|
هكذا أريد أن يكون زوجي
السلام عليكم ورحمة الله وبركاته
الحين جاء دوركم يابنات ، وش تبغوا من أزواجكم ، وش الشي اللي مايعجبكم في الرجل .. أتمنى تقولوا كل اللي نفسكم فيه .. عشان نستفيد وأحنا راح نطبق اللي نقدر عليه . |
:d اخي بآرد .. حبيت اشكرك فقط .. والله يعطيك الف عافية وصحة |
أبي من زوجي يعطينا من وقته ..
يوم في الأسبوع يطلعنا ويفسحنا .. وساعة أو ساعتين في اليوم يجلس معانا بالبيت ويقضي مع عياله بعض الوقت .. |
أخي بارد ..
مريت على عجل على موضوعك المعاكس وشفت أمنياتك .. فقلت وش معنى أنا بس طلب واحد ؟؟ خلني أصير طماعة من حقي أحلم .. فرجعت للموضوع عشان أصف لك من أمنياتي : :) 2 . أتمنى من زوجي يهمزني في ظهري بعد ما أرجع من الشغل <<<< وللا يعني بس الرجال ينكرف من العمل والمرة انسان آلي ماتتعب .. 3 . أبغيه إذا بدل ملابسه يرفعها من الأرض الله لا يهينه ويرميها في سلة الغسيل ..<<<<< صعب هالطلب ؟ 4 . ابغيه مايجنني بسيرة البنات والزواج وبعدين يقول لي أمزح <<<<<< أمحق مزح .. 5 . أبغيه إذا قلت له عندي مفارش السرير توديها المغسلة .. ما يقول لي بعدين أو بكرة ..<<<< بكرة في مصطلح زوجي يعني الشهر الجاي . 6 . وإذا خذ المفارش المغسلة يومين ويرجعها مو يخليها شهر .. 7 . أبغيه يتصل بابوي بين فترة وفترة خصوصا في المناسبات من غير تذكير .. 8 . أبغيه إذا رجع البيت يغلق جوالاته أو يحطها على الصامت وينساها .. 9 . أبغيه يغسل سيارتي ويصلحها إذا فيها مشكلة حالها من حال سيارته من يصير لها شمخ صغير ركض للكراج <<<<<<<< للحين ماصلح الدعمة اللي في سيارتي من بعد الحادث اللي صار لي .. 10 . أبغيه يمسك أيده شوي من الصرف ويجمع ويشتري لي بيت .. بسه ديون كل يوم أشوف ديونه تزيد .. ما أدري على أيش .. :(:(:( 11 . أبغيه قبل مايذكرني بتقصير يفكر في إيش قصر بالأول .. يمكن .. لي عودة .. |
انا ابيه رجل بمعنى الكلمة له شخصية وحضور في بيته وخارج بيته
يعرف كيف يتعامل مع زوجته بحنان من غير ضعف وتدليل من غير افساد وكرم بدون تبذير يحسسسها دوما بانوثتها وليس فقط داخل غرفة النوم يذكرها دوما بحبه لها يمتدح لبسها بيتها طبخها يجعلها تشعر امامه بقوته وضعفها وحاجتها اليه هناك الكثير من الامنيات ولكن هذا ما يحضرني الان |
بارك الله فيك اخي والله موضوع حقا مشاكس
خلينا نتابع لنستفيد عسانا نسعد زوجاتنا لما نتزوج ان شاء الله هيا بنات افيدونا ولا تبخلوا علينا متابع باهتمام ........... لفظ المشيئة يكتب على هذا النحو (إن شاء الله) |
مرحبااااااااااااااااااا
ابغاه لمن يدخل البيت يسلم عليا(بوسة) لو عالجبين المهم وحدة عشان كل مايخرج اشتاق لرجعته ودايما انا حتى لو ماسلم ادكره والا اليوم ما ثبتت بدون طلب قولولي هيا صعبة ابغا لمن اكلمه يطالع فيا ويرد بكلام مو بي ايمائات. قبل لايجي البيت يدق يقول تبي شئ. يدعيلي لمن يشوفني مشغولة مع اولادنا اوفي المطبخ يقولي الله يعطيكي العافية لمن لحضر لو اشيائو ولا ابسطه يقولي الله يريح قلبك او الله لايحرمني منك الله يرضى عليك وياااااااااااااااااااااااااااارجال علمو بعض الكلام الحلو مو بس تثقفو بعضكم في المواضيع الجنسية يحنا نحتااااااااج كلام حلو واحساااس وسامحوني كتبت من قلبي ان شاء الله تستفيدوا لفظ المشيئة يكتب على هذا النحو (إن شاء الله) |
الاخ بارد وش هالموضوع الحار يا بن الحلال لا تفتح عيونهن علينا خلنا حنا بس نتشرط!!!
دمت بخير وطاعة |
اقتباس:
حرام عليك وش هالأنانيه عاد :d يعني من حقكم تطلبو ومو من حقنا نطلب ... مو عدل كذا !! :( |
السلام عليكم :-)
أخي ابو العزيز ما تكون أناني عاد ترا البنات ما عندهم نفس ولا إيش؟ أنا أعرف إنك تمزح بس لا يزعلو منا و يبطلوا حكي.... أفيدونا عبروا عن أنفسكم عسى يكون فارس احلامكم يتعلم من مقالتك فيطبقو معاك........ يعطيكم ألف عافية مازلت متابع باهتمام ........ |
| الساعة الآن 07:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©