شاورما سهلة وكيكة أسهل,,تعالوا مع أم أحمد
 

السلام عليكم وحياكم الله في المقادير على طوووووول:

الشاورما: دجاجة مسلوقة ومسحب منها العظم والجلد
بصل مقطع طوال
علبة روب
ربع قالب زبدة
ملعقتين طحينه
ثوم بودر وشويةكاري وشوية ملح وشوية فلفل وكثروا الثوم البودر لأن سر الطعم فيه
الطريقة :
يحمس البصل مع الزبدة والكاري ثم يوضع عليه الدجاج المقطع ويقلب ثم الثوم البودر (تقريبا ملعقة كبيرة مملوءة)ثم الملح والفلفل الاسود بعدها تخلطي الطحينة والروب جيدا ثم يضاف على حمسة الدجاج ويقلب جيدا ....وبالعااااافية.........



وألحين ياللا عالكيكة

وترى لها قصة وهي ان اخت زوجي أخذتها من منتدى وسوتها وجربتها أنا ولغينا منها البيضة وقللنا الزيت وأنا أضفت الدريم ويب وبدلت الماء بحليب سائل . المهم أعطيكم مقاديرها الأصلية ومقاديرها اللي أنا سويتها (إذا ماعندج كل الاغراض )

المقادير الأصلية :


كوب بخلاط العصير لكل من ماء وزيت وسكر و4ملاعق طعام لكل من حليب بودر وكاكاو النستلة الأصفر _عرفتوه؟_ انزين ألحين شغلي الخلاط وخلطيهم وبس وقفي واعزلي من الخلطة ثلاثة أرباع كوب للزينه ثم أضيفي على ماتبقى من الخليط بالخلاط بيضة واحدة وشوي فانيلا ثم جهزي ماعون غزير به كوب طحين مع ملعقة طعام بيكنج بودر وصبي عليهم الخليط اللي بخلاط العصير و حطيه بماعون الفرن واخبزيها بالفرن لحد ماتستوي ثم اخرجيها ولما تبرد صبي عليها الصلصة اللي انتي عزلتيها قبل شوي وزينيها بكاكاو المالتيزرز وبالعافية....


إي نسيت اقول تعديلاتي ...أنا لغيت البيضة وقللت الزيت سويته ثلاثة أرباع الكوب حطيت نصه بالبداية وعزلت شوي للزينه وحطيت باقي الزيت بعد ماعزلت الصلصة ثم سكبت الخليط على الطحين وخلطتهم _ان شاء الله فهمتوا _ وياليت أعرف أنزل صور الأكلتين انتظروني يوم اليمعة ان شاء الله أزور أهلي:14: :14: وأخلي أخوي ينزلهم لي وبالعااااااافية......

الاشراف / تم تنسيق الموضوع

مستكة_مستكة

اختي الكريمة مشكورة علي الوصفات الرائعة


و شكل الحلو انا طبقته


افتحي الرابط

تطبيقي لكيكة الشيكولاته بالاسنيكرز

تحياتي

هلا مستكة آسفة اذا كان مكرر بس خلي التعديلات اللي أنا سويتها يستفيدون منها البنات وان شاء الله تعجبكم الشاورما فهي من ابتكاري والله ودايما اسويها وجزاك الله خير على التنسيق انا كان همي بالتقديم ولا اهتميت بالديكوريشن..ههههههه