منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)

- أرشيف مملكة المرأة (http://www.66n.com/forums/forumdisplay.php?f=67)

- - حبوب ((رويكتان))) (http://www.66n.com/forums/showthread.php?t=146058)

حبوب ((رويكتان)))

السلام عليكم احبتي الكرام

انا سويت تقشير كيميائي

ونصحتني وبنفس الوقت خوفتني الدكتوره

بحبوب(((ROUCTAN)))

وطالبه مني 5 تحاليل

للدم

كوليسترول

وظائف الكبد

وغيرها

علشان استخدمها ولمدة شهرين

وممنوعه من الحمل 5 شهور لانها خطيره جدا

اكيد بتقولون ليش المغامره

لان التقشير ماراح يعطي مفعول حلو الا باستخدامها

ياليت من جربها يفيدني

يسعدكم ربي دوووووم يالغاليات

تقولين الدكتوره نصتحك بتجربة الأثنين معا وفي نفس الوقت !!!!!

هذه مجنووووووووونه أكيد ..

تجربة الاثنين معا او تباعا دون ان يمر بينهما سته اشهر علي الأقل أكبر خطررررررررررررررررررر على البشره ..

أكلمك عن تجربه لأنه سبق لي استخدام هذه الحبوب وأعرف مضارها ومنافعها جيدا ..

هلا حبيبتي مشاعر

تقصدين بالاثنين

التقشير والحبوب

ماينفعون مع بعض

وايش المده اللي استخدمتي فيها الحبوب وطلع لها اثار او مضاغفات

يسعدك ربي طمنيني

نعم قصدت بالاثنين الحبوب والتقشير ..

لازم يكون بينهم سته اشهر على الاقل ..

انا طبعا مقيمه في فرنسا ..

ودكتورتي طبعا وشاطره مررره عشان كذا اتطمئنيت وتوكلت على الله وسويت العلاج هذا ..

العلاج هذا مرررره قوي على البشره ..

والمفروض انه يمنع ظهور البثور بشكل فعال ..

وتحتاجين كورس واااااحد مدته سته اشهر كامله ..

لكن لو كان سنك تحت العشرين فمن الممكن تعاودك البثور بعد فتره وتحتاجين لكورس اخر ..

الحمل ممنوع طبعا خلال فتره ثمانيه اشهر ..

مدة العلاج نفسها وشهر قبله وشهر بعد ..

لكن يستحسن ان تمتد فترة منع الحمل اكثر ..

لأن العلاج يسب تشوهات خطيره للجنين ..

عن نفسي أنا حاولت انسق الوقت بين علاجي وزواجي ..

وخليت الفرق بين يوم زواجي وبين يوم اخر حبه استخدمتها من العلاج سبعه شهور كامله بحيث يطمئن قلبي اكثر على بنتي اللي لسه ماجت :d ..

خلال فترة العلاج ممنوع التعرض للشمس نهائيا بدون كريم واقي من الشمس ..

والواقي لازم يكون رقم 50 على الأقل ..

لازم تحاولين انك ماتعرضي بشرتك لأي جرح او قطع او حرق خلال فترة العلاج لأن الجروووح راح تاخذ فتره طويله لييييين تندمل ..

راح تشوفين بشره وجهك وجسمك تترقق كثير خلال العلاج بسبب تقشر طبقاتها ..

لهذا ممنوع تستخدمي الحلاوه لازالة الشعر لأنك ممكن تنزعي الجلد نفسه ..

اثار الحبوب راح تخف نوعا ما بسبب التقشير المستمر لكن ماتختفي تماما ..

لازم تظلي على طول ترطبي بشرة وجهك وجسمك كله بكريمات لأنه راح يجف مرررررره ..

اما الشفايف هذه حكايه لوحدها .. تصدقين كنت اذا نسيت احط مرطب عليها لمدة ساعه مثلا اشوفها بدت تشقق وتتقطع ويسيل دم منها ..

حتي الان ورغم مرور شهرين علي نهاية العلاج مازالت بشرتي جافه وتحتاج لترطيب مستمر ..

اما شعري عليه العوض ومنه العوض .. صار لي اربع سنين اطوووووول فيه عشان يجي الزواج وهو حلووو وطووووووووويل ..

لكنه تساقط كله وقت العلاج وجف كثيييير ..

حتى فروة راسي جفت كثيييير وصار فيها قشره جافه ..

والحين بدا يطلع بدل اللي سقط لكنه صار مبهدل مررررره وتلقينه بمختلف الاطوال ..

شعر دوبه يطلع .. وشعر اطول شوي .. وشعر اطول اكثر ..

على العمووم هي الدكتوره قالت لي اختاري بين بشرتك وبين شعرك ..

لكن بالنهايه انا ماني نادمه على استخدامي للعلاج هذا رغم كل شئ ..

لأني كنت وصلت لمرحله طفشت فيها من حب الشباب وودي اتخلص منه نهائيا ..

خصوصا واني اتعالج له من عدة سنين ..

واذا تبغي معلومات ثانيه انا حاضره ..

نسيت اقلك يافيافي انه حتى بعد انتهاء العلاج ممنوع استخدام الحلاوه لأزالة الشعر ..

او التعرض لأشعة الشمس .. او التقشير الطبي للبشره ..

ولمدة لاتقل عن سته اشهر كامله ..

اقتباس:

خلال فترة العلاج ممنوع التعرض للشمس نهائيا بدون كريم واقي من الشمس ..

والواقي لازم يكون رقم 50 على الأقل ..

بمعنى طوال ال6 اشهر

مااتعرض للشمس الا بواقي

اقتباس:

اما الشفايف هذه حكايه لوحدها .. تصدقين كنت اذا نسيت احط مرطب عليها لمدة ساعه مثلا اشوفها بدت تشقق وتتقطع ويسيل دم منها ..

حتي الان ورغم مرور شهرين علي نهاية العلاج مازالت بشرتي جافه وتحتاج لترطيب مستمر ..

اعطتني الدكتوره كريم للشفايف وحول العين

اسمه AVene

صغير وغالي مره

ماادري استخدمتيه

او اي مرطب ممكن استخدامه بداله بعدين

اقتباس:

لكن بالنهايه انا ماني نادمه على استخدامي للعلاج هذا رغم كل شئ

بمعنى ان نتائجه مضمونه باذن الله

عندي وجهة نظر يالغاليه

ان التقشير خارجي للبشره

والحبوب داخلي تاثيرها

بمعنى انهم ماهو كريمات خارجيه سوا

والا وش رايك يالغاليه

نعم يجب عدم التعرض للشمس بدون واقي طوال فترة العلاج ..

حتى بعد انتهائه ايضا ولمدة سته شهور ..

ولا راح تتعرض بشرتك لحروق شمس سيئه ..

ماركة Avène اعرفها زين وسبق لي استخدام عدة منتجات منها قبل ما ابدء علاجي ..

والواقي اللي استخدمته خلال العلاج كان منها وبنصيحه من الدكتووره ..

لكن اذا تشوفينها غاليه لاتشتري منها غير الواقي بس لأنه ممتاز مرره ..

لأن اي كريم مرطب ينفع ويؤدي نفس الغرض ..

بالنسبه لسؤالك الاخير مافمته زين لكن بقولك شئ ..

اذا كني سبق وتعالجتي لحب الشباب من قبل ..

راح تلقين ان كل دكتوور يوصف دائما حبوب انتيبيوتك يعني مضادات حيويه لمنع التهابات البشره حول الحبوب وهذا علاج داخلي ..

ويوصف معها كريم موضعي لتقشير الحبوب وهذا علاج خارجي ..

لكنه كل هذا يعتبر علاج مؤقت لأن الحبوب ترجع بمجرد ايقاف العلاج ..

اما علاج روكتانا هذا فهو علاج نهائي لأنه يعيد تنظيم عملية افراز الجسم للدهون ..

وبالتالي يمنع عملية تكوين البثور من أصلها ..

وبنفس الوقت يقشر البشره ويخفف اثار الحبوب ..

أتمنى اكووووون افدتك .. واذا احتجتي شئ اخر انا حاااااضره :) ..

نسيت احكي لك يافيافي على حادثه ظريفه صارت بسبب هذا العلاج ..

اصلا الاثار الجانبيه للعلاج مرررره قويه ..

ومن ضمنها انه يسبب في حالات نادره اكتئاب واضطرابات نفسيه كبيره ..

والمفروض ان كل دكتور يبلغ المريض قبل بدء العلاج بكل الاثار هذه ..

ويخليه يوقع على ورقه مكتوب فيها انه اطلع جيدا على كل الاثار الجانبيه ومع ذلك يوافق على بدء العلاج ..

الدكتوره حقتي خلتني اوقع على ورقه باني اتعهد بعدم الحمل خلال فترة العلاج ..

وبأني اطلعت على كل الاثار الجانبيه للعلاج وموافقه عليها ..

فاللي صار انه شاب امريكي عمره 23 سنه كان استخدم العلاج هذا بوصف من دكتور جلد امريكي ..

وبعدها صار عنده اكتئاب نفسي والظاهر ان الدكتور حقته ماكان بلغه بالاثار الجانبيه هذه ..

فهو وبسبب اضطراباته النفسيه بسبب العلاج ..

وبسبب كمان حقده على الدكتور لأنه مابلغه بعواقب استخدام العلاج ..

تدرين ايش سووووووى ?????

راح لعياده الدكتور وقتله بطعنات سكين ..

وبعدها مرت شهوووور علي الحادثه ..

ولما حس ان السلطات الامريكيه اوشكوا بعد تحقيقات مطوله على اكتشاف امره ..

هرب لجزر المارتينيك الفرنسيه ..

وطلب الجنسيه من فرنسا بحكم كون امه جنسيتها فرنسيه ..

وبعد حصوله على الجنسيه راح سلم نفسه للسلطات الفرنسيه ..

ولو تعرفين ليش بس سلم نفسه على الاراضي الفرنسيه ..

لأنه معروف ان قانون العقوبات الفرنسي يمنع حكم الاعدام ..

بعكس القانون الامريكي ..

وهو بحكم حصوله علي الجنسيه الفرنسيه ضمن انه عقوبته راح تكون السجن وليس الاعدام ..

والحين الحكومه الامريكيه تطالب فرنسا بتسليم هذا الشاب وفرنسا رافضه ..

الصحف الامريكيه والفرنسيه تكلموا كثيييييييييير عن القضيه ..

رايك يامشاعر احجز لفرنسا من هالحين:24:

الله يسعدك افدتيني كثير

يالغاليه

ويتمم زواجك بخير

يارب

أختي استخدمتهم من مستشفى حكومي

وكل شهر تسوي تحليل كبد

وكتبت تعهد إنه مافي زواج حاليا ولا حمل

وتراها خطرة مرررررررة لازم تحت إشراف طبيب