في شهر العسل ويخوني
 

سلام عليكم

أنا عروس بشهر العسل ومن طبعي وحده ما اتجسس ولا اقرى مسجات زوجي ولا حتى امسك أغراضه انا هذا طبعي بس مرة صدفة قمت بالاطلاع على جواله مادرري ليش الشيطان وسوس لي لقيت مسجات بينه وبين وحده يقولها احبك وهي مشتاقتله انااا شفت هالمسجات يوم الثلاثا اللي فات وإلى الآن ماكلمته وساكته بنفجر شلون ابدي الموضوع معاه
مع العلم انا وزوجي متزوجين عن حب بس بعد زوجنا كثير اشياء تغيرت فيه طبعه صاير مايتحمل يقعد معاي على طول يبي يطلع مع ربعه (اصدقائه)
اي كلمه يحاسبني عليها ويصرخ ويعصب
قبل كان مايرضى على زعلي الحين بطقاق
تخيلوا كان قاطع تدخين مره كنا طالعين نتمشى قال بشتري سيجاير قلت له لا اذا شريت رجعني البيت ولا عبرني وبالفعل اشتراها وعصبت قلت خلاص ردني البيت مابي اطلع بس عصب وهددني بالطلاق وخلاص اخذي اغراضج وروحي بيتكم هذا واحنا بثلاث اسبوع شهر عسل
يطلع مع ربعه مايرد إلا الفجر
قبل ماكان جذي
هذا غير عند ه صديق حتى الفجر يتصل فيه مايستحي يقول ان رجل متزوج مااضايقه اتصل بهذا الوقت
والحين سالفة المسجات اناا بنفجر بس مابي اهدم بيتي اللي توني حتى طابوقه وحدة فيه مانحطت بسم الله ليلحين ماكملنا الشهر مابي افشل بزواجي ساعدوني


الإشراف : اختي الفاضلة .. يرجى منك قدر الإمكان الابتعاد عن اللهجات المحلية

حتى يستطيع الاعضاء فهم الموضوع ومساعدتك ..

فرج الله همك واسعدك ..

ربي يعينك فعلا هذاكله وانتي في شهرالعسل هذاماخلى شي لبعدين
لاحول ولاقوة الابالله حاولي تكلمين أهله يمكن يشوفولك حل

الله يعينك يا اختي

الله يسخر لك زوجك ومايشوف غيرك في حياته

اختك بالله جينز

اولاً مبرووووووووك وعسى ربنا يسعدكم في حياتكم الزوجية

ثانياً : يا اختي الكريمة مثل ما ذكروا الاخوان ان المشاكل في اول ايام الزواج شيء عادي

وبالنسبة للطلعات والرسهرات .... لا بد من ايجاد بديل له ــــ عليك بتغيير تصرفاتك معه (اقرءي في المنتدى

عن الحركات اللي يسوونها الاخوات مع ازواجهم , اللي تخليهم يقعدون في البيت

ولا بد عليك اختي ا تكوني بشوشة وهادئة معه (واذا طلبتي منه شيء لا تعاندين ......

اطلبي منه يترك الدخان باسلوب حب واسلوب حلو يبين انك خايفه عليه وليس اسلوب (طف السيجارة ولا نزلني؟؟؟؟؟

والرياييل يا اختي ما ييون بالعناد

(اهم شيء انبسطي ولا تشيلين هم ووسعي صدرك (وحا ولي بقدر الامكان ان تكسبي زوجك حتى لا ياخذه غيرك


الصلااااااة والدعااااء هي افضل وسيلة لك

نصيحه من كل قلبي

حاولي انك تعرفين أسباب هالشغلات ألي قاعد يسويها وأذا كان قصور منك فحاولي تعالجينه واذا كان هو كذا طبعه بدون أسباب

أنصحك ألحقي على عمرك توكم في البدايه ماأتوقع أنه يستاهل أنك تضحين علشانه يمكن الله يعوضك بواحد أحسن منه

ومن وجهة نظري عدم الزواج أفضل مليون مره من زوج هذي أفعاله

و عليكم السلام ورحمة الله و بركاته

عزيزتي ...أرجو منك الإجابة على أسئلتي:

كيف كان طبعه في فترة الخطوبة أو الملكة؟

كيف علاقاته مع أصدقائه؟

يعني يخرج كثير ؟ و لا صداقاته قليلة؟

هل كان من النوع الذي يحب السهر مع أصحابه ؟ حتى لوقت متأخر؟

(يعني حاولي دراسة شخصيته قبل الزواج ...حتى تقدري تقرري إذا كان متغير و لا هو طبعه نفسه)

هذا يا حبيبتي أسمه فرض شخصية...يعني بالعربي بده يفرد عضلاته عليك...عالجي الموقف بهدوء ..كثير من الرجال في البداية يسوي كده بعد فتره يتغير..
خليك هادئه...و ناقشي الموضوع و الخلاف معه بهدوء و بدون أن تعصبي أو حتى ترفعي صوتك..لكن تأكدي من هدوئه هو و برود غضبه..


هل فعلا ترك التدخين..و لا مجرد كلام..؟

هذه الأمور واردة جدا...فلا تقلقي..

ناقشي الموضوع معه بهدوء..و أعرفي سبب الإتصال..أما بالنسبة للمسجات أنتظري و تروي حتى تتأكدي من الموضوع..

و لي عودة أخرى بإذن الله..لأتابع معك موضوعك...

الله يعينك يا اختي

بسم الله الرحمن الرحيم
معليش أنا لي وجهة نظرة ثانية غير اللي عند الأخوة
بس ياريت تستحمليني
هذه مشاكل مو طبيعية ( صحيح توجد مشاكل في أول الزواج بس مشاكل جدا جدا جدا عايدية وبسيطة )
لكن رسالتي لكي


أولا :انتي ذكرتي " متزوجين عن حب " اش قصدك بهذا الشيء ؟؟؟
وجوابك على سؤالي راح يعتمد عليه الكثير جدا
لكن بافتراض انكم أقارب وتحبوا بعض من زمان فاتزوجتوا ، راح أكمل رسالتي على هذا الافتراض
ثانيا : دائما نرجع ونقول لكل زوجة " يا غالية أبعدي عن اللقافة هذه " خصوصا إذا كان زوجك ما أذن لك
ليش تفتشي جواله ؟؟؟ لكن اللي صار صار ، قدر الله وماشاء فعل
ثالثا : أظهري لزوجك الضيق من تصرفاته دون استخدام هذا اللفظ " وديني بيت أهلي " انتو اش على بالكم ؟؟؟ هذه الكلمة لعبة .؟؟؟ ولا أتعدوتوا تستخدموها وبس ؟؟
بالله صار لك متزوجة 3 أسابيع وتقولي لزوجك إذا دخنت وديني بيت أهلي ؟؟؟
ترى زوجك مو طفل
رابعا : اهتمي بزوجك كثير ، انتي سوي اللي عليكي وأكثر
خامسا : وهذه الكلمة قلتها كثير في المنتدى لكن اتعبي مع زوجك كثير وحاولي معاه أكثر وأكثر
لا تملي من المحاولات ، حاولي تصلحيه بأي طريقة وحاولي وحاولي وحاولي


وأخيرا : ليش أسلوبي معاكي كدا مع العلم المفروض ألومه هو لأنه هو الغلطان تماما
عارفة ليش ؟!
لأنه انتو النساء رحيمات وطيبات وقلوبكم كبيرة وصبورين
فإذا انتو هذه هي أخلاقكم وطبائعكم فليش تتصرفوا مثل هذه التصرفات المتناقضة مع أخلاقكم
ختاما لا تنسي مع المحاولات ،،، كثرة الدعاء

والله يسعدك يارب
وياريت تطمنينا اش صار معاكي