|
كيف اجعل زوجتي تستأذن مني عند خروجها؟
السلام عليكم
انا مملك لي شهر كل يوم احاكيها وندردش مع بعض ومن ضمن السوالف اسألها هاه ياحلوه ايش سويتي اليوم ؟ تجاوب باليوم الاول رحت مثلا للسوق !! اليوم الثاني صديقاتي !! الثالث رحت للمصوره !! الرابع رجعت من العمل ونمت ولاطلعت !! الخامس رحت لمركز رياضي وسجلت فيه وبتمرن كل يوم عندهم !!! انا ياحبايبي ما امنعها لكن مو هي زوجتي ولازم تستأذني وتشاورني في بعض الامور ؟ ايش رايكم صراحه اريد الجواب صريح حتى لو كانت مره |
كان المفروض من أول ماتملكتوا تجيها باسلوب حلو وتقول لها إذا بغيتي تطلعين عطيني خبر ( لا تقول شاوريني ) عشان تعود نفسها ..
كم مر على تملككم ؟؟ إذا وقت طويل بصراحة صعب تتغير .. بس إذا توكم جداد بتتقبل التغيير .. خلك واضح وصريح من البداية .. ووقول لها بأسلوب حلو إنك تتمنى منها تتصل قبل ماتطلع .. عشان تتطمن عليها .. موفق .. |
عادي بس هي ممكن مومتعودة عليك لسه بس الواجب انت تطلب منها انها تستأذن منك وتفهمها الاشياء اللي بتحبها والاشياء اللي مابتحبها علشان تقدر تتعامل معها بالطريقة اللي انت ترسمها لها ؟؟؟
والله يوفقكم |
اقتباس:
|
أنا أشوف إن الاستئذان يجي بعد الدخول , هي الحين ببيت أبوها ولسى ماجتك ولا أنت مسؤول عنها للآن
لو قلت لها شي أخاف تقول , من الحين يتحكم ............إلخ طوووول بالك , ولا تفتح على نفسك باب بحيث تاخذ عنك فكرة إنك شديد ومن هالشي , وممكن تتهرب من المكالمات ..... ممكن تلمح لها إذا الموضوع مزعجك مرة , لكن لاتصرح .. |
يمكن عشانك ما قلتلها من البدايه
لو قلت والله بتستأذن منك ... والله يوفقك إن شاء الله |
السلام عليكم
الله يألف بين القلوب وييسر الامور أكيد حلوه منها لما تستأذن منك لكن انا اقولك طريقه حلوه انت كل يوم تتصل عليها صح؟؟؟:22: **اذا مره اتصلت وسألتها وينك حبيبتي صوتك مو في البيت **راح تقولك ايوه حبيبي انا في النادي **ماشاء الله يارب تكوني مبسوطه بس ياليتك بلغتيني عشان اطمن عليك اخاف لاسمح الله يصير شي فيك وانا ماادري انت فين حبيبتي حلوه منك لما تطمنيني عليك انك خارجه لاتجيب الموضوع على انها تستأذن منك جيبها على انك تبغاها تطمنك عليها صدقني البنت راح يعجبها الوضع لانك حابب تطمن عليها مو حابب انها تستأذن وكل مره قولها قلقت عليك ياليتك بس تطمنيني وإذا مره عملتها وبلغتك انها رايحه للمكان معين عزز الفعل الايجابي منها وقولها (( ياحبيبتي ان شاء الله تنبسطي وانتبهي على نفسك واذا احتجتي شيء اتصلي عليه سهره سعيده يارب)) هي راح تنبسط وشوي شوي راح تتعود ومره من المرات صارحها وشوي شوي راح يتغير الموضوع اهم شي التروي وتوصل الفكره بطريقه سلسه خفيفه والله لايغير عليكم ويألف بين قلوبكم |
لحظه شوي
مملكين لكم شهر؟؟؟؟؟؟؟؟؟؟؟؟؟؟؟؟ يااخي اصبر شوي البنت ماهي متعوده انها تستأذن وبنفس الوقت صارحها وعودها على الاشياء اللي تحبها وهي راح تنفذ بس ياخذ معاها وقت الين تتعود الله يألف بين قلوبكم |
عادي انا كنت اطلع واروح وأجي في فترة الملاك ماأقول لزوجي أروح السوق واطلع طبيعي أنها ماتخبرك وقت طلوعها لأنها تجهز كل شوي تتصل فيك ترا بطلع المكان الفلاني أشوفها صعبه شوي أنت عودها تحكي لك وتقولك عن برنامجها اليومي بس لاتطلب ولاتحاول أنها تستأذن منك وأنتا لسى مادخلت بها لاحق بعد الزواج ماتعتب الا بأذنك,,الله يوفقكم يارب
|
اقتباس:
|
| الساعة الآن 11:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©