|
أم البنت تمنع بنتها من المكالمه معي
ما هي الأسباب في إعتقادكم الذي يجعل أم البنت تمنع بنتها من المكالمه معي
علما بأني زرتها بمعرفة أمها وأبوها عدة مرات وما هو الحل...؟؟؟؟ |
اعتقد ان سبب رفض الام خوفا على حدوث مشاكل لانه بعض الي مملكين تصير بينهم مشاكل ومشادات كلاميه او خلافات على رأي معين فتقول الام لا تكلمينه ولا يكلمك احسن وبعد الزواج تعرفي عليه من قرب إلخ
البعض هكذا الحل ماعلاقه الام لماذا هي اخبرتها انك تتصل بها هاتفيا !! انت زوجها وهي زوجتك ماله داعي انها اخبرتها واستأذنت منها المفروض هالامر خاص وايضا حلال لكما وتتعرفون على بعض وتعيشون ايام الخطوبه وبصراحه انت زرتهم بالبيت عدة مرات المفروض مايرفضون المكالمات اعتقد ان الزيارات هي الي اصعب واجرح ام المكالمات ربما اهون بقليل الحل انك تخبر زوجتك وتقول لوالدتها انه ماخذ بخاطره زوجي يقول ليه امك ترفض المكالمات بيننا والحل الثاني احرجهم واذهب لزيارتهم ومعك شريحة جوال باسم ومعك جوال وانت جيت تعطيه العروسه هديه وبهذا تقدر تكلمها وتكلمك وتتواصل معها عبر الجوال يعني لا تتصل على البيت الله معك |
لا هنا وبس
الحين هي زوجتك وامها ما تقدر تمنعها اقتباس:
لازم يتعرفون على بعض قبل الزواج (في فترة الملكة ) وكل واحد منهم يفتح قلبه للثاني وعشان تعرفون بعض زين |
اقتباس:
|
اقوالك اخوي روح لها البيت وطلب منها الخروج معك مو انت زوجها يحقلك انك تطلع معها وتعزمها على المطعم او تمشي وبعدي ن هذا حقك وقال لمها اذا ماخلتين اكلم بنتك بكر لا تلومين لمين اعرس عليها
وصدقني بتخليك تكلمها لنها بتخاف انك تسويها وتعرس على بنتها او حتي تسيبها بتجلس تفكر في كلام الناس والقيل وغير حن بعيل عندنا ناس مجربين ونفعت معهم جرب وشوف وحريم يكروهون الضرة ( الشريكة ) والله ولي التوفيق |
انا في رايي..ان الأم ماتبي الزوج يمل (يزهق) من خطيبته بسرعه
على قولة امي: اذا الله راد ونخطبتي...من الحين اقولج خطيبج ما يزورج الا مره في الاسبوع ^_^ قتلها ليش؟؟؟ قالت احسن لج عشان ما تزهقون من بعض بسرعه .... حتى المكالمات في اعتقادي اذا تميتوا وايد تتكلمون ويا بعض ما بتخلون شي حق عقب...يعني بتصير حالة تشبع.. هذا والله اعلم وربي يوفقكم في زواجكم يارب |
اقتباس:
الاخت (مبتسمة وكلي جروح) قالت فكرة انك تشتري لها جوال وتجيب لها شريحة وهالفكره صدقني بتحل المشكلة ولاتخبي عن امها بالعكس تقلها جاب لي هديه ويبي يكلمني فيها وخليها تعرف الاوقات الي تكون امها نايمه مثلا وتقدر تكلمك فيها لانه بعض الامهات يااخوي غير انها تخاف تمل منها تكون بنتها تساعدها بشغل البيت وتدبير الامور وتقوم انت تكلمها وتشغلها وعشان كذا تتضايق لاتشيل هم وخبرنا وش يصير معك |
| الساعة الآن 12:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©