|
التقشير الكرستالي
السلام عليكم ورحمة الله وبركاته
اخواتي الشهر عليكم مبارك الله يعافيكم ياحلوات انا حبيت اعرف معلومات عن التقشير الكرستالي للبشرهـ - - ما هو التقشير بالكرستال؟ - من هم المرشحون للتقشير بالكرستال وهل لتضييق المسام دخل بذالك؟ - هل التقشير بالكرستال مؤذٍ أو مؤلم ؟ - ماهي الأمور المتوقعة أثناء الجلسة وبعدها؟ - ماهي النتائج المرجوة من التقشير ؟ - ماهي المخاطر المرتبطة بالتقشير ؟ ياليت تفيدوني ودعواتي القلبيه لكم |
وعليكم السلام
يا عزيزتي يطوووووووووووول الحديث عن التقشير الكرستالي وفيه الكثير من المقالات عنه ... اما عن بعض من تجارب البنات كثير ماينصحون به ومايمدحونه وهو مؤقت ثم ترجع البشره اسوء مما كان إلخ انصحك انك تتصلي بأحد العيادات ذات الثقه والسمعه وتستفسري شخصيا والافضل تزورينهم وتجري فحص بسيط لك واطلاع لبشرتك وسولفي معها واستفسري اكثر من اخصائية التجميل والله معك |
انصحك بالابتعاد عنه
لان اضراره اكثر من فوائده |
جربته مااستمريت عليه يبغى له مدوامة دورية كل فترة صاحبة المشغل نصحتني فيه عشان يعطي رونق اكثر للبشرة
|
انا اسأل عن التقشير الكرستالي مو الكيميائي ومدري وشو ؟
ولا عند المشاغل طيب انا عندي مسام متسع كثير وأبي له حل ساعدوني قولو لي وش أسوي؟؟؟ |
انا فاهمه عليك التقشير الكرستالي لا تستخدمينه ولا تقربين له
وابحثي عن البديل وعن الاشياء الطبيعيه الي تغذي وتزين البشره وعلى فكره سمعت ان المره+ الطحينيه السائله الي تستخدم مع الفلافل عرفتيها فيه من تستخدمها مع وتضعها على بشرتها بس ماجربتها انا ! والي استخدموها يقلون رهيبه ولا حظت صفاء وبياض وتحس كبير ببشرتها و تغيرت وصارت حلوة لكن سمعت ان كثرتها مو زين تسبب ترهل .. النقطه الثانيه : عندك مسام متسع بالوجه حاولي تقرأ وتستفسري من اخصائية جلديه او مختص بالاعشاب والطب البديل ويفيدك اكثرررر وخذي هالحل المؤقت وان شاء الله يفيدك زيت اللوز الحلو + زيت العنبر يمزج جيدااا ويدهن به الوجه وفائده انها يخفي المسام وتمتلء وتختفي المسامات المتسعه بالوجه ومفيد جدا لبشره الوجه وايضا ممكن تشوفين طرق اخرى تسكر المسامات وعلى فكره سبب المسامات الي بالوجه بسبب غسل الوجه بماء دافي او حار شوي لا تستخدمي إلا الماء البارد فهو ينعش البشره والوجه ويعطيه نضاره ويصبح لونه مورد داومي على ذلك وحاولي تسوين اقنعه طبيعيه مثل اللبن مع الزبادي والخيار وتمزج وتعصر جيدا ويدهن بها الوجه وغيرها من الطرق الكثير وهي طبيعيه وتفيد بشرتك وتعالجها الماء البارد حلو للبشره الوجه وللجسم اغسلي به وجه بعد القناع ولا تنسي الخضروات والفواكه وشرب الماء ايضا 6 إلى8 اكواب يوميا انصحك ان كانت بشرتك تعبانه جدا روحي اخصائية بمركز ثقه ذات سمعه ومعروف افضل لك لعلاجه تسوي لك كورس كامل ويمكن تطلب منك جلسه 1 او 2 اسبوعيا وتستمرين لمدة شهرين تقريبا الله يرزقك يارب بالي تتمنينه من قرأ واستفاد دعواتك ودعواتك لي بظهر الغيب اختك |
تسلمين حبيبتي وجزاك الله الف خيير
طيب ياقلبي الحين زيت اللوز الحلو + زيت العنبر يمزج جيدااا كم المقدار؟ وكم المدره الي اخليها على وجهي ويعطيك ربي الف عافيه والله يوفقك ويسعدك ويخليك يارب |
يسلمك ربي ياغلاتي .. زيت اللوز الحلو + زيت العنبر يخلط معا بمقدار متساوي والمقدار ملعقة صغيره يدهن به الوجه ويقول الاستشاري انه ممتاز للبشره الوجه ولمن تشكو من اتساع بالمسامات بس حاولي ماتكثرين الزيت بالوجه لان بعض الناس تظهر به حبوب دهنيه بسبب الزيوت واستخدمي قطنه وادهني بها وجهك .. وبنسبه لبشرتك استخدمي لمدة شهر الاشياء الطبيعيه والأقنعة وخاصه قناع زبادي لمدة 15 دقيقه ثم بعد ذلك يشطف بالماء البارد .. بعد مرور شهر ان لم تشعري بتحس وتغير ببشرتك فيجب عليك مراجعة اخصائية ثقه وتتابعي معها والله معك |
روحي لطبيبه جلديه
وتحملي تروحين لصالونات يسوون لج |
| الساعة الآن 06:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©