صديقتي واخو زوجها ^^
 

انا اول مره اكتب موضوع في المنتدى وحابة اخد رأيكم فيه بعد ماشفت كم مشكله واعجبت صراحه بالردود التي دائما تكون فيها خير وصلاح وحب لله وفي الله

المشكله في البدايه تخص قريبه لي وصديقه غاليه الى قلبي بصراحة مشكلتها مزعجتني ومزعجتها بشكل اكبر حيث انها لا تنام الليل منها ... الى ان انتبه زوجها بأن هناك مايشغل بالها ...

مشكلتها بأن اخو زوجها بدأ او ماني عارفه كيف اشرح حاول يغازلها بل وتمادى الى افظع من ذلك ولكم ان تتخيلوا او اترك العنان لأفكاركم

حاولت بكل الطرق تصده وماترد على اتصالاته لكن كل مره كان يتصل من جوال زوجته او امه او ابوه

ويقولها انا احب اخويا ومستحيل اجرحه تقوله كيف تحبه وانت تقول دا الكلام لزوجته انت ماخاف الله وانا احب زوجي ومستحيل افكر في احد غيره

والمشكله انه متزوج وعنده طفلين ...

عايشين مع بعض في عمارة وحده ... المشكله الكبرى انهم يكشفوا على بعض يعني بالحجاب ... قلتلها غطي عنه نهائيا هذا الافضل والاستر لك لكن زوجها مايحب وابو زوجها كمان يقولها انتوا زي بناتي .... ومايبغاهم يغطوا ويزعل لو احد غطي

قلتلها انه ممكن ماتنزل عند اهل زوجها لمن يكون هوا موجود لكن بكل الطرق يعرف متى تنزل وينزل وهيا موجوده

المشكله انها لو سبته او اطاولت عليه باللسان خايفه انها يسببلها مشكله وتطلع هيا الغلطانه او يطلعها هيا اللي بتجري وراه وتبغاه من دا الكلام لأنه واحد قوي وكلمته مسموعه عند امه كثيييييييييييير اكثر من اخوانه الباقين
ماادري ايش النفس الدنيئة ....... اللي تخلي الرجال يطالع لمرة اخوه
ماادري ايش الجرئه والوقاحه في هذا الانسان اللي يقدر يقول كلام زي كدا

انا ابغى رايكم ومساعدتها ايش ممكن تسوي بحيث انها ماتخسر زوجها

وماتقدر تنقل من البيت لأن زوجها رافض نهاااااااااائيا

اش الحل ؟؟؟

الحل انها تحكي لزوجها
وتقول له ما تحكي لأخوك وخليها تسمعه مكالمه من مكالماته
هذا هو الي رح يحط حد
ويزعل الي يزعل اهم شي الله يكون راضي عنها لانه الشيطان شاطر ويقدر يزين لها الطريق ان بقت ساكته وتنجر وراه لذا يجب مصارحه الزوج وفوووووووووووووووووورا ومن غير ما تحكي لاخوه علشان زوجها يسمع المكالمه
في رعايه الله

ليه ماتعلم زوجها ؟؟

متفهوش خااااااااااااالص

اي مكان موجود هو فيه متبقاش موجودة فيه

و لو سألها جوزها تقولوه كلام الرسول عليه الصلاة والسلام ( الحمو الموت )

وان ديننا مفيهوش موضوع الأختلاط ده وستات ورجالة يقعدوا في مكان واحد

هيا خايفه لو قالت لزوجها ويتاكد زي ماقلتوا بانها تسمعه المكالمه تصير مشكله كبيره مالها اول من اخر وممكن اخو زوجها يطلعها كذابه ويفضحها يعني مثلا هيا للي بتجري وراه

والمصيبه كمان ايش شاف في رقبه اخوه حركه من حركات الازواج يقولها لا تسويله كدا انا انقهر

والله مصيبه عساها تصيبه

لاتخاف أبدا !!

خليها تمسك دليل قوي يدينه وتتوكل على الله ..

لازم زوجها يدخل في الموضوع ! هي بلحالها ماتقدر تسوي شي ..

الحل في مصارحة الزوج فقط

السلام عليكم ورحمة الله وبركاته

اول شي الله يفرج هم صديقتك يارب ويرشدها لطريق الخير ويبعد عنها شر اخو زوجها ..

وبعدين اختي اول شي صديقتك لازم تفهم ابو زوجها باي طريقة انه مايجوز لها تكشف بالحجاب قدام اخو زوجها ولو عصب تحاول تراضيه باي طريقة الا انها ماتلبس حجاب لاطاعة لمخلوق في معصية الخالق .. هذا اذا كنت فاهمه قصدك صح يعني هم مايلبسون حجاب قدام اخوان زوجها ...

ولازم تقول لاخو زوجها اذا اتصل انها راح تخبر اخوه اذا اتصل مرة ثانيه ...

وتخبر زوجها بمقدمه طويله عريضة لانه هاي اخوه واكيد بيعصب وبيتضايق ويمكن مايصدقها لازم تتوقع كل شي ولازم تهديه اذا راح يتصرف معاه على طول لازم يتصرفون بحكمه ....

الله يعيين الحميع يارب فعلا اخر الزمان!!

تقريبا نفس المشكله موجوده على هذا الرابط
اتمنى تطلعين على الردود وتستفيدين منها
V
(المشكلة حلت )باركولي ((شقيق زوجي سيدمر حياتي))

خليها تسجلو مكالمة هاتفية وتهددو بعدبن انها راح تحكي لزوجها واذا ما نفع لازم تسمع المكالمة الهاتفية لزوجها يكون افضلالمهم يكون عندها دليليل ضدو