|
إثقل لا تكون خفيف علشان لا تستخف بك الحرمه
السلام عليكم
أخواني وأخواتي فيه شي واحد محيرني أسمع من حولي ( إثقل لا تكون خفيف علشان لا تستخف بك الحرمه ولا تروحلها كل شوي ولا ترسلها كثر ولا تتصل عليها كثير وإذا إتصلت طنشها لا ترد ) هم يقلون هذا الكلام علشان أشوف الحرمه هي تدق علي ولا لا هل ترسل علي ولا لا ويقلون علشان لا تتغلى عليك إذا سمعت كلامهم أصبح فيه جفاء وإذا ما سمعت كلامهم يمكن يطلع الكلام صحيح وأنا في حيره من أمري تكفون ساعدوني وأرشدوني لأن دماغي ضرب والسلام |
لا كلام ومو صحيح ياخوي ذي حرمتك ام عيالك في مستقبل مو خويتك
اظنك فهمت المقصود |
على حسب المرأة نفسها
فيه الي تشوف نفسها عليك وفيه الي تحطك بعيونها وتردلك بالمثل والسوائل هذا ماحد بيقدر يجاوب عليه غيرك أنت |
هلا بااخوي العريس
اولا الف مبروووك الله يجعل كلا منكم قرة عين للاخر وثانيا نصيحه من اختك لاتسمع لكلام اي احد وخاصة الي يحثونك على شيء مب زين وتعامل مع زوجتك بكل عفويه وتلقائيه لاتقعد تتثيقل او تتصنع التصرفات الحياه حلوه اذا صارت بكل عفويه وتلقائيه الثقل حلوه بوقته والخفه حلوه بوقتها ولاتحط في بالك شيء الا انكم تتعودون على الصراحه مع بعض وتتعهادون انه كل واحد يسوي المستحيل عشان يسعد الطرف الاخر واتفقوا انه مشاكلهم ماتدخلون غيركم فيها وهكذا اما يبونك تتثيقل من البدايه لا والله حرام بصير ضغط على نفسيتك ونفسيتها اتمنى اكون افدتك تحيتي للجميع |
يا أخي ليش تسمع كلام الناس ، حن عليها دلعها حسسها بالأمان عشان اتبادلك نفس الشعور ...
اللهم حنن قلوبهم على بعض .. اللهم يسر لهم أمور زواجهما .. اللهم ابعد كل من يحاول التفريق بينهم .. |
خلك وسط معها
لا إفراط و لا تفريط |
من ناحية آلكلام .. بقول كل شي وبتغزل لأنها شـريكة حيآتي وتستحق
وبسوي الي تبيه لكن كل شي له حدود وأوقآت وذ1 مآقلت كلام حلو لزوجتك بتقوله حق مين ... حق صآحبك يعني ..............؟ بآلعكس زوجتك دللها دلعها سو الي يرضيها وسو المصآعب بعد لكن آوقآت حسسها أنك ماتلبي لها شي ... لان آلحبل لآترخيه وتخربك .. ولا تشدهـ وتكرهك مشكووووووووووووور ...000... |
يعطيكم العافية
أبي خطوات عمليه تجاه هذا الأمر |
الكلام ابدا مو صحيح لا تنتظر المبادرة منها في الاتصال او الرسايل خصوصا في الايام الاولى بالعكس انت اللي بادر بالاتصال والسؤال عنها لانها مع الوقت هي اللي راح تسوي هالشي اذا شافتك تسال وتدق عليها راح تسوي مثلك بالمثل على عكس اذا ما حست منك اهتمام من ناحية الاتصال والاهتمام والرسايل بالمقابل هي ما راح تهتم لا تبني حياتك على اساس تجارب وكلام الغير لان اللي تعايشو معه مو شرط انك تعايشه ومثل ما قالت الاخت عبير الرياض لا افراط ولا تفريط الله يوفقكم ويسعدكم ان شاء الله ... |
وعليكم السلام يالعريس ماعليك من هالنصائح فهي سيئة وتكسر خاطر خطيبتك وتخليها في حيره وتفكير ابعد عن هالنصائح الي تقول : اثقل عليها .. لا تتصل فيها .. لا ترسل مسجات رومانسية .. لا تعطيها وجه .. لا تتصل دائما .. خليك رسميا معها .. الشهور 1 و2 وربما 3 خليك رسميا باحترام ولا مزح ولا لعب .. خليك ثقيل لا تمدحها دائما .. لا تعبر عن شوقك لها .وإلخ كل هالنصائح والي مثلها انسفها البعض يحسبها رجوله !! وهذا خطا واعتقد كلما اسمعت خطيبتك الكلام الحلو والرسائل الحلوة راح تتعلق فيك اكثر وتفكر بك دائماااااااا |
| الساعة الآن 05:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©