|
أجنحة الأمــل طالبة مساعدتكم بأكلات صحية
الســـلام عليــكم و رحمــة الله و بركــاته..
وأسعــد الله صباحكــم بطاعة الرحمــن.. أدخــل بالموضوع على طــول.. أخــواتي العزيــزات طالبتكم بوصفاات لأكلاات صحية قلييييلة الدسم..و الله ما لي خــلق أدور على النــت.. و قــلت أكيــد ما راح تقصروا معي.. للعلم أنا من محبي السمــك..و الدجــاج..و الخضراوات بجميع أشكالها و ألوانها.. لي عدة أيــام مريضة و اليوم الحمد لله تحسنت شوي..لــكن متحيرة ماذا آكــل..فمعدتي لا تتحمــل أي شيء دهني..يعني الخبز تجنبته و الأرز كذلك..إلا كميات صغيرة جداااا و ثانياً أريد أن أبدأ رجيم..فقلت بالمرة:26: أرجو أن لا أكون قد ثقلت عليكم و مشكوريـن مقدماً:17: |
انصحك اختي العزيزه ان تستغني عن الزيت العادي بزيت الزيتون وتكثري من الخضار وتزيلي الشحوم من اللحوم وجلد الدجاج واتركي السكريات او خففي منها وهذا باختصار
|
اختي بسيطة
ممكن مثلا تعملي شوربة خضار بمية بس بدون شوربة لحم عشان مايكون في دهن وتسلقي صدر جاج عشانو قليل الدسم وتاكلي خبز اسمر وتاكلي خضار كتير وانا بكرة جاي عبالي اعمل هالاكلة شوفي كيف اجت عبالي مابعرف قراتها في مكان ولامن اختراعي بدي اجيب جاج قطع وفي صينية اقلب بزيت الزيتون خضار مشكلة بطاطس بازيلا جزر بصل كوسا وبعدين اقلب معهم الجاي يتحمر شوي بعدين احط عليهم مية وفي الفرن واعمل جمبهم رز ابيض باقل قدر من الزيت صاير انا بحب اقلل الدهن وبستعمل كتير صرت زيت الزيتون شورايك اكلة خفيفة... اعملي سبانخ بشهي والله وشفت هاي هلأ كمان ------------------------ المقادير كميه من صدور الدجاج (حسب عدد الاشخاص) 3 ملاعق زيت للتتبيل ملح وفلفل ابيض للصوص ملعقة نشا 6 ملاعق ماء بارد 3 ملاعق عصير ليمون صلصة صويا نصف ملعقه صغيره سكر ناعم الطريقه صدور الدجاج .. نظفت .. وقطعت لشرائح .. تبلت بالملح والفلفل زيت في المقلاه على النار (انا استعملت 3 صدور .. فاكتفيت بكميه الزيت) تقلى قطع الدجاج لمدة 6 دقائق تقريبا او الى ان تحمر (ينضج الدجاج بسرعه .. خصوصا ان كانت قطع صغيره) يرفع عن النار لتحضير الصوص في وعاء صغير يخلط النشا مع ملعقتين من الماء يخلط عصير الليمون مع الماء في مقلاه صغيره تضاف الصويا مع السكر الى المقلاه وتوضع على نار هادئه لمدة دقيقتين ثم يضاف خليط النشا .. مع التحريك المستمر على حراره هادئه حتى تتماسك الصلصه ان رأيت ان الصلصه سميكه أكثر من اللازم .. ممكن اضافة القليل من الماء يقدم الدجاج اما مع الارز المقلي او مع النودلز (لاني كنت متلاحقه بالوقت فاعملت طبعا نودلز) من الممكن ان تضعي قطع الدجاج مع الصلصه على النار لتسخين الدجاج او أن تصفي قطع الدجاج في طبق التقديم .. وتسكبي فوقها الصلصه تزين بشرائح الليمون والبصل الاخضر ------------------------------------------ خفيفة شكلها مافي زيت شوكمان افكرلك ... وهي كمان هاي المقادير -------- صدور دجاج مقطعة مكعبات فليفلة حلوة حمراء فطر (عيش الغراب) كرافس شرائح بصل شرائح زنجبيل طازج مفروم بهار أبيض 2 م ك كورن فلاور (نشاء الذرة) صويا صوص Soya sauce صلصة حلوة حارة بالثوم (مو ضرورية بس لذيذة إذا اضفتيها) موجودة جاهزة بالسوبرماركت 2 م ك زيت (استعملت زيت الكانولا وهو زيت نباتي ولكنه صحي جدا للقلب ومقاوم للسرطان (اللهم عافينا) رز طويل أبيض مسلوق الطريقة ------- نضع الزيت ونضيف البصل إلى أن يذبل نضيف البهار ثم بالتدريج الزنجبيل والفليفلة والدجاج، نقلبهم إلى أن يتغير لون الدجاج ونضيف الفطر والكرفس و4 م ك صويا صوص ونغطيهم 10 دقائق (الكرافس في الآخر كي يبقى مقرمش). نذوب النشاء بكاسة ماء ونضيفهم ونتركهم يغلوا 3 دقائق. ملاحظة: لا استعمل الملح لأن الصويا صوص مالح. يمكنكم إضافة الصلصة الحارة وبالهناء والعافية -------------------------------- حتقولي هي زيت وصلصات حارة صح وانا بقلك انو لاحظي انت ممكن تستغني عن بعض الاشياء حسب رغبتك الخاصة الاكل مالوش قواعد هادا بنظري خاصة لماتكوني انت بس الي حتاكلي يعني ماحد حينتقد المهم انت تاكلي وبس ازا افتكرت شي بقلك إن شاء الله |
كماااان تزكرت
ممكن تجيبي فيليه السمك تتبليه بالملح والفلفل والبهار و الكون و الشبت المفروم ناعم والليمون والبصل المبشور وتتركيهم شوي وبعدين تشويه يعني شو في اطيب ولاصحي اكتر من هيك |
اقتباس:
يــا هلا أختي الكريــمة.. بشكل عاام أزيل الشحوم من اللحمة و الجلد من الدجاج.. و سأتبع نصيحتك إن شاء الله..لكن أريــد وصفات لأني أعرف نفسي سأظل طيلة اليوم على سلطات لأنه ما في بالي فكرة لطبخة معينة:26: فاليوم أفطرت بندورة مع خس..و لقمتين خبز..مع كاسة شاي..ثم بعدها أكلت القليل من الشوفان فقط للآن! جزيت خيراً على مرورك أختي دمت |
جزيــــت ألــــــــــــــف خير أختي ملــك شــادي.. كتيــر وصفاات عجبوني..مع الإستغناء عن بعض المقادير..و أفضل شوي الدجاج على قليها.. بووركت بووركت ذكرتيني بكثير وصفات صحية و لذيذة طيب أسألك كيف تطبخين الفاصولياء و البازيلا و البامية بالتفصيل الممل.. لو ما إستعملنا مية الدجاج أو اللحمة..دائماً أتحير نوع البهارات اللي أحطها فيها! أخيراً مشكوورة جداً دمت بحفظ الله |
اختي شكرا انا فرحانة انك انبسطتي
لي رجعة اكيدة غدا إن شاء الله لاقلك عن كل طبخة بالتفصيل ولايهمك لكن هلأ مابقدر اطول انتظريني بكرة إن شاء الله |
بإنتظارك إن شاء الله:)
|
ايوة ااختي انا هلأ صحيت وجيت عشانك
الفاصولياء الفاصوليا كتير سهلة وبتعرفي اني بحب الطبخ بدون شوربة لحمة لانو بحس اللحمة تقيلة يعني بحب الجاج اكتر المهم بتجيبي حلة بتقلبي فيها بصلة بعدين البتقلبي الفاصوليا وبتضيفي الماء وبتتركيهم يغلو ولما يقربو يستوو بتحطي الصلصة اما البهارات فهية ملح و كمون وزنجبيل ورشة خفيفة فلفل اسود و البازيلا بتقلبي بصلة بعدين بتحطي المية بعدين يتحطي الجزر والبطاطا لانو بدهم وقت اكتر بعد ميصيرو نص استوا بتحطي البازيلا ولما يقربو يستوو بتضيفي الصلصة و الملح والبهارات والفلفل و الزنجبيل خفيف و البامية بتكوني مقمعاها بتقلبيها هية وبصلة عالنار لغاية متتحمر شووووي عشان تطلع زاكية اكتر بعدين بتضيفي الماء وبيغلو وبتضيفي الصلصة والملح وشوية فلفل وبهارات و كزبرة ناشفة وممكن تحطي نص معلقة سكر بتعملي التقلية الي هية توم مدقوق وملح مع ريحان اخضر وفلفل اخضر بتتدقيهم بتحطي نصها جوة البامية والنص التاني بتقليهم بالنار وبالاخر بتضيفي كزبرة ناشفة وبتحطيهم عالبامية وخلص هي كل شي هاي هي الطرق الي انا بعملها وازا بشوربة نفس المقادير لكن بدل المية شوربة اتمنى اكون افدتك اختي واي شي انا بالخدمة اوكي |
تسلـميــلي يــا معــدلة:)
و الله اشتهيت الباامية على هالصبح:26: .. إحنا بالعادة نضع ثوم بس..لكن إن شاء الله أجرب طريقتك و الفلفل الأخضر الحار؟ تحيرت أي وصفة أعمل..شكلي راح أبتدي بالدجاج مع الخضرة:22: مشكووورة أختي كتير ..و يوفقك ربي وين ما كنت دمت |
| الساعة الآن 08:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©