ما أبي أعطي روحي وقلبي للشخص ما يخاف الله << تكفون ساعدوني
 

السلام عليكم ورحمة الله وبركاته


مشكلتي يمكن كثير يستهان فيهاااا بس أنا مانمت بسببها ايام ونفيستي بالأرض حتى لهفتي في التجهيز للعرس أختفت وحل مكانه أحباط ويأس تسألوني ليش أسمعوووووو وأفهموني


أنا بنت والحمدالله تربيت في بيت محافظ عمرنا مانسمع الكلمة الغلط محافظين على الصلاة حتى لو قصر بعض أخواني بأنهم يصلونها بالبيت بعض الأيام بس ألاحظ الندم بعيونها وبكلامهم بعد فترة أشوف التغير للأحسن المهم قبل كم شهر تم خطبتي للشخص كل الناس أمدحت فيه وبأخلاقة والصراحة فرحت مثل اي بنت تعيش تجربة دخول حياة جديدة عند شخص يمدحونه ويثنون عليه صح أني ماشفت ألا مرة أو مرتين بس يعني ماحست لا بالخوف ولا بالفرح عادي وكان هالشي بالعطله بدأت الدراسة ورجعت الجامعه وبسعاده بحياتي القادم ولكن يافرحة ماتمت أنصدمت بالعز الناس عندي أنها تكلم وبعد شخص متزوج كرهتها ألا كرهة الساعة ألي تعرفت عليها لاني أحس بالقرف بلي يسون هالحركات والتصرفات الغلط تحججت بأني مو عايشة بالزمان وأنه كل الشباب يكلمون ويمكن يسون علاقات بالحرام وعادي ولا يقتصر على عزاب بعد متزوجين

كذبتهاااااااا وقمت أدافع عن الرجال بشكل عاااااام << محاميه عنكم

مشت الأيام والصورة الغلط بدت أصدقها شفت أكثر من بنت بنفس الحاالة يقولها أحبك وبعدها بكم يوم نشوف أعلان زواجه شفت كل أشياء كثيرة كرهتني بكل شي يرنبط بأسم رجل
وأستمر هالشعور أستغفرت ربي وقلت يابنت الدنيا بخير شوفي أنتي وأخوانك كل شي مفتوح قدامكم وما غلطتو والحمدالله وبديت أقول ألي يزرع لازم يحصد وكل واحد على تربية


حتي ذاك اليوم المشئوم كنت رايحة لبيت واحد من أقاربي شخص أنا بنفسي معجبه فيه وبأخلاقة الكل يمدحة ويثني عليه وأولهم أنا مستحيل أذا شفت لازم أبتسم المهم الرجل بعمر 27 دخلت وسلمت عادي أستذن مني علشان يروح يتوضأ ويليته ما خلاني <<<

وصل لتلفونه رسالة وسائط وبحسن نيه مني فتحة الرسالة وياليتني ما فتحتهاااااا

كرهته وكرهت القرابة ألي بيننااااااا كانت صورة بنت كاشخة ومتزينه بوضع مخل وتبعه مسجين بعد بنفس المعني وبالأخير كاتبه له <<< أنتظرك لا تتأخر وكاتبه أسمه الي نناديه فيه ابو ؟؟؟؟

سكيتة ويوم شفته قرب رميت التلفون بيد أخوي الصغير خذها منه وبدا يهاوش ليش يتعبث والحمدالله أخوي خمس سنين زين مافضحني راقبته وأنكسر شي بداخلي << يوم شفته يقرأ المسج أبتسم وقام يبدل نزل بعد فترة كاشخ ومتزين ومافي أحلا منه بكيت لاني أعرف هالرجال عدل ماله بالحركات هذي وبعد أنه زواجه قريب المهم الطامة الكبري أني حفظت رقم البنت لحاجة بنفسي

وبعدها بكم يوم دقيت عليها مغلط يعني ما أدري ليه بس أبي شي يأكد لي تكلمت عادي وتأكد أنها رقم بنت كنت أبي أي شي يبريه من هالشي المهم عند وحده من أقاربي ساكنه بمنطقة بعيد شوي
سمعتها وأنا أدخل لهم الحلو أنها شافت واحد يشبه قريبي يدخل البيت ألي مقابلهم وبدات تسأل ربها العافية وتقول وين الشرطة عنها عرفت أنه هالبيت فيه بنتين مافي حدا ما يعرفهم ويسهر معه يعني <<والعياذ بالله بنات شوارع
بكيت ذيك الله وكل شي حلو تكسر قدام عيني أذا هذا الشخص ألي لو شفته بعيوني ماصدق من أخلاقه يطلع كذا كيف زوجي ألي ما أعرف عنه شي

تكفون ساعدوني لا تقولون بري أنا متأكد للأسف وخلاص صدقت مقولة تلك الصديقة ألي أنفصلت عنهااا
(((( كل الرجال يعرفون بنات سواء بعد الزواج أو قبله ومستحيل ما يدخل هالطريق لأنه بنسبه لهم ضعيف شخصية وخواف ))

لا تقولين مو كل لاني أنا من شفت هالقريب بديت أشك حتى بأخواني كيف زوجي ألي بأجتمع فيه بعد كم شهر ألي كرهت



بالأخير تكفووون ساعدوني كيف أعرف ولد الحلال الأخلاق عن الشخص ألي يتعامل بااحرام يعني راعي سوالف وشقق وبنات<<<<<< بليز ردو على تراني يتيمه ومابي أعيش وأعطي قلبي وروحي للشخص مايخاف الله

أختي

ألا تثقي في إنه ( الخبيثين للخبيثات والطيبين للطيبااات ) ؟؟؟؟؟؟؟؟

صدقيني مو كل الناس كذة

و لو هناك رجال أتمنى يرد عليك بإجابة شافية

يااختي مش كل الرجال لهم علاقات الدنيا بخير لاتخافي

لاتصدقي اعذار الخونه وان كل الرجال كذا

واستخيري حتى ترتاحي ولاتنسي الدعاء دائما بالخير لك ولزوجك وان يحفظه ويبعد عنه بنات الحرام

الطيبون للطيبات والخبيثون للخبيثات

واعتقد الرسالة وصلت

والله الجلسة بدون زواج افضل وابرك الف مره من هالاشكال

اااااااااااااااااااااااااااااااااااااااااااااااااا ااااااااه بس قلبتي المواااااااااااااااااااااااااااااااااااااااااااااج ع

طول عمري وانا ادافع عن الشباب ......وارد على البنات واقولهم مو كل الاولاد سيئين

وكانو البنات يردون علي ياحليلك صحيح انك بريييييييييييييييييئة

وكنت اقول مثل مافي بنات محترمات ومحافظات اكيد فيه اولاد محترمين ومحافظيييييييييين

وظليت على هاللفكرة لين تزوجت........وبعدين اكتشفت انه زوجي قبل لا اتزوجه كان يكلم بنات

واكتشفت هالشئ لانه غبي .....محتفظ بغرامياته في دفتر .....ما ابي اظلمه يمكن كان وتاب....المهم

الحمدلله اني انفصلت عنه....

بس من جد قهر البنت تحافظ على عذرية مشاعرها ولاتسمح للقلبها بأنه حتى يلتفت لأحد عشان في

الاخير تتزوج واحد مدمن علاقات...........الله يعوضنا في الاخرة

وبعدين .......اخوي اللي كان ماشاء الله تبارك الله اكتشفت انه يكلم بنت ......للأسف لما صار عمره 25

انتكس صار يدخن ويكلم .......وصرت احتقررررررررررررررره بيني وبين نفسي....

المهم الحين انا عندي نفس فكرتك عن الرجال....

وفعلا اكتشفت اني لما كنت بريئة ......كنت متفائلة اكثر

ما لك يا اختي الا الدعااااااااااااااااء لله ان يكتب لك رجلا عفيفا....وبس

الله يوفقك ويستر عليك يارب

بصصراحه يعني بكل ذكاء انتي تصدقين انو في واحد بيجلس من يبلغ وعمره 14 او 15 الييما يتزوج اقل تقدير 25 وهو ماله اي تجربه ولااي علاقه ولا اي شي
اقولك اياها شي شبه مستحيييييييل
لا تحاسبين على الماضي حاسبي الانسان اللي تربيطين فيه من لحظه ارتباطكم بس

اجل لاتزوجين الا واحد ملتحي ( مطوع - امام مسجد ) ليطمئن قلبك وهذا هو الحل

الدعوة ماهي باللحية وانا اخوك ولا بإمامة الناس بالمساجد ..
--------------

اضم صوتي لرجل الساعة بأن التجسس على الناس ليس من شيم المسلم الحق ..

واعود الى مشكلة الاخت بكلمة بسيطة

لو فقدتي ثقتك بالناس فلا تفقديها بالله

قال الله تعالى : ( الزَّانِي لَا يَنْكِحُ إلَّا زَانِيَةً أَوْ مُشْرِكَةً وَالزَّانِيَةُ لَا يَنْكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ ) سورة النور

عن ابن عباس رضي الله عنهما قال قال رسول الله صلى الله عليه وسلم ( عفوا تعف نساؤكم ) وروى الطبراني عن جابر والديلمي عن علي بن ابي طالب رضي الله عنه مرفوعا “لا تزنوا فتذهب لذة نسائكم، وعفوا تعف نساؤكم، أن بني فلان زنوا فزنت نساؤهم”.

فثقي بالله وابشري بالخير