|
ما رأيكم بعروس تبي تتكلم معك
السلام عليكم
حدث هذا الموقف مع احد اقربائي وهو جى الرجال وخطب البنت رسمي من ابوها لكن ما عرفت تتكلم مع الرجال وتشوفه لانه زوجت الاب موجوده وتبي تصارخ بعد شوي وخصوصا ان العروس سمعت عن هذا العريس انه عصبي قامت قالت لعمها ابي اكلم العريس مش بالشوفه الشرعيه تجلس الوحده ويجلس العريس يسأل وهي تسأل اكم سؤال لكن مثل ما قلت لكم الظروف ما سمحت لها ولا له بالكلام ابدأ المهم العم وافق وكلم الرجال وقال له العروس تبي تتكلم معك والعريس وافق وتكلم معها قرابت النصف ساعه طبعا امام العم بعد اسبوع جى يتفق مع الاب على المهر وبعدها ما رجع ابدا هل البنت غلطت بتصرفها وهل لم يرجع بسبب انها كلمته يعني (قال هذه جريئه ما تلزمني) ابي اسمع ارائكم مع انه البنت مازعلت وقالت باين عليه متشدد جدا :11: |
والله الله اعلم بالحوار اللي دار بينهم هو يحدد جرئة البنت ولا كان حوار عادي بس انت تقول بعد اسبوع جه يتفق مع الاب على المهر يعني هو الفكره كانت عاديه عنده بعد ما كلم البنت بس يمكن المهر كان موعاجبه او صارت له ظروف والله اعلم
|
اقتباس:
وثاني شي ما كان المهر خلفه ابدااااااااااااا |
يمكن طلب البنت انها تكلم الخاطب غريب حبتين
من حق كل بنت انها تعرف كل اللي تبيه عن الشاب وبدون هالطريقة المباشرة في كثير من البيوت, تتم الطريقة بالآتي يأتي الشاب للمرة الاولى (مقابلة شخصيه) ويتكلم معه ولي أمر البنت بكل ما يريد ان يعرفه وعلى أساسها يحدد القبول المبدئي وبعد السؤال عنه يحدد موعد للرؤية الشرعية بامكان البنت انها تطلب من ولي امرها انه ينادي الشاب مرة ثانية ويسئلة عن كل ما تريد وتكون هي خلف الباب وبدون ان تسأله هي مباشرة هذا يحسس الشاب بجديتها وبنفس الوقت بحيائها بصراحه لو كنت مكان الشاب سأفكر قليلا ولو كانت عندي خيارات مقاربة للمخطوبة ربما سأعيد النظر فيها لا بد ان نعرف عقلية الشاب وما يريد الدين الأخلاق الجمال والحياء والانوثه انا لا اقول ان فعلاها يخالف الحياء والانوثه ولكن ساقول في نفسي انها يفترض ان تبحث عن طرق أخرى بديله للحصول على المعلومة هذا رأيي الشخصي وهو قابل للخطأ |
السلام عليكم
ما قامت به البنت اعتبره من حقها وتصرفها يدل على وعيها و ما ظنته بالخاطب كان صحيح وإذا لم يكن صحيح فلماذا لم يرجع الرجل. ولكن يجب ان لا تكون ذات شخصية قوية جدا ... لان الرجل غالبا لا يحب المراه ذات الشخصية القوية تحياتي للجميع |
أتوقع ( أسلوب البنت ) كان له دور والله أعلم000
|
ياربي متى بنفصل بين العادات والدين متى يذهب عناهذا التخلف متى تقل نسبة الطلاق بسبب هذي الامور التافهه كلمني ماكلمته ....شافني ماشفته .....
ايش فيها اذا طلبت تكلمه وتتاكد انها راح تتزوج الانسان المناسب مو احسن ما تتزوجه وبعدين تكتشف انه لا يناسبها والله احسن لها اذا هو متخلف كذا |
والله أختي ما اشوف انها أخطاءت
وعادي انا شخصيا اتمنى هذا الشيء وبعدين اللي يقول البنت فيها وفيها عشان كلمته ياخي انا ما راح اتقدم لبنت الا وانا واثق من اخلاقها من اولها شك يعني اما مسألة انها غلط تكلمه الشرع ما حرم هذا وانا سامع الشيخ سليمان العودة اجاز هذا الشيء(اذا لم تخني الذاكرة) قال تعالى { وَلَكِن لاَّ تُوَاعِدُوهُنَّ سِرًّا إِلاَّ أَن تَقُولُواْ قَوْلاً مَّعْرُوفًا} وهذا بعد ما واعدها سر هذا قدام اهلها وبعدين مو من حق الرجال يخطب وبعدين ما يرد على البنت اذا هو ما يبيها يكلم ويقول ما فيه نصيب مو يروح كذا |
انا اقول تصبر سبوعين بعدين يقوم ابوها او عمها المسؤل عنها ويتصل بالخاطب ويشوف اخباره ويعزمه عندة في البيت وكذا يبين رغبة الرجل واذا رفض فالحمد لله توهم في البر
|
خيرة لها إن شاء الله
لوكانت المكالمة هي السبب كان ماجاء من أصله عشان المهر بس أتوقع إنه من نفسه هون , والخيرة فيما اختاره الله .. |
| الساعة الآن 01:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©