|
زوجي والماسنجر ..
السلام عليكم ورحمة الله وبركاته
انا حياتي من بداية ما تزوجت وماشية عادي الحب والحنان الكبير من صوبي وزوجي ما مقصر باي شي اطلبه بس بعد ما جبت بنوته وخلال فترة الاربعين اللي قضيتها عند اهلي زوجي قام يجابل المسن ويتعرف على البنات بالتلفون ويصرف عليهم فلوس اكتشفته من سجل المحادثات والمسجات اللي اشوفها من وراه الشي اللي خلاني انقهر .. واموت ليش يا ربي انا ما قصرت بحقه شي سويت كل اللي يبيه بعد ما واجهته انكر .. وعقب قام يعاملني معاملة زفته لين ما تعبت نفسيتي وما قدرت اتحمل طحت عليه خاف ورد يعاملني معامله زينه بس كل وقته برع البيت يسولف ويا البنيه وانا اعرف رقمها بس ما اقدر اتصرف واخرب حياتي بيدي مرات اقول خله يلعب بحياته بالطول والعرض مصيره برجع لبيته وبنته بس اغلب الوقت اموت من القهر من اللي يسويه فاي زوجة ما ترضاها لزوجها وتريد تكون وياها وحدة غير يقول لها كلام الغزل والحب .. وانا محرومة منه تكلمت وياه باللين وماجاب نتيجة شديت وياه وما جاب نتيجة انا مقهورة وجسمي ضعف واكلي خف وعندي بنت ما ترضع الا طبيعي .. صار الحليب ما يكفيها ساعدوني الله يخليكم ولو بدعاء كمل لزوجنا سنة و9 شهور تم تعديل العنوان .. تم النقل للمتزوجين .. |
يارب ببركة الشهر الفضيل يفرج همك ادعي في الثلت الأخير وربي يغير الحال يارب
|
وآلله شي يقهر
صرآحه آنتي بفترة آلولادهـ آكـيد هو يدش دردشة آو منتدى لذآلك تعرف على بنت ولقى منهى حنآن .. ولا آقول يمكن لقى آلي كآن محروم منه لما كنتي بآلآربعيـن لذآلك يصرف عليهآ ويعطيهآ آلي تبيه لأن كل شي مكروه آو حرآم ... يحبونه آلنآس لكن آنتي عآمليـه بآلطـيب .. وذآ مآنفع قولي له يآنآ يآلبنآت رفيقآتك وآول شـي عآمليه بآلطيـب .. وسوي آلي يبيـه لكن مآقول .. الأ ألله يوفقك ويعطيك على قد نيتك يآبنت الاجوآد ..00.. |
مشكووورة دمعة عمر على الدعاااء الغاليه
اخوي رجل فوق العادة انا الحينة اعامله بالطيب واخر مرة قالي فيها بعاملج بالزين بس اللي ابيه منج لا تدخلين بحياتي بلعت الحرقة وسكتت .. لاني ما عرفت شو ارد عليه حسيته ياهل وما يفهم بالزواج .. شريكة حياته ومااتدخل بحياته ما يركب |
لا حول ولا قوة الا بالله
الله يهديه الله يهديه فعلا بعض الرجال يمتلك عقل مراهق او طفل وما عنده اي تقدير او احساس بشريكة حياته يعني مع كل المصايب اللي تمر فيها الزوجة وقت الزواج, يكون هذا تصرفه النوع هذا من الرجال ينظر لشي واحد فقط في زوجتة الجاذبية والجمال الكلام ما راح يفيد معه حاولي تهتمي بمظهرك بشكل كبير وهو راح يبدا يحس بالمصيبة اللي مسويها الله يكون بعونك |
الله يهون عليك مصيبتك ويحنن قلب زوجك عليك ان شاء الله
|
السلام عليكم
اللي اشوفه انو زوجج عنده فترة مراهقة متاخرة الله يعينج بس الصبر تراه زين مهما طال ولا تكلميه وخله لين يعقل وبعدين يرد لبيته مو بس انتي اللي تعانين هالموضوع موجود وبيظل وهذا من الخقة الزايده عليه الله يهديه بهالشهر الكريم والله كريم خيتي في حالج وبالبنيه تراها امانه عندج ورايلج ان طلع برع خليه يولي تحياتي صقر المغرب |
تقربي منه اكتر اعطيه مساحه اكبر سيعود لكي وحا ولي تفهميه انتي لسه زواجك حديث لم تفهمي طبعه بعد تقربي اكتر وربنا يهديه لكي ويهدنا جميعا لانفسنا
|
يعطيكم العافيه
انااااااااا اهتيمت بشكلي ذووود وغيرت من اشياء كثيرة حتى اسلوبي وصله التغير امس مسكته وكلمته على رواقة على البحر وقلت له اني ما اقدرر اتحمل اللي يجيني منه كنت ابي منه يضع الحل للموضوع قالي الحل انه تعطيني حريتياسوي اللي ابيه وانتي ما بقصر وياج |
الله يهون عليك مصيبتك ويحنن قلب زوجك عليك ان شاء الله
|
| الساعة الآن 02:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©