|
اول ... ايام الفراق
السلام عليكم اخوتي واخواتي الكرام ولله لكم وحشه كلكم ؟؟؟ المهم؟؟؟ زوجي على وجه سفر وبصراحه اول مرة من تزوجنا يسافر او انه يبات برع البيت :29: يمكن البعض يشوف موضوعي تافه وماعندي سالفه مقارنه بالمشاكل اللي تعرض.... لكن الله العالم اني لو يغيب ساعتين احس اني يتيمه ووحيده :24: ((والوحده شيءمخيف بالنسبه لي من قبل الزواج ما بالكم بعد الزواج والعيال)) وبصراحه مادري اذا كانت حالتي طبيعيه والا انا وسواسيه وبعد ضيقة الخلق والصياح والارق وقلت النوم والتفكير قلت في نفسي خل اشغل بالي في تجهيز البيت والغرفه لعودته؟؟ وانا ما ادري اذا كانت هذي الفكرة صح او خطا؟ وبعدين شنو اقدر اسوي؟؟ في اسبوع؟ لاتقولون لي شوفي المفضله لاني سويت كل اللي فيهاااا في ايام الاعياد؟؟:25: وما اطول بالكلام والسوالف... اتمنى انكم تساعدوني |
ماراح لااحد راح يقولك موضوعك تافه بل بالعكس مهم جدا لمن يعشن حياة زوجية سعيدة فمن غير المعقول انه لايوجد بهذا الكون من يعيش حياة سعيدة..
وانا يااخيتى مثلك لااطيق فراقه ساعة فكيف اسبوع وسبق ان سافر زوجى لفترات من اجل العمل وساقول ماذا كنت افعل بهذه الفترة.. اولا : اعتنى بنفسك وجسدك عناية فائقة جربى كل الخلطات .. ثانيا: قومى بالتغيير بمنزلك اى شى يسهل عليك نقله حتى لو كانت لوحة..وياحبذا لو غيرت فى غرفة النوم من مكان السرير الى اللحاف.. ثالثا: اضيفى بعض الاضاءات الجميلة لغرفتك. رابعا: قومى باعداد حفلة استقبال من فقرات تشمل الاولى ابنائك والثانية تخصك.. واخيرا وأهم شى قومى بكتابة كلات رقيقة معبرة فيها عن حبك وعذاب فراقه فى قصاصات صغيرة توزع على جيوب قميصه وبنطلونه على عدد ايام غيابه.. احصرى تفكيرك بهذا الامر وستكونين بنفسية افضل.. واسالى مجرب.. |
يا ويلي على حالي :23:
كسرت خاطر نفسي ههههههههههه :d عيل انا شقول يا خويتي 5 شهور عيني ما شافته !!:( وتقولين لي اسبوع اجل انا اروح انتحر احسن ههههههه والله حسستيني اني مسكينه!!!!!!!!!:29: ما عليج يالغلا اعتبريها تجديد ترى مشاعر الوله والشوق والبكا لفراق المحبوب حلوه جربيها اسبوع!!!!:17: |
أنا أقترح عليك تفكري تجددي من نفسك ذي الفترة بحيث يصير الزوج يحس أنك زوجة ثانية ، يعني فكري أنك تسعديه أكثر من أول ، فكري أنك تتركي الاشياء اللي مايحبها فيك إن كانت موجودة ، فكري تفاجيئه بأشياء كثيرة ، فكري في عبارات الشوق والحب اللي راح تسعده ، حسسيه أنك تغيرتي 180 درجة وهكذا .. ولاتنسي تدقي عليه قبل لايدق عليك وتقولي له عن شوقك له وانك ماتقدري تستغني عنه .. هذي راح تخليه ماينام الليل وينتظر اليوم اللي يرجع فيه لك ، وراح تلاقي المعاملة منه بالمثل ويمكن أحسن .. وأهم شي من ذا كله أنك تكسبي الاجر في زوجك .
|
حياة الروح
اشكرك اختي الغالية على مواساتي لاني لما اقولحق خواتي يضحكون علي ويقولون ولله انج تافه وما عندك سالفه عنده شيءعادي وانا عندي لاءمش عادي؟؟؟ حتى وحده اتقولي احسن لك وش اللي احسن لي؟:( تسلم روحك حبيبتي على ردك الحلو اللي مثلك....... واعجبتني فكرة حفلة الاستقبال؟؟:11: شكراا لمرورك وتفاعلك 3thooooooob بــــــــــــــــــــــــــــل بـــــــــــــــــــــــــــــــل الله يعينج يا خويتي لو انا مكانك ما كنت باتحمل الله ياجرج خيــــــــــــــــرخويتي اماااا اناا فربــــــج عالم بالحال كم اسعدني مرورك يا الغالية الاخ العزيز ( البارد ) شرفني مرورك اخاف اغير من طبعي واطينهاااااهههههههههههه وما يعجبه لا اللي اتعرفه احسن من اللي ما اتعرفه |
الله يعيينج يااختي .. حاسه فيج من كل قلبي والله .. لاني اخبر مرة كان ببسافر زوجي بس يومين ... وكانت حاله صععبه جداً .. بس الحمدلله تكنسلت السفره ..
وابدا محد بيضحك والله انك صادقه اذا الزوج غالي فعلاً فراقه صعب .. والحمدلله انه اسبوع ... غيرج خمس شهور .. الله يصبرهم بس .. طبعاً ماوصيج بالرسايل اللي بين الثياب ... وفي المخابي .. لو تحطين هديه حلوة وبسيييطه يتذكرج فيها طول الرحله .. في حركه شوي مادري عن مدى قدرتج على تطبيقها .. عقب ماتحطين كل الاغراض ف الشنطة .. حطي فستان معطر بريحتج المميزه .. مب شرط فستان اي شي من ثيابج .. وطبعا من يطلع من البيت طرش له مسج انه من الحين اشتقتي له .. وذكريه انه يقرا على نفسه ويقول دعءا السفر ويحصن نفسه دوووم .. وهو مسافر اتصلي فيه وقت الصلاة قوميه .. عشان يعرف انك حريصه انكم تدخلون الجنه مع بعض ان شاء الله .. وبين فتره وفتره ارسلي له مسج شوق وحب وغرام .. طبعاً أهم شي انك ماتحسسيه انك متضايقه من قعدتك بروحك وايد .. عشان مايحس بالذنب ويتونس شوي .. يعني حسسيه انه فراقه صعب بس بدون ماتضايقينه وتنكدين عليه .. << مادري اذا فهمتي قصدي او لا .. الحين نيي لما بيرد .. طبعاً البيت يتغير 180 درجة .. الشموع في كل مكان .. واهم شي الحمام الدافي اللي كله ورد وشموع وريحه ولا احلى .. اما انتي تكونين لابسه شي ناعم وعلى قولتهم مستره بس مغريه .. يعني شي راااقي جداً .. مش من اول مايجي تكونين لابسه ثياب مغريييييييييييييييييييييييه جداً .. اللبسه المغريه جداً .. " قميص النوم " تكون محطوطه بطريقه حلوووة في الغرفه مع بجامه حلوة لزوجك .. وانتو عاد وشطارتكم . وطبعا لاتنسين المساج عشان تريحينه بعد هالسفره .. الله يهنيكم ويسعدكم ويعدي هالاسبوع على خير .. وطبعا لاتنسين تروحين تسوين بدي كير ومني كير وتنظيف بشره وحمام زين عشان يرد يلاقيج فرررررررش .. سوي كل اللي سويتيه يوم كنتي عروس .. في أمان الكريم اختي .. |
اختي الغالية (حامله الهم)= انا باسميج حامله الامل ما شاء الله عليج والله ان كلامج مريح وكله ذوق وحكمه وبكل صراحه على كثر ماني زعلانه الا ان اللي يزيد همي محد حاس فيني من حولي والله اني حاسه اني وحيده (الله يجزيك عن يكل خير وما قصرتي بارك الله فيج واحياج حياة سعيدة في ظل من تحبين) |
| الساعة الآن 06:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©