"زوجي يقول لي روحي لاهلك"
 

السلام عليكم ورحمة الله وبركاته:
رح ادخل بالمشكله على طول وانتوا احكموا انا وزوجي كنا جالسين نسولف عن اجازة الحج وقالي سافري لاهلك وانا بجلس عشان تغيرين جو قولت له لا ما اقدر اسافر واخليك الحالك ومن هل الكلام الرومانسي مع ان ماني راضيه عليه من حركاته اللي تجيب الهم وقلت لكم عن المشكله اللي صارت لي قبل فتره باقي في قلبي وماراح انساها بس ابغى افك نفسي من المشاكل معه لانها ماتجيب نتيجه
وهذا الرابط للي يبغى يشوف المشكله الاولى
http://www.66n.com/forums/showthread...D+%C7%D3%C7%C1
عموما اكمل المشكله الحاليه حاولت ااقنعه اني ابغى اجلس معه وان ماني قادره على فراقه قام قالي بصوت عالي لا بحجز لك يعني بحجزلك انا ابغى اسافر ابغى اطلع مع زملائي على راحتي والله ياناس اللي يسمعه يقول مايطلع وهو يرجع بعد الدوام ينام ويصحى بالليل والساعه سبعه يطلع والين وحده اذا فيه دوام وانا لحالي المهم قلت له طيب ليش تزوجتني المهم صار يصارخ وسكت مارديت عشان ما يقولي كلام جارح اكثر من اللي قاله اليوم الثاني كلمته ولاكأن شئ صار واحنا نسولف قولت يمكن اخواتي يجون قال وانا اقول ليش بتجلسين قولت يابن الحلال ابغى اجلس معك واخواتي قالوا يمكن يجون واول مره يجوني لانهم في منطقه ثانيه ماقدر اعتذر وش اقول قال ظروفنا الماديه تعبانه وانتي عارفه اتصرفي قولي لهم مسافرين قلت بصراحه ماقدر اكذب عليهم لانها كذبه مكشوفه وبعدين بدا يتكلم قلت احترم اهلي زي مااحترم اهلك ارجوك وبلاش تتكلم عن خواتي المهم قا لا انا بسفرك لاهلك وفكيني ابي اسافر ابي اطلع انقهرت وبكيت قالي اعادي ابكي اصلا انتي زي الصغار ماترتاحين الين تبكين والله محتاره ياناس كلمت امي قالت لاتجين الناس بيتكلمون بيقولون ليش ماجا معاها زوجها وابوي بعد نفس الشئ قال لي اذا زوجك بيجي تجين معه بيجلس اجلسي معه والله مقهوره احس كأنه يطردني من البيت والحين بيطلع والله مدري وين يروح الله المستعان والنقاش مايجيب معه فايده لانه يرجع كل شئ في راسي ارجوكم اعطوني رايكم ولكم كل الشكر.

كان الله في عونك أختي....
أبكتب لك عن تجربه روحي لأهلك لايدرون أنك بتجين إلا إذا زوجك حطك عندهم علشان تجنبين النقاش الحاد معهم بعدين قولي له الله يساعدك ويحفظك ويردك لي بالسلامه او اكتبيها في ورقه مزخرفه وحطيها في جيبه أو أرسليها في الجوال وممكن بعده بكم يوم تسألينه إذ أهلك ناوين يسافرون أو يطلعون مني وإ مني قوليله إيش رايك حبيبي إذا أهلي طلعوا أو راحوا لأي مكان أطلع معهم او أسافر معهم وإلا شلون
خليه يبدي رائيه لو هو مخالف لرايك أسأل الله أن يرقق قلبه عليك ويقضي إجازته بجوارك بعدين أختي لاتنسين تستشيرين اهل الراي من دكاتره وأخصائيين

قولي له سافر وأنا بجلس .. ولا تجيبين سيرة إن أهلك مايبون , قدام الزوج خلي أهلك حاطينك على روسهم , الرجل إن شاف زوجته عزيزة عند أهلها قدرها والعكس صحيح , ولكل قاعدة شواذ ..
أنتِ أصري على الجلسة وقولي له رح زي ماتبغى وأنا بجلس ..

اختي الغاليه
زوجج مصر على الروحه
وما راح يثنيه جلوسك او ذهابك
انتي اختاري اللي يونسك انتي مثل ما اختار هو وناسته

أنا أقول اجلسي في بيتك وخليه يسافر هو

أتحداه يخليك ويروح مايقدر خاصة ان اهلك بعيدين على حد قولك

ولو رفض أزم ماعلى البنت كرامتها

روحي لأهلك وطقيها زعلة

قولي له انت سافر وخل خواتي يجون يونسوني

وانك راح تدبري اموركم المالية

والله يهديه

السلام عليكم عزيزتي
أنا توني طالعة من مشكلة مع زوجي والحمد لله انحلت
هالرجاجيل يحبون المشاكل الله يعينا عليهم ، لكن هذي الحياة زي ما فيه حلو لازم يكون فيها مر

كل رجال له شخصية وكل واحد له اسلوب ، والوحده فينا لازم تفهم زوجها ، يعني يكمن رايي يضبط معك ويمكن لا ،،،

طولت في الكلام لكن الرجال احيانا تجيهم حالة من الملل الشديد لا توصف يملون من الشغل من البيت حتى من زوجته بس هذ مهوب يعني انه يكرها
بعدين شي طبيعي ان الازواج يبعدون عن بعض فترة بسيطة ، بالعكس اذا ارجعوا يصيرون مشتاقين لبعض وفرحانين وتتحسن نفسيتهم
نصيحتي روحي عند اهلك ارتاحي واجلسي مع نفسك وشوفي ليش هو متضايق ، وش مزعله ومخليه عصبي بهذي الطريقة!
اذا رجع سوي حفلة وجيبي هدية صدقيني بينحرج من نفسه ويتندم على اللي سواه
ونصيحتي الثانية مهوب كل مشكلة تصير معك تقولين لاهلك لانهم احيانا يعقدون الامر لانهم عادة يتدخلون بدافع الرحمة لا بدافع العقل وخليهم دائما الملجأ والخيار الاخير اذا ما عاد عندك اي حل،،، لان معظم الرجاجيل اذا شاف الحرمة كل ما صار شي راحت تقول لاهلها ، ما عاد يحترمها ولا يصير لاهلها هيبة حتى لو انهم شديدين.
خلي أهلك الورقة الأخيرة في اللعبة
................................................

قريت المشكلة الاولى من بعدين ، رجلك شكله عصبي الله يعينك ، لكن حاولي ما تراددينه ، واذا طلبت منه تطلعين ولا وافق الا من بعدين ، لا تجين انتي وترفضين ترا المسالة تتعقد اكثر ، مجربة
وبعدين كل الازواج ما يحبون الاسواق ، انا اعاني من هالشي ، ياالله اروح السوق ولا يطيع ينزل معي ولا يخليني انزل لحالي
ولا تدققين على مسألة الحريم اذا شفتيه يناظر الفتي نظره لشي ثاني ، سولفي معه ، افتحي الرادو ، يعني من هالاشياء ، وما يمنع انك تبينين غيرتك بين فترة وفترة
انا كنت مثلك اعصب واتهاوش معه اذا طالع الحريم , وصار يعاندني ويتقصد يناظر واحيانا يضرب بوري عشان ينتبهون ، شي يقهر لكن ما لنا الا الصبر

في النهاية هذي وجهت نظر يمكن تخطي ويمكن تصيب

ما شاء الله توك سنه وشوي ، في المرحلة هذي بتواجهين مشاكل كثيرة ، لان كل واحد فيكم يبغى يفرض شخصيته ، وكلنا مرينا فيها والحمد لله عديناها
لكن مع الوقت بيتحسن صدقيني وانتي دايما خذيه باللين مهوب بالعناد

الله يوفقك ويصلح زوجك ويهديه:)