|
احتاج مشورتكم علاقتي بمخطوبي بدت تنهار ساعدوني ؟؟؟؟؟؟
السلام عليكم ورحمة الله وبركاته احتاج لمشورتكم بشيء مهم وضروري بقولكم بتفاصيل أنا كتبة الكتاب من 4 شهور تقريبا وفي هذي الفتره اشوف زوجي واكلمه في التلفون وكنت مرتاحه عادي ومتحمسه لكن زوجي في البدايه كان متحمس لدرجه كبيره ومن يحصل فرصه كلمني تقريبا ال 3 شهور الاولى لكن الحين تغير كل شيء بالايام مايتصل الا اذا طرشتله مسج ويوم يتصل يقول مثلا بتصلبج بعد المغرب ومايتصل ويتعذر انه تعبان وعنده شغلوهذي الحركه كم مره كررها،،معني مااتجاوز حدودي في الكلام وياه لأقصى حدود ،لكن ابينله كم اني احبه ....اخواني وخواتي انا احترم الشخص الي يكون عند كلمته وصرت اضايج لدرجة اني بديت انفر منه وماودي حتى اشوفه واكلمه انا خايفه اسلوبي وكلامي خلاه يبعد عني انا خايفه هل بتفتر العلاقة من الحين واذا من الحين وصلنا لهذي الحاله بعد العرس شو بيصير اتمنى مساعدتكم؟؟؟؟؟؟ |
والله مدري شقولك أنا إللي أعرفه أن البنت المخطوبه لازم تحاول قد ماتقدر تكون غامضه من ناحية هذه الأمور وخجوله حتى لايظن فيها ظن السوء تدرين هالأيام الرجال ماينعرف لهم إذا البنت خجوله حبوها جريئه وإذا كانت جريئه نفروا منهاوتمنوها خجوله.. بس ما أتوقع خطيبك من هالنوع ممكن تكون عنده مشاكل بشغله وانت ماتدري عنها! ممكن يكون الصيام مأثر بمزاجه بالنهار من كذا يأجل المكالمه لبعد المغرب.. طيب أنتي ليه ما تتصلي عليه إذا تأخر أو نسى مادق؟ ترى أغلب الرجال يحبون إللي تهتم فيهم وتسأل عنهم.. حاولي تفتشيب عن السبب الرئيسي إللي مخليه يتغير.. أسأليه بصراحه في شئ مضايقك مني؟ الصراحه أحسن شئ من البدايه.. والله يوفقك ويتمم لك على خير.. أختك دلوو24ووعه |
الله يساعدج على هالتغير؟؟
بس اكيد في سبب؟؟ يمكن يكون متضايق منك او شي.؟ |
حاولي تكلمي بعد صلاة العشاء جايز لانه صايم مابده يتكلم وحاولي تعطيه مساحه ولاتلحي عليه واذا استمر واجهيه واسأليه ايش اللي مزعله ..
موفقة تحياتي |
اقتباس:
لكن كيف قصدج بغامضه هل اوقف ومااقوله كلام طيب وحلو اذا قالي على فكره هو بدا يبين حبه لي في الشهور الاولى وبعدين تشجعت اقوله لكن مره اومرتين قلتله عن مشاعري تجاه فجاه بدون مايسوي هو مقدمات وعلى فكره هذا الشيء خلال هذا الشهر كان |
لاياقلبي الكلام الحلو شئ ضروري أنا أقصد الكلام عن أشياء جريئه تخص ما بعد الزواج ومن هالأمور وترى ممكن يكون يتغلى لاأكثر :) أنت شوفي أيش صاير معاه وإذا ماجاوبك عاتبيه بحنيه وقولي له أحسك متضايق من شئ ممكن أعرفه ؟ لا تستبعدي يكون هالشئ إللي مضايقه من أهله أو عمله .. حسسيه إنك حاسه فيه.. وما يهمك إلا تشوفيه مبسوط.. وإذا ما رد عليك بصراحه؟ قولي له حبيبي متى ما حبيت تقولي أنا مستعده أسمعك:22: وصدقيني إذا فيه شئ بيصارحك:) الله يوفقك يارب أختك دلوو24ووعه |
تسلمين دلوعه بحاول ولو اني ابا اقطعه فتره وبشوفه هل يرجع مثل اول ولا لا
|
انا اشوفه امر طبيعي خاصة في رمضان
مع الصيام الواحد يتعب وبعد الفطور يبغى يرتاح يعني افضل وقت بعد العشاء بساعة ساعتين واي علاقة لازم بالبداية تكون قوية وتبدا تقل شي طبيعي لا تقلقين طبيعة الا نسان يمل وخاصة الرجال بس اهم شيء لا تتضايقين بيرجع مثل اول واحسن عطيه فرصة يشتاق لك والف مبروووك |
الله واعلم
|
سيبه هو لو عايزك حيتصل
مش عايزك مش حيتصل متفرضيش نفسك عليه واصبري شوية لغاية ما تتجوزي |
| الساعة الآن 06:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©