|
زوجي اخر العنقود.... والوحيد
مشكلة صغيرة
زوجي الوحيد بين خمس اخوات واخر العنقود وحبيب امه يعني مدلع مايبغى مسؤوليه كبيرة ولا ارتباطات كثيرة الحل؟ تعبني معاه امه تجي البيت وتقوله ياولدي هذا مايصير كده هذا الطقم جيبه هنا وهذه الطاولة ماتنفع هنا وهذه الغرفة لازم تسوي فيها كذا قولولي هوا اللي انا ساكنه فيه مو بيتي؟ لما اقوله معليش راي امك على راسي بس ما ابغى اغير شي يزعل طيب ايش اعمل؟؟؟ وكثير امور زي كده وغيرها كمان في وحده بتعاني من نفس المشكله واذا بتعاني ايش بتعمل؟ |
أحمدي ربك ياأختي أنك أعرست على رجل بار بأمة ؛ ويعاملك بالحسنى لايضربك لايوبخك
ترى من حمد النعمة ربي زاده ...وأقرئي هذا الموضوع ...أعدته مستشارتنا صايمة لله .أن شاء الله بينفعك كثير http://www.66n.com/forums/showthread.php?t=148210 الله يسر أمرك ويسعدك |
السلام عليكم ورحمة الله تعالى وبركاته
من حقك اختي تضايقي حبتين ان ما كنت متحكمة فبيتك لكن تحملي وراعي ان زوجك اخ وحيد لخمس خوات وكمان انه اخر العنقود يعني الحيلة فعدي كم سنة عاشها زوجك مع امه (فحضن امه) قبل لا يعرفك فلا تتصوري ان الحبل السري بينه هو وامه -تبعيته لامه- بينقط نهائي مادام المسالة متعلقة بس بالاثات وترتيب البيت ومن ها الشغلات فعادي حبيبتي تحملي واحمدي الله ان حماتك ماهي من النوع اللي يدخل فعلاقاتكم الخاصة يعني عادي البيت بيت ولدها وتحملي عزيزتي الله ييسر امورك |
والله فعلا شىء يضايق بس مالك الا انك تتحملي ماينفع تعترضي لانك كده بتعصيه على امه ومكن يزعل
منك وتكوني كده انتي الوحشه انا مثلك بس اخت زوجي هي اللي متابعته في كل شىء واكتر من اللي تقوليه كمان لما بنكون مع بعض بحس ان هي اللي زوجته من كتر ماهي ماتسيبه ابدا وحركات كتتتتتتتتتتتتتتتتتير تقهر مع العلم اننا في فتره الملكه لسه ما تزوجنابعد بس املي انها حتتزوج قريب وتسافر لكن انتي اصبري واحتسبي والله ربنا حيعدلك الحال |
هذا النوع يا اختي يبغي له الصبر والمسايسة
انت وافقة في بداية الامر ...لكن اشعرية انك بدون رغبة بس ما تبغين تزعلينه يعني مثلا ...نفذي الطلب اللي طلبته امه (مع ان العيب في امه هي اللي دللته الى درجة الخراب) وبعدين شوي شوي سوي اللي انت تبغيه لكن اهم شي الصبر و طوله البال والسياسة |
مو بس في الاثاث
المشكله مرة محبك الموضوع لما اقوله كلمة (اهلك) يزززززززززززززعل ولما اقول امك يززززززززعل يقولي دي الكلمتين تحرقلي دمي طيب كل العالم بتقول كده يقولي لا لما تقولي امك كانك تقولي ما ابغاها!!!!!!!!!!!!!!!!!! فسرها انتوا عاد؟ وكلمة اهلك لما اقولها تحسسه كاني ما ابغاهم اجل ياعالم ايش اقول؟ يقولي تقولي مامتك عجيب قلت في نفسي وياما ظلمني على امور تافهه بسبب والدته مع اني والله محترمتها اخليها تجلس في السيارة قدام وانا ورا حتى وانا حامل تجلس عندي في البيت بالاسابيع خدمة اكل شرب كللللللللللللل شي وفي شي تاني تجلس معانا وتهمسله بالله مو شي يضايق؟ وبشكل مستمر واشياء ثانيه كمان انا طلبت منه مايكررها معاها لاني ادمية جالسه معاهم عصب ورفع صوته ويقولي امه حره تسوي اللي تسويه ؟؟؟؟؟؟؟؟؟؟؟؟؟؟؟؟؟؟؟؟؟؟ |
ربنا يعينك
|
تخلين امه تجلس قدام اجل تبينها تجلس في الخلف ههه علي فكرة البيت له خصوصية يعني المفروض محد يدخل حتى لو امه وهذا الكلام المفروض تفهمه امه الله يصبركي خليكي حكيمه قولي لعمتكي وزوجك الصراحه ذوقك مره حلو وبعد كم يوم غيري الي تبينه في بيتك وقولي كذا افضل ( لايجوز ان يتنجى اثنين وثالثهم معهم ) قولي هذا الكلام لهم بمزح اذاشفتيهم يتهامسون
|
اختي الكريمة افهمي كلامي اظن مفتاح سعادتك بايدك (امك)(مامته)
في نساء كثير ازواجهم يتلككوا لهم على اقل شئ انتي زوجك لانه الحيلة فهو مرتبط بامه وباهله بشكل كبير فالحل الانسب الك تكسبيهم تخلي علاقتك بيهم 500/100 تعزميهم تهاديهم ما تدخلي عليهم بايدك فاضية تعيشي معاهم بمعنى تخلقي معاهم جو حلو وكانك وحدة من خواته (مع امه وخواته) تخليهم يشتاق الك يفتقدوكي بغيابك صح عزيزتي كل ست تحب تكون حرة بمملكتها لكن لاجل خاطر زوجك وامه قنني شوي خصوصيتك وحريتك ببيتك اتصور انك تشوفي هذا الشئ صعب بس لو عودتي نفسك والله بترتاحي يعني مثلا غرفتك الخاصة خليها على ذوق ذوقك اما البيت حاولي تكسبي حماتك اساليها وين نحط هاي كيف نحل هاي المسالة ......... كيف نتصرف فهذا الموضوع ... هي بكذا راح تحس انها لسة مسيطرة على الوضع وتعتبرك بنتها مو بس زوجة ابن وازيدك من البيت شعرا ولا تزعلي من كلامي انت قلتي ان حماتك تجلس عندكم بالاسابيع اعتبري انها ساكنة معاكم اصلا فاذا غابت(راحت بيتها) اتصلي عليها وادعيها تجيكم وبينيلها ان البيت فاضي ولا يسوى من غيرها ووالله راح تشوفي العجب من تغير معاملتها معاكي وقلتي كمان ان زوجك يزعل لما تقولي له امك اهلك ... مادام انتي عارفة ان عنده حساسية من هاي الكلمات احذفيهم من القاموس واشتري دماغك ولا تحدثيه ابدا عن اهله الا بكل خير واشوف اختي ان مفاتيح التعامل مع زوجك واضحة ومتيسرة لك بس وسعي خاطرك وطمنينى عنك |
اختي الكريمه
لا تدخلي نفسك في مقارنه مع امه لأنه انتي الخسرانه في الأخير كل شخص لو خيروه بين امه وزوجته راح يختار امه من غير تردد حاولي انك تتعايشين مع امه وتكونين زي بنتها عشان يحبك زوجك كل زوج مناه وقمة رضاه ان تكون زوجته تحب امه واذا ردتي ان تملكي قلب زوجك فأدخلي له عن طريق امه حتى ولو مثلتي مع التحيه |
| الساعة الآن 12:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©