على دين وخلق توكلي على الله انا متفائله خير عظيم الله يختار لك الخيره الطيبه ويريح بالك |
2500 اذا كان بالسعوديه ماتكفي فواتير بس
لازم تعرفين هالشي قبل ما تاخذينه اذا مقتنعه الله يوفقك بس لاتاخذينه وتقولين انا انصدمت ومدري ايش لان وقتها ماينفع البكا |
حبيبتي ألف مبروك
أقول لك شئ لا تفكري في الراتب و المصروف لأنه ليس كل شئ ممكن تتأقلمي مع الوقت و مثال بسيط والدك الله يحفظه لك لما تزروج اكان مستواه كما هو الآن لا أعتقد كل شئ يبدأ من البسيط و العادي و يزداد مع الوقت و العمر لا تحملي هم حبيبتي و ألف ألف ألف مبروك افرحي بعمرك و لا تخلي متل هاته الأفكار تسرق الفرحة منك |
عزيزتي
خلينا نفكر بهدوء مع بعض شوي س\\هل يعول احد من اهله؟؟؟ يعني يصرف على احد من اهله؟؟ س\\ هل لديه سياره؟؟ س\\ طبيعة عمله هل فيها ترقيات ام كما هو؟؟ انتظر اجوبتك عزيزتي والله يختار لك الخيره الطيبه |
| الساعة الآن 01:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©