|
مشكلة غريبة .. تكفون ساعدوني .. اوافق ام لا ( الكورة في ملعبي )
السلام عليكم ورحمة الله وبركاته
اعطيكم من الاخير بعد السؤال عن الحال ,, ان شاء الله كلكم طيبين محسوبكم ( اخاف المستقبل ) خطب من احدى العوائل و التي لها قرابة من جهة الام المهم شفتها الشوفه الشرعية وتمت الموافقه من قبلي وكنت استنى ردهم ,, وفجأه جاني الرد انهم رفضوا ,, طبعـاً لاني شخص ملتزم و اخاف الله ( مطبق لسنن الرسول علية الصلاة و السلام ) كان رد البنت الخوف من اني اكون ( متشدد او متعصب ) على انني ( ضعيف مره و حنون ) << صح يالرومانسي بس كل مايحبة الله حبيته و كل ما يبغضة الله بغته ولا انا زي اي واحد احب - اسافر - اتمشى - اتعشى برى - مرح - فرفوش - لكن في الحدود اللي ذكرها الله عز وجل المهم ,, انها رفضت و كانت صدمة لي لكن قلت الحمدلله لعلها خيره على فكره البنت عمرها 17 سنه و يتيمة الاب ,, بس عندها 8 اخوان كلهم رجال ماشاء الله ,, السالفة ,, توفيت قبل امس جدتي ( عمة امي ) و ( ام امها ) وهذه الصلة اللي مشتركين فيها من ناحية القرب ,, وقمت ولله الحمد خير قيام في اجراء الدفن .. حتى انا من استقبلها داخل المقبره وضعتها داخل اللحد ,, ودفنتها امام مرأى الجميع مع توجيهاتي اليهم ,, ( اي الحاضرين في الدفن ) الشاهد ,, ان الكل اثنى و لله الحمد على ماقدمت بل وصل الخبر الى النساء وكنت حديث مجلسهم ,, وسمعت البنت اللي تقدمت لها بحديث النساء عني وفجأه غيرت رأيها ووافقت ,, وقالت في قرار نفسها ,, كنت اخاف من درجة التزامة و لكن حينما سمعت كلام الناس فية وافقت و علمت انني كنت مخطئة في قراري .. جاني خبر موافقتها وانا الان اصحبت الكورة في ملعبي على مايقولون صار القرار بيدي ,, اوافق اني اخذها ام لا حرصّت عليها عن طريق ابنة عمها انها لا تتراجع غداً في قرارها ,, وتعلم بأنني مثل اي رجل .. ولكني احب مايحبة الله عز و جل و يبغض ما يبغضه الله عز و جل فكانت الرد منها بأنها موافقة انا البنت مقبولة بالنسبة لي ولكن احس اني صعبانة على نفسي اني اقبلها بعد مارفضتني ,,, والرأي رأي انا وراح استخير الان بس ماخاب من استشار فأين اهل المشوره |
صل صلاة الاستخاره وربك يحلها لك
|
بسم لله
اسمع وانا اخوك فيه مواضيع المفروض ما تستشير فيها احد لاني ابقول لك ناس تبي تقول لك وافق وناس تقول ارفض وناس تقول سو كذا وناس تقول سو كذا فيصير عندك تشتت في الراي وصدقني راح تظل على ترددك قبل لا تسال نصيحتي لك اخوي بجون ما تستشير احد واذا كان ولا بد ابوك وامك بس نصيحة لك صلى الاستخارة وشف نفسك وش تقول وتوكل على الله ان كان وافقت فبارك الله لكم وبارك عليك وجمع بينكم على خير وان كان ما حصل نصيب فالله يوفقك ويرزقك بنت الحلال الي تستاهلك والله يوفقها ويرزقها ولد الحلال الي يستاهلها ويسعد الجميع |
البنت صغيرة والموقف غير مستغرب منها أبدا، خاصة إن فكرة البنات الآن عن الشاب الملتزم إنه شديد وكل شي عنده حرام !!
واضح إنها طيبة بدليل إنها لانت وغيرت رايها :22: لاتشيل في خاطرك البنية توها صغيرة، استخر والله ييسر أمورك وتبشرنا بالقريب العاجل يارب .. |
أشوفها صغيرة و يوم ترفض ما كانت مقتنعة بموقفها ، عموما إذا أنت تبيها و تعتقد ما راح تلقى مثلها ( فإشتريها ) و لا تحرجها قدام أهلكم .... و إذا أنت مو متقبل نفسيا و عقليا موقفها ، فالأفضل إنك تستخير و تستخير و تستخير و تشوف التساهيل كيف تصير معك
عموما ... البنت تعتبر طفلة ، و لسى أنت تقدر تغير طريقة تفكيرها و تخليها تصير واثقة من نفسها ، و تقدر تتخذ قرارات مسؤولة موفقين يا رب |
فعلا شئ غريب
في الأول ترفض موضوع الزواج ثم توافق بناء على كلام الناس يعني قراراتها مبنية على حسب كلام الناس طيب لو فرضنا مثلا وصلها مستقبلا - لا سمح الله - كلام سئ عنك هل راح تتراجع مره ثانية وترفض موضوع الإرتباط المفروض في المره الأولى قبل الرفض ترسل أحد يستفسر منك عن المباحات و الممنوعات كونك ملتزم وبناء على إجابتك يكون القبول أو الرفض منها فكر مضبوط في الموضوع وأكثر من صلاة الإستخارة هذا زواج وحياة أبدية إذا فكرت واستأخرت وارتحت لموضوع الإرتباط اتأخر شوي في الرد عليهم خليك ثقيل وهذا من صالحك |
انا رأيي توافق لأنو اي بنت طبيعي تخاف وتتردد بمثل هذي الامور وهي ما كانت عارفتك كويس وهلا عرفتك منيح توكل على الله
|
ليس من العيب ان يعيد الانسان التفكير والنظر في موضوع ويكتشف انه كان مخطئ بل بالعكس هذا يدل علي النضوج وعدم المكابره بالرغم انها اكيد حاطه احتمال انك ممكن ترفض وموقفها لن ينقص منك شئ بالعكس بل يعززك زياده ويجعلك اكبر اذا كنت مرتاح اتكل علي الله عسي ان يكون فيها خير وربما حدث هذا الموقف لحكمه من الله يبين اها من انت وربنا يهديك الي ما فيه الخير واستخر الله وتوكل عليه وربنا يوفقك
|
إذا مافي نفسك شيء من رفضها لك و أنت راغبها فعلا توكل على الله
لكن إن كان غير كذا فأخشى أن يصير في تعاملك لها إنتقام خفي أو جفاف نتيجة رفضها لك |
شي طبيعي بتقول كذا لأنه لسى البنت صغيرة
راح تلاقي آرائها تتغير بلحظة وحدة بس لو دققت في الموضوع بتلاقي فيه إيجابية جداً مهمة رأيها تغير من خلال كلام الناس هذا يعني أنه لو تزوجتها راح تكون أكثر شخص يأثر فيها يعني ممكن حتى تأثر فيها من الناحية الدينية ماشاء الله أعرف بنات كثير تغيروا بعد الزواج إلتزامها بالدين صار أقوى هذا طبعاً بفضل الله ثم بفضل زوجها الله يوفقكم ويسعدكم لا تنسى صلاة الإستخارة قبل الإقدام على أي خطوة |
| الساعة الآن 09:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©