مطلوب وصفة التمر بالقشطة
 

السلام عليكم حبايبي

من الأخر زوجي يبيني اصلح له القشدة اللي بالتمر بالقشطة صلحت له امس وحدة وماعجبته يقول انا ذايقها عند ناس احسن من كذا تكفن يابنات ويامدامات اللي عندها طريقة القشدة بالقشطة تنورني فيها ولكم مني جزيل الشكر

الإشراف: تم تعديل العنوان

indienne

هلا أختي حنا نستخدم التمر مع القشطة الجاهزة مثل المرعى أو قشطة الصافي تغمس فيها حبات التمر ثم تؤ كل وبالهناء والعافية

اهلين اختي

انا اللي اعرف ان القشده تمر مع طحين بر و زيت مع شوي حليب

بس القشده اللي بالقشطه ما اعرف طريقتها

مافهمت وش تقصدين بالضبط

هلا أختـــي

اذا قصدك صينيه التمر بالقشطـه..

فهــذي طريقــه...

صينية التمر بالقشطة
المقادير:
- 3 كأسات بسكويت الشاي مطحون.
- ثلاث علب قشطة.

- كاسة إلا ربع حليب مركز ومحلي.
- 5 بيضات.
- نصف كأس زبدة.
- ملعقة شاي فانيلا.
- عجينة تمر.
- صينية قطرها 32 سم.

طريقة التحضير:
1- نضع الزبدة على البسكويت ويفرك باليد جيداً ويفرد في صينية الفرن بالتساوي.
2- يكبس البسكويت باليد جيداً في الصينية ويرص فوقه عجينة التمر بنفس الطريقة.
3- نضع البيض+ القشطة+ الحليب المركز + الفانيلا في الخلاط الكهربائي ويخلط جيداً.
4- نضع الخليط فوق التمر.

5- يسخن الفرن ونضع الصينية فيه وتترك لمدة 10 دقائق ثم تطفأ نار الفرن السفلى وتتفتح نار الفرن العلوي.
6- تغطى الصينية بالقصدير وتترك من 15- 20 دقيقة إلى أن يتجمد الوجه.

7- تختبر بعود الأسنان فإذا لم يعلق به شيء نخرجها من الفرن وتترك لتبرد وتقطع بقلاوات أو مربعات وتقدم مع القهوة العربية.


بالعاافيــه....

يعطيكم العافية
اللي اقصدة الطريقة اللي نحط زبدة وطحين بر وتمر ونقلبها شوي وبعدين نحط القشطة لكن وشلون احط هالقشطة مدري هي نحطها في الأول وإلا في الأخير الله العالم
عموما أنا سعيدة بمشاركتكم ولكم مني الف تحية

مشكورررة ياقلبي بس بسررررعة الله يرحم والديك الرجال ابلشني تقولون كأنه يتوحم بالليل والنهار سويلي القشدة وانا ودي بس ياليت تقدرين تجيبينها ولك مني جزيل الشكر